Karel Dorren

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.

---

Karel Dorren (1896-1988) waor 'ne diechter in 't Valkebergs en Nederlands. Van zien vak waor hae ónderwiezer. Hae waor o.a. levesgezel van de Valkebergse diechteres Anneke Cobbenhagen. Ouch waor hae de groatvader van Nanne Dorren, die De duivel groef een paradijs sjreef (2005), 'n book euver de mergelaafgravinge op 't Rooth, achter Sub; van Gaston Dorren, dae o.a. Nieuwe tongen (1999), Lingua (2017) en Babel (2019) sjreef, en van Charles Vergeer, dae 'n groat aantal beuk sjreef, o.a. euver Friedrich Nietzsche, Arthur van Schendel en Jezus van Nazareth. In dae zin waor Karel Dorren de sjtamvader van 'n gans sjrieversgesjlach.

publikaties

• Gediechte in 't weekblaad 't Land van Valkenburg.
• 1986 bundel 'de Eéneik' . (gediechte in 't A.N. en in 't Valkebergs).
• 1992 in bloomlezing Rierank van Veldeke-Valkeberg.
• 2001 in Bloomlezing Veldeke-Literair nr.12 Mosaiek

sjtäölke

"He medam woa höbt geer Juupke?
gaef 't druubelke toch hie
meh wie ouch de gaste keke,
't kinneke waor neet debie.
Juupke, Juupke! Himmelsakker
Och, nónk Joasep, lopt toch, gank
Juupke dae ies blieve liegke
bie de Beeldsjes op de bank!"

oet D'n duip, Rierank 1992