Hub van der Maar

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Klummesj. Laes hie wie v'r mit de versjillende saorte Limburgs ómgaon.


Hub van der Maar (gebaore in Sjin op Geul op 4 mei 1907 es Johannes Mathias Hubertus Delahaye - gesjtorve Douvenrade (Heerle), 11 juli 1992) is 'ne Limburgstalige sjrieëver oet Termaar bie Klumme in Zuud-Limburg. Hub van der Maar is d'r sjoelnaam vanwaege zien woeënplaats. Hae sjreef in 't dialek van Termaar en waor verzamelaer va dialekweud.
Hae wèrkde es mienbeambte aan de Oranje Nassaumien i Heële.
Zien zustersj Net Frederix-Delahaye en Maria Hoen-Delahaye sjreve ouch in 't Termaars. Huub waor d'r oudste oet 'n gezin van 15 kinger. Albert Delahaye (archivaris en historicus) waor eine van de 8 breursj.

publicaties[bewirk | brón bewèrke]

  • Sjtökskes uuëver dialek in Het land van Valkenburg (weekblaad 't Gezètsje) en in kwartaalmagazine Geulrand.
  • 1972 't book in 't dialek van Termaar: De reuze va Weusterich
  • Diverse dialekverhaole in Geulrand.
  • 1976 in de Bloomlezing van Veldeke-Limburg 'Mosalect'.
  • 1992 in de Bloomlezing Rierank van Veldeke-Valkeberg
  • 1993 in de Bloomlezing Veldeke Literair nr. 2

sjtäölke[bewirk | brón bewèrke]

"Aan d'r veersjprunk sjteit nog ummer 't hoes, woeë vieër mieë es fieftig jaor in- en oetgegange zint. Mit dat in- en oetgao is neet 't verdene van d'r Porsjónkele-aaflaot gemèngd; dat noeëmte vieër ouch zoeë. En toch is 't hoes krek zoeë'n hèlligdóm wie de kirk, zoeë gaar nóg mieë vertroewd en eige. De kirk sjteit jao vuur alle luuj aope; oos hoes waor van ós allein."

oet: Oos hoes, oos heim, Rierank 1992

Zuug ouch[bewirk | brón bewèrke]

Wikibrónne
Wikibrónne haet ouch 'n pazjena mit sjtäölkes en brónne euver Hub van der Maar.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hub_van_der_Maar&oldid=357985"