Gebroeker:Aelske/sjtäölkes

sjtäölkes van Limburgse sjrieversj, nao eige inziech.

Colla Bemelmans

"zeuk gein oplossing
vuur de puzzel van 't laeve,
allein verlossing
Es d'r achter de buim
achter de sjterre get is,
dan eis ich, dan bae ich,
dat 't 'ne verloskundige is"

oet: Oplossing?, Wil Vesper 2006

Ger Bertholet

"werm dich dichter
aan dien eige beelde
kaok dien ink es 't mót
Sjrieëw zónger wuuërd
daste heildes
sjtaok dien zinne in dien patsj"

oet: Werm dich dichter, Rierank 1992

Sjeng Meijs

"oet de waeg
sjtraote laeg
ram, pam, pam
weg medam
weestegroot
hièl devoot
kinger kómme
sjtil get, trómme
wat 'n rieje
aan twiè zieje
kinger bae
bae! veur wae?"

oet: Valkeberger brónk 1937, Rierank 1992

Anneke Ubaghs-Cobbenhagen

"dan kump de kou mèt wind en règesjtörme
en biet ziech in de aerd en klauwt ziech vas
meh wat liek ingebèd ónder 't louver
haet van diet alles neet de minste las"

oet e Sjprenkse hoop, Noe wol iech dat iech sjildere koes 1972

Annemie Bemelmans-Steynebrugh

"jóng woarum toch al dat sjelle
dao kins te de zón ouch neet mèt gelle
ofs te noe flot kruups of get zachter
regene deit 't ouch dao achter"

oet: Twiè pieringe, Vallekeberg mie paradies 1991

Hub van der Maar

"Aan d'r veersjprunk sjteit nog ummer 't hoes, woeë vieër mieë es
fieftig jaor in - en oetgegange zint. Mit dat in-en oetgao is neet
't verdene van d'r Porsjónkele-aaflaot gemèngd; dat noeëmte vieër
ouch zoeë. En toch is 't hoes krek zoeë'n hèllighdóm wie de kirk,
zoeë gaar nóg mieë vertroewd en eige.
De kirk sjteit jao vuur alle luuj aope; oos hoes waor van ós allein."

oet: Oos hoes, oos heim, Rierank 1992

Pierre Visschers

"De sjoestermeister waor 'ne widdeman mèt kinger
...
't Bet deeg hie en dao de wesj, 't houw e koppel kinger
...
"Mien leef Bet, waer toch mien vrouw, of iech mót miech op gaon hange!"
"Nei, laot dat sjtil" zag Bet toen gauw, "dan mer lever aangevange!"
Zoa zin ze dan mèt veer kinger zie 't hoeshouwe begónne.
Eder jäörke brach ein nuujt debie, t waore allemaol gezónne.
...
Ins op 'ne mörge waore wir, de kinger ziech aan 't mölle
de sjoester reep: "Meh portverdorie,
wat höbt geer zoa te brölle?"
"Och !"reep Betje opgerecch
"Wae zou nog wille trouwe!
Dien kinger en die van miech
höbbe die van oes gehouwe!"

oet Oos Kinger, Rierank 1992 --

Harie Eussen

" De ieésjte rumple kaome
en kerfde zie gezich
't Maike woeërt bedaarder
en zjwoeërder va gewich
Pös op 'ne gowe mörge
't zuchde: is 't da waor?
want in z'n vingre heel 't
werechtig...ei gries haor!

oet 't Maike, Mosalect 1975

Sjang Eussen

"Meh pap.." probeerde Frenske weer. "Hawt d'r mónd koajóng. Went groate luuj kalle
mótte koetnellise wies dich d'r boete blieve, went hun niks gevraog wuuërt.
"Dao hat d'r pap geliek in jóng. Ich haw dich niks gevraog. Meh noe doon ich dat waal.
Zèk 't mer, ligke de knien örges achter de hèk?". " Meh nae veldwachter gaar neet.." zag 't Frenske en kreeg op dat moment 'ne duuj in g'n rök
van d'r pap, dat 'm de res va watte zègke wol in de kael bleef sjtaeke.
"Dan zal ich dich vuur dizze kieër mer ins geluive" zag d'r bao en kroap weer op d'r fiets. oet: 't Veerde gebod, Rierank 1992

Frans Stevens

Zoa af en toe huèr iech nog get in de louver
of in 't papier wat dao liek
woa sjtilkes e muuske of ander klein deerke
mèt glinst'rende uigskes in kiek"

oet Zomeraovend, Mosalect 1975

Léon Pluymaekers

"Dao ies mie Valkeberg, dao aan de Geul
woa bie rewien en berg iech miech gelukkig veul
es iech mie Valkeberg, diech verlaote moot
dan dink iech altied aan diech, iech weit 't in miech
mien hart klop veur diech
want dan ièrsj veul iech pas good, mie Valkebergs blood"

oet: Ode aan Valkeberg, Rierank 1992

Karel Dorren

"He medam woa höbt geer Juupke?
gaef 't druubelke toch hie
meh wie ouch de gaste keke,
't kinneke waor neet debie.
Juupke, Juupke! Himmelsakker
Och, nónk Joasep, lopt toch, gank
Juupke dae ies blieve liegke
bie de Beeldsjes op de bank!"

oet D'n duip, Rierank 1992

Huub Duijzings

"Merie: Gank miensj, gank ièrsj aan de kaersjsjtal wèrke, andersj bis te dalek zoa zaat wie e verke
Joep: e verke? 't Viè, de sjäöp mós te nog zeuke, Es te die neet vings, pak dan mer e keuke
Merie: Dao sjting gein koo in 't krubke, Wat einen os bis dich, mie leef Jupke
Joep: Sjus! Einen os, en eine aezel d'r naeve, dae tösje de maskes, dae móste mich gaeve

oet: 't Krubke en e dröpke, Rierank 1992

Roep Lambriks

Dao maak ziech e truupke oet 't duuster van de nach los. Veurop twiè jónge, achter hun drie, veer Pruusje. Hun geziechter ziete vol mèt vaege blood, de kleier hange aan flarde langs 't lief. Mèt 'ne electrische draod, dae door hun polse sjniet, zint ze aaneingebónge. Sjtrómpelentaere kleddere ze de Cauberg op. 't Geit de Pruusje neet vlot genoeg. Ze höbbe sjtrank veur de Amerikaan, dae waal kort bie liek, meh veur de jónge te laat zal kómme... "Schneller Schweinhunde! Weiter! Weiter!" De kleinste van de twiè krieg 'ne sjlaag op zien sjouwer, vilt en trèk ziene kómpel mèt... Dat is 't woa de Pruusje op höbbe gewach. Wie bloodrukende wuive sjmiete ze ziech op de twiè jónge, die ocherm, haos neet miè kènne.
Eine versjriekde vogel fladdert oet de sjtruuk weg.. en dan... eine roefel en oos twiè helde valle mèt 't geziech veureuver op d'n helle sjtein...
oet: De Cauberg op. Rierank 1992

Theodoor Dorren

nder häöm in ziene lómmer sjteit 'n hauf verroemde bank
op twiè päól in d'aerd gesjlage,'n óngesjaafde wieje plank
Mos en graas en druège louver hingk van jaore in de sjtruuk
't ies miech of iech in dat heukske lenteloch van vreuger ruuk

oet: Ónder mienen heulentaer. Bloomlaezing Rierank 1992

M.Frederix-Delahaye

Es bezeuk kaom, woeërt 't good servies oet de kas gehaold. Da mótte zich de aw tasse neet op hun naze, meh op hun oëre höbbe gekeke, es se nog 'n oeër hawwe.
Este good loesterdes , kóste ze huuëre rawwele in 't körfke: "Züste vieër zint mer good vuuër in de waek en vuuër in die aw pötbaar te sjrómpe. Meh, es eine op bezeuk kömpt, kómme die gruuëtsje dinger oet de kas oppen taofel te sjtao".
Dao kaom de awste tas oet 't körfke uuëvering en zag: "Och kinger hat uch sjtil. Es die gówwe allenej d'r nak gebraoke höbbe, zint 'r van ós saort nog ummer dao".

oet: 't Tassekörfke. Rierank 1992

Maria Hoen-Delahaye

En väöl geit aan miene geis weer vuuërbiej
Väöl, jao alles, va wies te bis gebaore
Tot aan d'r daag dat ich dich höb verlaore
doe loogs in die weegsjke, zoeë klein en zoeë görg
Doe waosj ummer ei kindje va werk en va zörg,
---
Vuuër dien lètste reis nao 't hieëmelparadies
Vieër sjtinge bie dich, op-ins awt en gries
Doe has 't noe allemaol zoeë good uuëversjtange
En vieër, vieër waore zoeë gaer mèt dich gegange

oet: Ich sjtaon aan die graaf... Rierank 1992

May Essers-Prevoo

Ins op 'ne kouwe miedig
waor veer gruw'lik aan de gang
zónge mer en rölsde wiejer
tot 't op einmaol waor: pang, pang

Wie veer waore opgekrope
en vaegden oes de sjtöb get aaf
Zoog v'r dat v'r neet rónd voorte
meh de zöldertrappe aaf

oet: De Wegevoot Rierank 1992

Sjeng Rouvroye

Slivvenhièr pakde e knäöke grónd
't waor neet väöl, neet sjoan, neet rónd
Hae sjmeet 't weg: "Dat 't vilt woa 't vilt!
en dat woort doe 't dörpke Vilt
Vilt, effe aan Valkeberg geplak,
zoa roew e weg dao neergesjmak
e bakkes, ein hóndshut, ein kapel en ei sjop
eigelik nog minder es 't zout in de sop
Meh veer höbbe dat knäöke inhoud gegaeve
Noe ies 't e sjtökske van oos laeve

oet Rierank 1992

Wim Ku(i)pers

Mien leef, lef gezjwuulke langs driej en dor,
dien blauw drefkes en de danj in de goes
Leve, de Spék en Azeraoj auch thoes,
ich gluif det nieks in de vroe wiej hoe sor.

---
De sjeper keimp de kletskop van de maon,
de sjötteriej maak kiendjes in 't kaore
Borkdoezig kaerbuif: dao bönn ich gebaore.

oet Mien Neel, 'n sonnet, lofdich of sonnode in Letterbak 1988

Bep Mergelsberg

"Wae op sjpietse danse deet
kan me neet op tieeëne traene
---
mae wae op kloompe in de welt geet
kan me sjting op de veut klaene"

oet: Sjpietse en kloompe, Limburgse gdichte en verhaole Sjrief plat 2005

Maria Scheres

"en inèns
steit 't duuster gries
ziech greun en geel te wasse
---
gezwolle wäörd
barste oet hun knup
en geve sjèlders kleure"

oet: Vreugjaor, Limburgse gdichte en verhaole Sjrief plat 2005