Alphons Boosten

Van Wikipedia
Gank nao: navigatie, zeuke

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Koepelkèrk in Mestreech

Alphons Boosten (Mestreech, 20 januari 1893 - 2 januari 1951) waor 'ne architek, zoon van 'ne drökker. Boosten ies vertegenwoordiger van 't nuuj boewe en functioneel boewe. Hae sjteit ónder invlood van Frank Lloyd Wright, Le Corbusier en Berlage. Zónder truuk te valle in neo-sjtiele griep 'r toch af en toe truuk op klassiekersj in de historie. Zien ièrsjte opvallende projek ies de boew van de parochiekèrk van de patersj van 't Heilig Hart in Mestreech, miè bekènd es de Koepelkèrk. Tege de traditie van de Katholieke kèrkboew maak hae 'n radicaal óntwerp. 't Geboew weurt opgetrokke van beton en iezer en krieg 't uterlik van 'ne moskee. Vanwege kritiek weure de minarette (teurentsjes) op de heuk neet opgetrokke. Later zal Boosten nog 20 kèrke óntwerpe, woavan d'rsj 18 in Limburg liegke. Zien sjpecialiteit liek dèks in 't gebruuk van markante elemente: tores, daakeuversteke, erkersj, daakkapelle en sjouwe.

In de 30 jaor dat 'r es architek wèrk, óntwörp 'r neve kèrke diverse kloastersj, sjoale, winkele, weuninge en villa's. De indeilinge maak hae zoa functioneel, dat ze tot op de daag van vandaag mèt klein aanpassinge te gebruke zint.

Hae veurt restauraties oet o.m. aan de kathedraal van de heilige Christoffel in Remung nao de Twiède Waereldoorlog. Hae óntwörp ouch 't decor van de Passiesjpele in Tegele.

Boosten wèrk same mèt de Limburgse kunstenaersj Charles Eyck, Henri Jonas, Daan Wildschut en Charles Vos en ies in 1948 eine van de mètopriechtersj van de Jan van Eyck-academie in Mestreech. Ziene zoon Theo Boosten ies ouch architect.

Werk[bewirk | brontekst bewerken]

Sint-Jozefkèrk in Brokem
Hubertuskèrk in Groat Genhout

Externe link[bewirk | brontekst bewerken]

Commons-logo.svg Commons: Alphons Boosten – Media gerelateerd aan dit óngerwerp
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Alphons_Boosten&oldid=348919"