De Daal (Voere)

Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Oos-Voeres, es te dit dialek sjpriks.

---

Gerestaureerde vakwerkhoezer

De Daal (Daal) ies 'n klein buurtsjap van S'n Maeëte in de gemeinte Voere in Belsj Limburg. 't Haet 'n eige wiet plaatsnaambord. De ouw hoezer en boerderieje liegke óp 'ne helling van de del van de baek Veurs neve 't gehuch Veurs. Aan twiè kante weurt 't umsjlote door bösj: de St. Gillisbösj en de Vrouwebösj. Aan 'ne boum hingk 'n waegkruus. Haol waeg mèt gesnjoeide deune hègke loupe door de nederzètting, woa väöl vakwerk te zeen ies. 'n Aantal häöf en hoezer in deze boewsjtiel ies gerestaureerd in leimkleur.

---

De volgende sectie van dit artikel is gesjreve in 't Norbiks.

---

Sjpäölfilmlocatie

In dit buurtsjap waoërte, wie nog neet alle vakwaerkhoezer gerestaureerd waore, väöl opnames gemakd vör de TV-serie De legende van de bokkerijders oet 1994. D'r film baseerde zich op Ontsnapt aan de galg va Ton van Reen.

D'r hoofdperzoeën oet d'r film wonde in èng van de hoezer. D'r magister, dae good woolt make wonde in 'n vervalle bakkus. 'ne Betonge lantaarnpaol is doe vör die gelegenheid oet 't beeld verwijderd en 'ne aandere waoërt gecamoufleerd mèt 'ne aa-geveurde boom. D'r geasfalteerde waeëg waoërd bedèkd mèt, oet g'n Vitsje aa-geveurd, maasgreend.