Roep Lambriks
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Roep Lambriks (1918 - 1977) waor 'ne sjriever en diechter in 't Valkebergs. Wiejer waor hae regisseur en toneelsjpeler bie de zank van Walram en 't Klokkenkoor. Lambriks sjreef ouch dialekleedsjes. Marjon Lambriks ies 'n dochter van häöm.
Publikaties
[bewirk | brón bewèrke]- de revue Aan de Geul zint veer gebaore, same mèt Léon Pluymaekers, in de jaore 50.
- in 't weekblaad 't Land van Valkenburg.
- in 't Veldekeorgaan van Veldeke-Limburg
- in de bloomlezing Rierank van Veldeke-Valkeberg in 1992
- in de bundel Vallekebergse leedsjes en karnavalssjlagersj in 2002
sjtäölke
[bewirk | brón bewèrke]Dao maak ziech e truupke oet 't duuster van de nach los. Veurop twiè jónge, achter hun drie, veer Pruusje. Hun geziechter ziete vol mèt vaege blood, de kleier hange aan flarde langs 't lief. Mèt 'ne electrische draod, dae door hun polse sjniet, zint ze aaneingebónge. Sjtrómpelentaere kleddere ze de Cauberg op. 't Geit de Pruusje neet vlot genoeg. Ze höbbe sjtrank veur de Amerikaan, dae waal kort bie liek, meh veur de jónge te laat zal kómme... "Schneller Schweinhunde! Weiter! Weiter!" De kleinste van de twiè krieg 'ne sjlaag op zien sjouwer, vilt en trèk ziene kómpel mèt... Dat is 't woa de Pruusje op höbbe gewach. Wie bloodrukende wuive sjmiete ze ziech op de twiè jónge, die ocherm, haos neet miè kènne.
Eine versjriekde vogel fladdert oet de sjtruuk weg.. en dan... eine roefel en oos twiè helde valle mèt 't geziech veureuver op d'n helle sjtein...
oet: De Cauberg op. Rierank 1992
