Krieëvel
- Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Krieëvelsch, as te dit dialek sjpriks.
Krievel (sleiptoen op de ie) of Krieëvel (Duuts: Krefeld, Ripuarisch: Krieewe) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't weste vaan Noordrien-Wesfale. De Rienlandse plaots vilt oonder 't Regierungbezirk Düsseldorf en ligk neve de steij Duusbörg en Dusseldörp en de kring Rhein-Kreis Neuss, Kreis Veeëse (Viersen), Kreis Kleef (Kleve) en Kreis Wesel. Krievel ligk op 'n hoegte vaan 38 meter. Hei weurt nog 't Krievels plat gemojld, dat 'n euvergaanksdialek is vaan 't Limbörgs en Ripuarisch. De aw lui zawwe hei nog spreke vaan Krieëvel, dewijl de nui generatie meistens Kölsj es dialek heet en dao spreek me meisten vaan Krieewe. De stad heet 'n oppervlak vaan 137,78 km², en volgens de census vaan 2014 gief 't dao 222.058 inwoeners. Heimèt heet 't 'n bevolkingsdeechte vaan 1612 de veerkante kilometer. De stad ligk neet wiet vaan de Nederriense Heuvelrögk, dee tösse Krievel en Nimwege heer löp en daan e boch maak um Noord-Limbörg. Sinds de nuie stadsraod vaan 2014 zien de SPD en CDU de groetse polletieke partieë mèt 20 zetels eder. Op de daarde plaots kump daan de Grüne mèt zès zetels. In Krievel gief 't gein universiteit mer wel de hoofzeteld vaan de provinciaole hoegesjaol Hochschule Niederrhein. De stad besteit oet 9 distrikte.
Brón[bewirk | brón bewèrke]
- Duutstaolege Wikipedia