Glen Campbell

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


Glen Campbell tiejes 'n optraej in Texas in jannewarie 2014.

Glen Travis Campbell (22 april 1936 - 8 augustus 2017) waas 'nen Amerikaanse countryzenger, gitaris, tilleviesprizzentater en, sporadisch, aktäör. Hae is veurnamelik bekèndj van 'n aantaal aan hits inne sèstiger en sevetiger jaoren en veur 't prizzentere van 'n variëteitepergram geneump The Glen Campbell Goodtime Hour op CBS.

Gedurendje zien fieftig jaor es arties haet Campbell mieër es sevetig albums oetgebrach. Hae haet viefenfieërtig miljoen plate verkóch, twellef gólje albums, veer platina albums en ein dóbbelplatina album. Campbell zien grótste hits zeen "Gentle on My Mind" (gesjreve door John Hartford), "By the Time I Get to Phoenix", "Wichita Lineman" en "Galbeston" (alledrie door Jimmy Webb), "Rhinestone Cowboy" (door Larry Weiss) en "Southern Nights" (door Allen Toussaint).

Campbell sjreef gesjiechte in 1967 wiedet t'r in eine kieër veer Grammy's wón inne categorieje country en pop.

Begintied[bewirk | brón bewèrke]

Glen Campbell is gebaoren in Billstown, 'n klein gemeinsjap bie Delight in Pike County, Arkanson. Hae is de zoon van Carrie Dell (Stone) en John Wesley Campbell. Hae waas de zevendje zoon van twellef kinjer. Zie vader waas 'nen opbringspachter van Sjotse aafkóms. Campbell begós mit gitaar te spelen in zien jeug zónger noeate te lieëre laezen en zaet det ziene nónk Boo 'm gitaar haet gelieërdj.

In 1954 verhoesdje Campbell nao Albuquerque veur bie ziene nónk zien band Dick Bills and the Sandia Mountain Boys te gaon spele. Dao versjeen d'r ouch oppe radioshow van ziene nónk en op K Circle B Time, 't lokaal kinjerpergram op KOB. In 1958 formeerdje Campbell zien eige band, de Western Wranglers.

Karriaer[bewirk | brón bewèrke]

1960-1966: Vreug karriaer[bewirk | brón bewèrke]

Campbell verhoesdje in 1960 nao Los Angeles óm 'ne sessiemuzikantj te waere. Róndj dezen tied maakdje d'r deil oet vanne groep The Champs. Kórt dao-op woort Campbell hieël gevraog es sessiemuzikantj. Hae maakdje deil oet van 'ne groep studiomuzikntje die bekèndj kwame te staon es The Wrecking Crew. Tiejes dees periood speeldje d'r mit op plate van Bobby Darin, Ricky Nelson, Dean Martin, Nat King Cole, The Monkees, Nancy Sinatra, Merle Haggard, Jan and Dean, Elvis Presley, Frank Sinatra en Phil Spector.

Taenge jannewarie 1961 vónj Campbell 'n baan veur euverdaags bieje oetgaever American Music. Dees heel in det d'r leedjes sjreef en demo's opnoom. In mei 1961 verleet t'r The Champs en teikendje d'r e kóntrak bie Crest Records, 'n óngerbedrief van American Music. Zien ieëste solo-oetgaaf, "Turn Around Look At Me", waas e maotig succes, en bereikdje plaats 61 oppe Billboard Hot 100-lies. Hae vörmdje ouch de groep The Gee Cees mit veurmaolige bandleje van The Champs, en speeldje bie The Crossbow Inn in Van Nuys, 'n veurstad van Los Angeles. The Gee Cees brachten ouch 'ne singel oet bie Crest: de instrumentaal nómmers "Buzz Saw"/"Annie Had A Party", die 't neet toete hitlieste maakdje.

Campbell teikendje in 1962 e kóntrak bie Capitol Records. Nao in 't begin e klein succeske mit "Too Late to Worry, Too Blue to Cry", zienen ieëste singel bie det label, en "Kentucky Means Paradise", oetgedrach door The Green River Boys feat. Glen Campbell, koom 'n riej ónsuccesvól singels en albums.

Vanaf 1964 versjeen Campbell regelmaesig oppe tillevies bie Star Route, 'n pergram van Rod Cameron.

Van december 1964 toet begin mieërt 1965 waas Campbell e toerlid vanne Beach Boys, wo d'r invool veur Brian Wilson. Hae speeldje ouch gitaar op 't album Pet Sounds. Tiejes de toer speeldje d'r basgitaar en zóng d'r falsettoharmonieje. In april 1966 góng d'r same mit Ricky Nelson op toer en speeldje d'r basgitaar.

In 1965 haw d'r zien grótste solohit toet den aan. Zien versie van "Universal Soldier" (van Buffy Sainte-Maria) bereikdje plaats 45 oppe Hot 100-lies.

1967–1972: van Burning Bridges toet The Goodtime Hour[bewirk | brón bewèrke]

Wen de hie-op volgendje singels 't neet good deje en Capitol d'reuver dach Campbell oet 't label te sjöppe in 1966, woort t'r samegebrach mitte producer Al De Lory. Same wirkdje ze ieës aan "Burning Bridges" det 'ne top-20 countryhit woort vreug in 1967 en 't album mitte zelvendje naam. Campbell en De Lory wirkdje in 1967 weer samen aan "Gentle on My Mind", gesjreve door John Hartford, det e kórt succes woort. 't Nómmer woort gevolg dore grótter hit "By the Time I Get to Phoenix" later in 1967 en "I Wanna Live" en "Wichita Lineman" in 1968. Campbell wón veer Grammy's veur zien prestaasjes van "Gentle on My Mind" en "By the Time I Get to Phoenix".

In 1967 woor Campbell ouch de neet-verneumdje leadzenger op "My World Fell Down" van Sagittarius, 'n studiogroep. Det nómmer bereikdje plaats 70 oppe Billboard Hot 100-lies.

't Nómmer "True Grit" oet 1969 det is gesjreve dore kómpenis Elmer Bernstein enne tekssjriever Don Black woort gezónge door Campbell.

Zien grótste hits inne late sèstiger jaore wore nómmers gesjreve door Jummy Webb: "By the Time I Get to Phoenix", "Wichita Lineman", "Galveston" en "Where's the Playground Susie". 'n Album mit nómmers die veurnamelik door Webb gesjreve zeen gewaore, Reunion: The Songs of Jimmy Webb, woort oetgebrach in 1974, mer 't brach gein hits veurt. "Wichita Lineman" woort gekaozen es ei vanne bèste nómmers vannen twintjigsten ieëf door 't blaad Mojo in 1997 en Blender in 2001.

Naodet t'r inne zómmer van 1968 'n vervanging veur 't tilleviespergram The Smothers Brothers Comedy Hour ('n variëteitepergram) prizzenteerdje, kreeg Campbell zien eige waekelikse variëteitepergram, The Glen Campbell Goodtime Hout, van jannewarie 1969 toet juni 1972. Op 't huuegdjepuntj van zien populariteit woort in 1970 'n biografie door Freda Kramer oetgebrach: The Glen Campbell Story.

Glen Campbell truuedj op tiejes de Michigan State Fair, róndj 1970.

Door Campbell zien connecties in 't sessiewirk kós t'r in zien pergram väöl groeate namen inne meziekwerreld, wie The Beatles, David Gates en Bread, The Monkees, Neil Diamond, Linda Ronstadt, Johnny Cash, Merle Haggard, Willie Nelson, Waylon Jennings, Roger Miller en Mel Tillis. Campbell zörgdje d'rveur det de karriaere van Anne Murray en Jerry Reed vanne gróndj koom door zien tilleviespergram.

Tiejes de late sèstiger en vreug sevetiger jaore brach Campbell 'n lange reeks aan singels oet en versjeen d'r inne films True Grit (1969) mit John Wayne en Kim Darby en Norwood (1970) mit Kim Darby en Joe Namath.

1973-1979: "Rhinestone Cowboy" en "Southern Nights"[bewirk | brón bewèrke]

Naodet zien serie bie CBS in 1972 woort aafgeblaoze bleef Campbell waal regelmaesig te zeen oppe tillevies. Hae deej 'n bierol in 'n tilleviesfilm, Strange Homecoming (1974), mit Robert Culp en tieëneridool Leif Garrett. Hae prizzenteerdje 'n aantaal televisieshows, wie Down Home, Down Under (1976) mit Olivia Newton-John. Hae deej mitprizzenteren ane American Music Awards van 1976 toet 1978 en speeldje de houfrol inne NBC-show Glen Campbell: Back To Basics (1979) mit Seals and Crofts en Brenda Lee es gassterre. Hae waas 'ne gas bie väöl kalpergramme en variëteiteshows, wie Donny & Marie, The Tonight Show Starring Johnny Carson, Cher, the Redd Foxx Comedy Hour, Merv Griffin, The Midnight Special with Wolfman Jack, DINAH!, Evening at Pops with Arthur Fiedler enne Mike Douglas Show Van 1982 toet 1983 prizzenteerdje d'r 'n meziekpergram bieje NBC det 'n half oer doerdje: de Glen Campbell Music Show.

Inne midde vanne sevetiger jaore haw Campbell versjillige hits, worónger "Rhinestone Cowboy", "Southern Nights", "Sunflower" (gesjreve door Neil Diamond) en "Country Boy (You Got Your Feet in L.A.)".

"Rhinestone Cowboy" waas de bès-verkóchte singel van Campbell, dae aanvenkelik mieër es 2 miljoen kieër euveren toeanbank góng. Campbell haw de versie vanne leedjessjriever Larry Weiss gehuuerdj doe d'r in 1974 op toer was in Australië.

"Southern Nights" is gesjreve gewaore door Allen Toussaint, mit hölp van Jimmy Webb en Jerry Reed, dae de basis vörmdje veur 't gitaarintro van 't nómmer, det oetènjelik 't meis-aafgedrejdje nómmer oppe jukebox van 1977 zów waere.

1980-2017: Later karriaer en opnaam inne Country Music Hall of Fame[bewirk | brón bewèrke]

Campbell versjeen kórt in Any Which Way You Can, 'n film van Clint Eastwood oet 1980 woveur d'r ouch 't titelnómmer in haw gespeeldj.

Hae deej de stum van Chanticleer, d'n haan dae wie Elvis Presley klónk, in Rock-A-Doodle, 'n film van Don Bluth oet 1991.

Campbell koom in 1999 bie Behind the Music op VH-1, bie Biography van A&E Network in 2001 en bie 'n aantaal aan CMT-pergramme. In 2003 sting Campbell oppe neugenentwintjigste plaats vanne lies van fieërtig grótste luuj vanne countrymeziek van CMT.

Glen Campbell in 2004.

Van 'm wuuertj ouch gezag det t'r Alan Jackson zienen doorbraak haet bezörg. Campbell tróf de vrouw van Jackson, 'n stewardes bie Piedmont Airlines, oppe lóchhave van Atlanta en goof 't visietkaertje van zienen oetgaafmanager inne vreug jaore negetig en later Jackson brach daodoor later väöl nómmers oet bie 't bedrief van Campbell, Seventh Son Music. Campbell woor ouch 'n inspiraasje veur Keith Urban, dae haet gezag det Campbell 'ne groeaten invlood op zien buunkarriaer haet gehadj.

In april 2017 woort Campbell zie litste album, Adiós aangekóndig, mit dao-op twellef nómmers van zien litste studiosessies anen ènj van 2012 en in 2013. 't Album is oetgebrach gewaoren op 9 juni 2017.

Glen Campbell stórf ane gevolg vanne gekrenkdje van Alzheimer in Nashville, Tennessee, op 8 augustus 2017, zès jaor nao de diagnoos.

Discografie[bewirk | brón bewèrke]

Albums[bewirk | brón bewèrke]

  • Big Bluegrass Special 1962
  • Swingin' 12 String Guitar 1963
  • Too Late to Worry, Too Blue To Cry 1963
  • The Astounding 12-String Guitar 1964
  • The Big Bad Rock Guitar of Glen Campbell 1964
  • Mr. 12 String Guitar 1966
  • Burning Bridges 1967
  • Gentle on My Mind 1967
  • A New Place in the Sun 1968
  • By the Time I Get to Phoenix with special guest Sean Fiola 1968
  • Country Soul 1968
  • Hey Little One 1968
  • Wichita Lineman with special guest Joe DeVito 1968
  • Country Music Star No. 1 1969
  • Galveston 1969
  • Glen Campbell: Live 1969
  • True Grit 1969
  • Where's the Playground Susie 1969
  • Norwood 1970
  • Oh Happy Day 1970
  • The Glen Campbell Goodtime Album 1970
  • Try a Little Kindness 1970
  • Christmas with Glen Campbell 1971
  • Satisfied Mind 1971
  • The Last Time I Saw Her 1971
  • Glen Travis Campbell 1972
  • Glen Campbell 1973
  • I Knew Jesus (Before He Was a Star) 1973
  • I Remember Hank Williams 1973
  • Houston (I'm Comin' to See You) 1974
  • Reunion: The Songs Of Jimmy Webb 1974
  • Arkansas 1975
  • I'll Paint You a Song 1975
  • Live in Japan 1975
  • Rhinestone Cowboy 1975
  • Bloodline 1976
  • Southern Nights 1977
  • Basic 1978
  • Live at the Royal Festival Hall 1978
  • Highwayman 1979
  • Something 'Bout You Baby I Like 1980
  • It's the World Gone Crazy 1981
  • Old Home Town 1983
  • Letter to Home 1984
  • It's Just a Matter of Time 1986
  • Still Within the Sound of My Voice 1988
  • Country Boy 1988
  • I Guess I Just Missed You 1988
  • Light Years 1988
  • No More Night 1988
  • Unconditional Love 1988
  • Walkin' in the Sun 1990
  • Limited Collector's Edition 1990
  • Merry Christmas 1991
  • Show Me Your Way 1991
  • Favorite Hymns 1992
  • Rock-A-Doodle Soundtrack 1992
  • Christmas with Glen Campbell 1992
  • The World of Glen Campbell/ Live 1992
  • Wings of Victory 1992
  • Live in London 1993
  • Somebody Like That 1993
  • The Boy in Me 1994
  • Glen Campbell 1994
  • That Christmas Feeling 1997
  • The Glen Campbell Collection 1997
  • Branson City Limits 1998
  • Home for the Holidays 1998
  • In Concert 1999
  • A Glen Campbell Christmas 1999
  • Glen Campbell in Concert 2001
  • That Christmas Feeling 2003
  • Meet Glen Campbell 2008
  • Ghost on the Canvas 2011
  • See You There 2013
  • Adiós 2017

Brón[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Glen_Campbell&oldid=460678"