Heideroosjes

Van Wikipedia
(Doorverweze van De Heideroosjes)
Gank nao: navigatie, zeuke
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Haorsters, as te dit dialek sjpriks.

De Heideroosjes

De Heideroosjes zien 'ne punkband oet Haors, die besteit oet Marco Roelofs (zaank/rap), Frank Kleuskens (gitaar), Fred Houben (basgitaar) en Igor Hobus (drums). Ze zinge zoewel Ingels- es Nederlandstaoleg, mèt aoventouw e Duits of e Haorster leedsje.

Opriechting, beginjaore[bewirk | brontekst bewerken]

De Heideroosjes kinne ziech vaan de middelbaar sjaol. de band woort opgeriech in 1989, 't jaor boe-in de benadleier vieftien woorte. De naom kump vaan 'n conferans vaan de Belzje cabaretier Urbanus, dee beweerde e leedsje te höbbe gesjreve veur de "Limburgse hardrockband de Heideroosjes". De muzikaal koers steit in 't begin nog neet vas. Roelofs kump, geïnspireerd door de Sex Pistols en de Toy Dolls, op 't idee punk te goon make. In 1992 bringe ze in eige behier hun ierste album oet, nog gans Ingelstaoleg. Dit album raak neet bekind. Es ze in 't veurprogram vaan Die Toten Hosen mage speule trèkke ze evels d'n aondach vaan Jan Smeets, dee ze in 1995 op Rocking Kolonia deit speule. Daodoor weurt hun twiede album, ieder dat jaor zoonder succes oetgebrach, ineins wel good verkoch.

Doorbraok[bewirk | brontekst bewerken]

In datzelfde jaor zien de Heideroosjes e succes op Lowlands en toere ze mèt de Nederlandstaolege rapgroop Osdorp Posse. Hun daarde album, Fifi, kump es ierste album in d'n Album Top 100 (hoegste notering: 23). De single Klapvee vaan datzelfde album levert ze zelfs 'ne singlehit op. In 1996 koume ze veur 't iers op Pinkpop. 't Volgend album, Kung-Fu!, gesjreve in 1997, is get duusterder vaan toen en bevat oonder mie 't leed A Regular Day in Bosnia euver d'n oorlog in veurmaoleg Joegoslavië.

Succes in 't boeteland[bewirk | brontekst bewerken]

't Jaor dao-op riechte ze ziech mèt de verzaomeleer Smile... You're Dying! veur 't iers op de boetelandse merret. Ouch 't nui studioalbum oet 1999, Schizo, is internationaol geriech. Binne Nederland liekene de groetste successe intösse veurbij. Critici zien in Schizo (boe-op mèt Boore lul ouch e leedsje in 't Haorsters veurkump) 'n groete muzikaol verbetering vaan de band. Nao e paar jaor toere door Europa kump in 2001 Fast Forward oet. Op dit album speule ouch Henny Vrienten vaan Doe Maar en Tren van Enckevort vaan Rowwen Hèze mèt. In 2004 weurt 't 15-jäöreg zjubileum gevierd mèt concerte in Tilburg en Breusel. De toer in Belsj weurt aofgebroke, es bij e verkiersoongelök iemes vaan de crew zwoer gewoond raak. 't In dat jaor oetgebrach album SINema weurt good oontvange; de single Damclub Hooligan weurt zelfs mèt 'nen Edison veur "beste single" bekroend. De leste jaore weurt ouch in de Vereinegde Staote en Japan getoerd. In 2006 trejt Gerd Leers op es gasrapper in de single Da's toch dope man. Deze single geit euver 't Nederlands softdrugsbeleid. Bij hun twintegjaoreg bestoon in 2009 bringe ze e dóbbelalbum oet, Ode & Tribute, boe-op zij leedsjes bringe vaan bands en artieste die ze bewoonderde, en versjèllende aander Nederlandse en Vlaomse bands hun leedsjes covere.

Op 14 september 2011 make ze bekind te goon stoppe mèt de band. Wel zouwe nog 'n album en 'n bijbehurende tournee volge.[1] Hun lèste concert in Nederland gaove ze op 22 september 2012 in De Melkweg in Amsterdam, boe Roelofs allewijl woent.[2] Hei-op zalle nog drei concerte in 't boeteland volge.[3]

Albums[bewirk | brontekst bewerken]

  • In Your Face! (demo), 1992
  • Noisy Fairytales, 1992 (ouch gegeve 1993)
  • Choice for a lost generation ?!, 1995 (ouch gegeve 1994)
  • Fifi, 1996
  • Kung-Fu, 1997
  • Smile... you're dying!, 1998
  • Schizo, 1999
  • Fast Forward, 2001
  • It's a Life (12,5 years live!), 2002
  • SINema, 2004
  • Royal To The Bone (VS), 2006
  • Chapter Eight, The Golden State, 2007
  • 20 years: Ode & Tribute, 2009
  • Cease-Fire, 2011

Singles[bewirk | brontekst bewerken]

  • "Goede tijden, slechte tijden" 1995
  • "Klapvee", 1996 (42 (Mega Top 50); tip (Top 40))
  • "Break The Public Peace" 1996
  • "Paradisio" Vynil-single 1997
  • "Würst & Käse" 1997
  • "Fistfuckparty At 701" 1998
  • "Iedereen Is Gek (Behalve Jij)" 1999
  • "Time Is Ticking Away" 1999
  • "Ik Wil Niks!" 2001
  • "Billy Broke A Bottle (Again)" 2001
  • "Damclub Hooligan" 2003
  • "SINema" 2005
  • "Lekker Belangrijk!" 2007

Väöl ander nommers zien wel bekind gewore door airplay meh zien noets op singleformaot oetgebrach, wie Ze smelten de paashaas en Teringtyfustakketrut.

Bibiografie[bewirk | brontekst bewerken]

  • Guuz Hoogaerts en Leon Verdonschot: De Heideroosjes, een teringtyfustakkeband (1998)

Bronne[bewirk | brontekst bewerken]

Vootnote[bewirk | brontekst bewerken]

  1. Nu.nl - Heideroosjes uit elkaar
  2. Nu.nl - Afscheidsconcert Heideroosjes fel en intens
  3. Heideroosjes.nl; bezien op 23 september 2012

Externe link[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Heideroosjes&oldid=340172"