Windjhage

Van Wikipedia
(Doorverweze van Wintjhage)
Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Windjhaags, es te dit dialek sjpriks.

Dörpssjtraot in Winthage

Windjhage (Nederlands Winthagen) ies 'n buurtsjap van Kunder (Kunrade) in de gemeinte Voelender in Zuud Limburg. 'ne Ouwe naam oet 1386 heisj d'n haof Windjhage. 't Gehuch ies gelege in 'n del begrensd door 't Ranzelderveld. De naam geuf aan, dat 't 'n winderige plek ies.

Bezeenswaerdig[bewirk | brón bewèrke]

De 30 häöf en hoezer, väöle opgetrokke in kundersjtein, bevinge ziech groatendeils, in lintbebeboewing, langs de Windjhagerwaeg van Kunder nao De Berg.
Miede tösje de beboewing sjteit 'n baekapel oet 1955 gewiejd aan Maria. Zoawaal in- es exterieur zint van kundersjtein. 't Beeld van Maria Ster van de Ziè ies gemaak door beeldhouwer Jean Weerts.

Bak- en sjtaokhoes van kundersjtein / veldbrandsjtein mèt sjanse in Winthage

Wiejer sjtoon hie nog 'n geetiezere waegkruus en 'n waterpómp.
De Windjhagerhaof sjtamp oet 1448. Vanoet deze haof ies de nederzètting gegreujd. De hudige boew, in kundersjtein mèt helsjteine vènster en deurlieste, sjtamp oet 1712. 't Bakkes en sjtokes, oet 1740, zint gerestaureerd.
De kern van Windjhage haet de sjtatus van besjermp dörpsgeziech.
In de buurt bevinge ziech väöl haol waeg.

Dialek[bewirk | brón bewèrke]

Windjhage is 'n klein taalkundige anclaaf in 't Heuvelland umdat hie mouillering veurkump, 'n versjiensel wat wiejer tot Miede-Limburg beperk is en bie Zittert ophèlt (vandao Windjhage en neet Windhage).


 
Gemeinte Voelender
Vaan van Voelender
Dörper: De Berg · Klumme · Kunder · Ranzel · Voelender
Buurtsjappe en gehuchte: 't Breer · Dolberg · Frómmerig · Gerieësjbrich · Geweustrao · Koalmet · De Koeële · Krawbich · Luuëbesj · Mingesjborg · Opsjuuëmer · Termaar · Termoorsj · De Uuëverhieëk · Windjhage
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Windjhage&oldid=339202"