Herf

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Liegking van Herf in de provincie Luuk

Herf (officieel Herve) ies 'n gemeinte en 'n sjtad in de provincie Luuk in Belsj. De sjtad tèlt ca 16.500 inweunersj. De gemeinte haet 'n oppervlakte van 56,98 km². In 't centrum van de plaats hange versjeie twiètalige sjtraotnaamborde: in 't Frans en in de plaatselike taal, 't Waals.

Kerne

Twiètalig sjtraotnaambord in de plaats Herve

De dörper en gehuchte:

• Battice
• Chaineux
• Grand-Rechain
• Julémont
• Xhendelesse
• Bolland
• Charneux
• José
• Bruyères
• Manaihant

't Land van Herf

Sjtadhoes van Herve

't Land van Herf liek in 't noorde van de provincie Luuk en sjtrek ziech oet van de sjad Luuk tot aan de Duutsje grens. De naam kump van de plaats Herf, die in 't zuje liek. 'ne Ander naam ies Land van Overmaas. In de heuvele Herf, de lièg Ardenne geneump, liegke väöl vièbedrieve.
De sjtreek ies hièl bekènd um ziene sjtinkkiès, Herfs kièske geneump.
Aan de noordkant grens de Voersjtreek.

Bezeenswaerdig in Herve-sjtad

Kèrktore

• De katholieke kèrk gewiejd aan Maria en Johannes de Duiper oet de 17e ièw. De tore, van 49 maeter hoag, ies miedelièws oet de 13e ièw.
• De Zès fonteine, 'n geboew mèt 6 róndbäög woa-achter ziech 6 sjteine fonteine bevinge.
• 'n 17e ièws kloaster en 'n 19e ièws kloaster
• Sint Elisabethhospitaal oet 1400. Herboewd in 1652.
• Sint Jozefkapel oet de 18e ièw
• Kapelke van Jezus,Maria, Jozef oet 1823
• Vakwerkhoes oet de 17e ièw
• 18e-ièwse fontein Denis Dumont
• Haof Nazareth
• 18e-ièwse watermeule
• Theresia van Lisieuxkapel oet 1928

Extern links

• website van de gemeinte
• VVV Land van Herve

Commons: Herve – Media gerelateerd aan dit óngerwerp