Pierre Visschers

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Pierre Visschers (sjpreek oet: Viesjersj), gebore op 13 januari 1882 in Heelder, waor 'ne Valkebergse diechter, toneelsjriever en regisseur. Hae sjreef veurnamelik in 't Valkebergs gelardeerd mèt weurd oet ander dialekte. Pierre sjpeelde ouch vioal, accordeon, sjilderde en zóng in e jóngeskèrkkuèrke. Van 1899 tot 1902 woont 'r in Iezere, dan gemeinte Oud-Valkeberg. In 1910 verhuus 't gezin mèt 4 zone nao De Plenkert en geit dao wone in 'n hoes neve d'n ingank van de Romeinse Katacombe. Nao korte tied in militaire deens te zin gewaes, geit 'r es sjmeed wèrke. In 1912 reis 'r same mèt Jan Diepen, van de Katacombe, nao Roame Italië. Daonao sjildert en decoreert 'r in de Valkebergse Katacombe. Hae fungeert dao ouch es gieds. In 1916 trouwt Pierre mèt Louise Dung oet Oud-Valkeberg. Tot 1917 wèrk 'r in de cementfabriek in Viele, um daonao te sjtarte es opziechter in de kalk- en mergelexploitatie van Habets, in de buurt Kattebeek bie Brokem. Ze wone dan in de kortbie liegkende Sitterderweeg. Van zien vak ies Visschers noe bouwkundige en maak ouch boewkundige teikeninge. Zien later hoes in de Subergrubbe haet'r zelf geboewd. Hae sjtörf op 21 oktober 1936 in datzelfde hoes aan de Suubbergrubbe. Same mèt zien vrouw liek 'r begrave op 't kèrkh'f van de Sint Janskèrk in Oud-Valkeberg.

Werk[bewirk | brontekst bewerken]

  • Visschers' gediechte zint gepubliceerd in versjillende tiedsjriefte en bloomlezinge, woa-ónder de bloomlezing Mosaiek, bie 't 75-jaorig besjtoon van Veldeke-Limburg en 't (tiedsjrif) Veldeke.
  • Visschers sjreef in 1926 de teks en de muziek van de revue "Alaaf mie Valkeberg".
  • Euver häöm sjteit ein artikel in Ha Tsjieng Boem (LiLiLi 43) en ouch tekste van zien leedjes.
  • In de Veldeke bloomlezing Mosalect (1975) sjtoon 2 gediechte.
  • In de Valkebergse veldeke-bloomlezing "Rierank" (1992) sjtoon 2 gediechte
  • In de bloomlezing Moasiek (Veldeke Literair-reeks nr 12 (2001) sjteit 't verhaol Flup en Adriaan.
  • In Sjiek Klassiek (LiLiLi 18) sjteit ein verhaol van häöm.

'n Paar toneelsjtökker van zien hand:

  • De Geis
  • 't Verke
  • Vreuger
  • Ein verdäöling
  • De keuningskook
  • De wonderdokter
  • Komieke opera
  • Veldeke sjpeelt opera
  • Vrieje ies ouch ein kuns

sjtäölke[bewirk | brontekst bewerken]

"De sjoestermeister waor 'ne widdeman mèt kinger
...
't Bet deeg hie en dao de wesj, 't houw e koppel kinger
...
"Mien leef Bet, waer toch mien vrouw, of iech mót miech op gaon hange!"
"Nei, laot dat sjtil" zag Bet toen gauw, "dan mer lever aangevange!"
Zoa zin ze dan mèt veer kinger zie 't hoeshouwe begónne.
Eder jäörke brach ein nuujt debie, t waore allemaol gezónne.
...
Ins op 'ne mörge waore wir, de kinger ziech aan 't mölle
de sjoester reep: "Meh portverdorie,wat höbt geer zoa te brölle?"
"Och !"reep 't Betje opgereech: "Wae zou nog wille trouwe!
Dien kinger en die van miech höbbe die van oes gehouwe!"

oet Oos Kinger, Rierank 1992

Zuug ouch[bewirk | brontekst bewerken]

Wikibrónne
Wikibrónne haet ouch 'n pazjena mit sjtäölkes en brónne euver Pierre Visschers.
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Pierre_Visschers&oldid=349650"