Jersey

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Bailiwick of Jersey Bailliage de Jersey
Basisgegaevens
Officieel taal	Ingels, Frans
Huidsjtad	Saint Helier
Sjtaotsvörm	Brits kroenbezet
Sjtaotshoof	Elizabeth II, hertog vaan Normandië (sins 1953)
[[{{{titelhoofregering}}}]]	{{{naomhoofregering}}}
Lutenant-goevernäör	Lieutenant General Andrew Ridgway
Bailiff	Sir Philip Bailhache
Chief Minister	Lieutenant General Frank Walker
Religie	{{{religie}}}
Opperflaakde – % water	116 km² -%
Inwoeners – Deechde:	87,186 (tèlling 2001) 752/km²
Biekómmende gegaeves
Munteinheid	Jersey Pound (JEP)
Tiedzaone	UTC 0
Nationale fiesdaag	9 mei
Vouksleed	God Save the Queen, Ma Normandie
Web | Code | Tel.	.je | JEY | +44-1534

Jersey (officieel Bailiwick of Jersey, Frans: Bailliage de Jersey, Jèrriais: Jèrri) ies 't groatste van de Kanaaleileng veur de Franse kus bie Bretagne. De Bailiwicks (baljuwsjappe) Jersey en Guernsey vörme same de Kanaaleileng. Dees baljuwsjappe zint Britse crown dependencies; ze valle direk ónder de Britse kroan, meh neet ónder de Britse wètgeving en ze zint gein ónderdeil van 't Vereinig Keuninkriek. Bie 't baljuwsjap Jersey huère ouch de ónbewoonde eileng Minquiers en Ecréhous.

Bestuurleke indeiling

Jersey ies ingedeild in 12 administratief kantons, die parishes (parochies) geneump were:

• Grouville
• Saint Brelade
• Saint Clement
• Saint Helier
• Saint Lawrence
• Saint John
• Saint Martin
• Saint Mary
• Saint Ouen
• Saint Peter
• Saint Saviour
• Trinity

Demografie

't Aantal inweunersj ies 87,186 (tèlling 2001). Óngevaer 50% van de bevolking kump oorsjprunkelik neet van Jersey. Belangrieke minderhede zint Britte, Portugeze, Iere en Franse. Ingelsj en Frans zint de officieel tale, woavan Ingelsj dominant ies. 't Jèrriais, 'n Normandische taal, weurt nog door óngevaer 3% van de bevolking gebruuk, 15% zaet enig beheersing van de taal te höbbe. 't Jèrriais weurt erkènd es sjtreektaal.

De Church of England ies sjtaatskèrk, meh op 't platteland kump 't methodisme vrie väöl veur. Ouch ies d'r 'n tamelik groate katholieke minderheid.