Theodoor Dorren

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Theodoor Dorren, gebore op 30 augustus 1857 en gesjtorve 23 januari 1937 in Valkeberg, waor 'ne diechter in 't Valkebergs. Hae sjreef artikele in 't Nederlands en sjtèlde de 1e woordelies van 't Valkebergs dialek same. Van beroop waor hae bankètbekker. In 1885 waor hae mètopriechter en vanaaf 1908 president van de Valkenburgse VVV, die later VVV Het Geuldal geneump zou waere. Op latere laeftied besjreef 'r de óntdèkking van wat waal ins 'n prehistorische woongrot zou kènne zin gewaes. De ruumte, verseerd mèt primitief gravures, zou liegke ónder de de rewien van 't kesjtièl van Valkeberg. Dorren weurt in Valkeberg ge-ièrd mèt de naam van 'n plein in 't centrum: 't Theodoor Dorrenplein. Aan de gaevel van zien geboortehoes hingk 'n brónze plaquette.

Publicaties[bewirk | brontekst bewerken]

  • In 1917 en 1918 en in 1928 (es book) "Woordenlijst uit het Valkenburgsch Plat met etymologische en ander aanteekeningen"
  • Artikele in Publications en in de Maasgouw.
  • Gediechte in 't Gezètsje (Land van Valkenburg)
  • 1992 in bloomlezing Rierank van Veldeke-Valkeberg

sjtäölke[bewirk | brontekst bewerken]

Ónder häöm in ziene lómmer sjteit 'n hauf verroemde bank
op twiè päól in d'aerd gesjlage,'n óngesjaafde wieje plank
Mos en graas en druège louver hingk van jaore in de sjtruuk
't ies miech of iech in dat heukske lenteloch van vreuger ruuk

oet: Ónder mienen heulentaer. Bloomlaezing Rierank 1992

Zuug ouch[bewirk | brontekst bewerken]

Wikibrónne
Wikibrónne haet ouch 'n pazjena mit sjtäölkes en brónne euver Theodoor Dorren.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Theodoor_Dorren&oldid=349821"