Haors
Dit artikel is gesjreve in 't Haorsters. 't Weurt gewaardeerd óm in dit artikel 't Haorsters aan te hauwe of aan te gaeve welk anger dialek gebroek is.
Haors (Nederlands: Horst) is de belangriekste pláts van de gemènte Haors aan de Maas in 't noorde vaan de provincie Limburg. Tot 2001 waor Haors 'n zelfstandige gemènt; 't woort toen mèt de gemèntes Brokeze en Grevors gefuseerd tot de nìj gemènt Haors aan de Maas. Beej de gemènte Haors huèrde òk de dörpe Amèrica, Griendsveen, Haegelsum, De Melderse en De Mieëterik. Op 1 Jannewarie 2011 háj Haors 13.531 inwoëners. Haors leet aan de A73.
Inhawd |
Functies[bewirk]
Haors is èn belangriek agraries centrum; d'r is heej veural veul glaastuinbouw, champignonteelt en d'r wère sperjus gekweekt. D'r zien òk ónderzeuksinstèllinge op 't gebeed van de landbouw en agrariese ónderwiesinstèllinge gevestigd.
Bezeenswaardighede[bewirk]
De kèrk van Haors is gewiejd aan d'n heilige Lambertus. Ze leet aan 't mertplein, tegenovver 't veurmalig gemèntehoes. 't Bakstiëne gebouw is óntworpe door d'n Limburgse arsjitekt Alphons Boosten en vervangt de aldere kèrk die in de Twèdde Werreldoërlog verlore is gegaon. De kèrk haet 'ne rieke inventaris (ónder andere 'n laatgotisch wiewatervaat, 'n Romaans doëpvónt en 'n marianum) en is 'n rieksmonument.
T'n noordoëste van Haors leet de rewien vaan 't kestiël ter Hoars. 't Gebouw dateerde oerspronkelijk oet 't begin van de vèrtiende iëw. Vanaf 't midde van de niggentiende iëw is 't kestiël, dat in de loëp vaan d'n tied waor verbouwd en oetgebreid, vervalle. 'n Tiedje terug hebbe ze 't kestiël wer opgeknapt en is 't wèr òpegesteld veur 't publiek. D'r wère nou ok de kestiëlfiëste gehalde.
Bekènde Horster minse[bewirk]
- De band De Heideroosjes kumt oet Haors
- Nico Freriks, professioneel internationaal volleyballer, geboaren in Uden, opgegrujd in Haors
- Dirk Marcellis, professioneel voetballer beej AZ Alkmaar, geboaren en opgegrujd in Haors
Trivia[bewirk]
De vastenaovesveriëniging van Haors hèt D'n Dreumel. Mèt vastenaovend hiet Haors òk waal 't Dreumelriêk.
| Gemeinte Haors aan de Maas | |
|---|---|
| Dörper, gehuchte en buurtsjappe:
Amerika | Brokeze | Grevors | Griendsveen | Haegelsem | Haors | Lottem | De Melderse | Mieëldere | De Mieëterik | Tiendere | Vaors | Zwolge |
|
