Wikipedia:De kaffee/Arsjief130906

Gearchiveerd op 13 september 2006 oet de kaffee

S(j)tumpkes

Alleh, iech merkde dus pas op tot v'r nogal get stumpkes hadde, de wèts wel, korte artikele die beslis nog wel langer kinne. Bij 't naoloupe vaan d'n database vaan korte nao lang artikele blieken 't 'rs nog gans get mie te zien: minstes e kwart vaan dees Wikipedia steit nog op die meneer in de kindersjeun, meh dèks waore die artikele nog neet es zoe aongemerk. (Zuug Kategorie:Sjtumpke)

Wat is dat perceis, e s(j)tumpke? Dat is 't equivalint vaan d'n Ingelse stub en 't Nederlands beginnetje, 'n artikel wat a) oetgesproke kort is en b) dudelik langer kin. Neet alle Wikipedias hantere dezelfde definitie: op nl: is 'n artikel mèt veer feite al gei "beginnetje" mie, op en: kin e gans bevreidegend, neet in eine kier op e computersjirm te vatte artikel nog "stub" heite. Veer hantere, wie en:, gein vaste grens, meh laote 't vaan de situatie aofgange. Verdudelikingspazjena's koume überhaup neet in aonmerking, artikele euver Belzje of Franse arrondisseminte zien mèt e paar reigele wel maximaol gevöld ('t is naomelik neet de bedoeling tot me mèt allerlei trivialiteite 't artikel zoeväöl meugelik vergruut!) en ouch bij väöl naobersjappe kin me ziech mèt e paar reigelkes content doen (al höbbe v'r wel e paar steingooj lang artikele euver naobersjappe!). Artikele euver stei, diergróppe of taole (um mer e paar väölbesjreve oonderwerpe te neume) evels mote flink get langer zien.

Mien vraog aon uuch: zeet uuch die dinger ins aon en zeet of d'r ze kint verbetere. Verander rösteg 't dialek of maak 't artikel twieslechteg, dat maak m'ch neet oet. Es v'r 't percentaasj korte artikele mer umlieg kinne bringe! Steinbach (vreuger HaafLimbo) 17 apr 2006 17:26 (CEST)

O, dit wèl iech nog wel eve debij zègke: 't Is absoluut neet tot iech 't werk vaan lui, die väöl stumpkes höbbe gemaak, neet waordeer! Dèks genoog zien ze hendeg imformatief, of is dao gewoen weineg euver te vinde. Allein: 't kint altied langer. Steinbach (vreuger HaafLimbo) 17 apr 2006 17:37 (CEST)

Hoj Steinbach, Doe höbs diech väöl werk gemaak door al die (bewuste) artikele tot sjtumpkes te bombardere. Iech bin 't dao neet gans mèt eins, kiek op dien euverlèk. groetjes --Aelske 17 apr 2006 22:19 (CEST)

Platdiets

Daag allemaol, ich hub bie 'sjtumpkes' op 18 mei 'n sjtukske gesjraeve uvver d'r term 'platdiets'. Dat is nog neet gaans vaeërdeg mae 'ch zow 't gaer toch al an Voere geleenkt zieë umdat in de bijlage die bie dit durp gevoegd is, neet correcte oetlaotinge gedoeë werre uvver bedoelinge die luuj haant es ze d'r term platduusj gebroeke vör 't Plat. Zow mich ieëmes daomit wille helpe want eeges kin 'ch dat neet (azerty-toetsenbord). Bedaank alvast--Mergelsberg 21 mei 2006 16:38 (CEST)

Ies gebeurd, ies 't zoa good? ('ne link maak se trouwes gemekkelik door nietjes-häök um 'n woord (link) te plaatse (kiek in de brónteks-bewirking van dees alinea) vb:link groetjes --Aelske 21 mei 2006 17:01 (CEST)

nao bewèrkingconflik:

Dat maag d'r zelf doen, natuurlik, dat steit uuch vrij. Es dat uuch neet lök wèl iech dat wel doen jeh.Is al gebäörd dus. Deen externe link, dee höb iech ouch geraodpleeg, dat is ouch e verward en op ze bes sterk gesimplificeerd verhaol, dus die hej iech dao zelf lever neet gehad. Wat betref eur Platduuts-artikel - dees naom heet nog väöl mie beteikenisse boete Voere, mèt naome natuurlik de Nedersaksische taol, die door häör eige sprekers 'Platt(dütsch)' geneump weurt. Iech zouw euren teks lever geïntegreerd zien in e nui artikel euver 't Voersj plat (volg de roeje link mer); dat is ouch e gewuns artikel op 't Portaol:Belsj Limburg trouwes dus dat kump prima oet. Op zoe'n artikel mote daan veural de klaanklier, de grammair, 't vocabulair, de versjèlle mèt ander Limburgse dialecte enzoewijer behandeld weure, zoetot lui ziech e beeld kinne vörme vaan dit dialek, en daan daoneve ouch vaan sociaol-cultureel aspekte, naomgeving, dialekverlees en -behaajd en literatuur of muziekgrope die in 't plat operere (es 't die gief natuurlik). Iech num aon tot geer daovaan per excellens 'n expert ziet dus iech laot dat aon uuch euver... :-) Steinbach (vreuger HaafLimbo) 21 mei 2006 17:05 (CEST)

Portaole!

Leef lui, vaandaog begint de Limburgse Wikipedia aon e nui era ;-). Noe gief 't naomelik 't ierste echte portaol: Portaol:Nederlands Limburg!

Wat zien dat perceis, portaole? Op groeter Wikipedia's wèrke ze dao al volop mèt, meh hei is 't dus nui. 't Zien, wie de naom al zeet, oetgebreide en leefs good opgemaakde, "gepimpde" zouw iech haos zègke, verwiestableaus veur ei breid oonderwerp. Op de Nederlandse Wikipedia steit 't good oetgelag: nl:Wikipedia:Wikiproject portalen. 't Idee is vaan oorsproonk Duits (de:Wikipedia:Portale). Zoe zuut me dudelik wat veur artikele 't vaan 'n oonderwerp gief en wie me ze kint vinde, wat veur artikele v'r nog neet höbbe euver dat oonderwerp (en veur 'n klein Wikipedia wie de eus zien dat 'rs natuurlik nogal get!) en welke artikele beter (veural langer) kinne. Maond geleie al kaom iech mèt de idee aonzètte (zeet mer hei) en noe höb iech 't tot oetveuring gebrach.

Wie vint 'nen oonbevange bezeuker vaan boete 't portaol? Dat lök 'm door op de Huidpazjena bij 't köpke "(Nederlands en Belsj) Limburg" op 't woord Nederlands te duie. Vèlt neet op, dat linkske, bin iech mèt uuch eins, mer allah, 't is blaw en dao zalle alliech lui goon kieke.

Mesjiens goon 'rs mier lui kieke es v'r mier vaan die portaole make en mie vaan die vette wäörd linke. Portaol:Biografieë hadde v'r al, meh dat is mer e sumpel lieske, wat trouwes oonopvallend gelink steit. Wat dink d'r vaan de volgende projecte: Portaol:Belsj Limburg, Portaol:Exakte weitesjappe, Portaol:Minsjweitesjappe, Portaol:Politiek, rech en maatsjappie, Portaol:Kuns en cultuur etc.? Jeh natuurlik, 't is väöl werk en deen tied kinne v'r ouch in ander dinger steke, meh op ziech zouw dat toch sjiek zien, neet? Steinbach (vreuger HaafLimbo) 19 apr 2006 23:17 (CEST)

Leuk, dat portaol. Dat maak van de encyclopedie 'n 'leesbook" of "naosjlaagwerk".

Umdat de grens tösje Belsj-Limburg en Nederlands Limburg oats in 1830, tamelik geforceerd tot sjtand ies gekómme, die grens besjteit op väöl terreine gaar neet (o.a. in taal, kuns, cultuur, geografie, historie, natuur enz), ies 't mesjiens 'n good idee um d'r 'n LIMBURGS PORTAOL van te make.?--Aelske 20 apr 2006 11:13 (CEST)

Dao höb iech wel aon gedach, meh oetindelik hadde twie aparte portaole toch mie veurdeile es naodeile. Dao moot beveurbild ouch op termien e portaol:Nederland koume en daan is portaol:Nederlands Limburg e good subportaol. 'tzelfde gelt natuurlik veur e portaol:Belsj. En in 't verleie waore de bei Limburge ouch gein echte einheid, dat is allein tösse 1815 en 1839 zoe gewees. Veur e portaol:Limburgs is trouwes ouch al genoog materiaol. Meh dat kump allemaol later wel. Steinbach (vreuger HaafLimbo) 20 apr 2006 11:22 (CEST)

Wikimedia Conferentie Nederland

Deze boodschap is in het Nederlands geschreven omdat deze gebruiker deze taal niet spreekt. Het zou zeer op prijs gesteld worden wanneer deze oproep zou worden vertaald :)
Hoj allenei,

Vereniging Wikimedia Nederland organiseert op 2 september 2006 de (grotendeils Nederlandstalige) Wikimedia Conferentie Nederland (dit ies veurluipig allein eine wèrknaam). Dees bie-einkóms zal gedeiltelik besjtoon oet lezinge en workshops, meh ouch oet discussiegroepe rónd dees thema's.

• Feedback oet Boston
• Wiki-projecte
• Techniek
• Gemeinsjap
• Lièr uuch get

Ederein weurt van harte oetgenuèdigd um 'n veursjtèl te doon veur 'n lezing, discussiegroep, workshop of 'n ander presentatievörm in te dene. Miè informatie hie-euver vingk geer op de Wiki van Wikimedia Nederland. Dao zint sjprekersj nuèdig, mel uuch dus aan! Neve 't feit dat geer dao hopelik väöl zölt opsjteke en luuj zölt tegekómme, zal 't ouch hièl gezèllig weure! Iech hoop van harte uuch truuk te zeen op de lies mèt veursjtèlle.

Mèt vruntelike groete, Effeietsanders 20 apr 2006 23:33 (CEST), vertaald door--Aelske 22 apr 2006 11:03 (CEST)

Verzeuk um pagina's te kènne truukdrièje, evt. wisse of verplaatse

Veur de gooj orde kump hie 'n kopie van euverlèk op de euverlekpagina van cicero: n Pagina truukdrièje moet zoa: gank nao 't tebke "historie". Klik dao op de datum en tied van de versie dies te wils truukzètte (de versie van veur 't vandalisme bieveurbeeld). De kries die versie dan te zeen. Duuj noe op "bewirk". Dao kump bove in beeld 'n waarsjuwing dats te 'n ouw versie aan 't bewirke bies, negeer die (de wils nl. die ouw versie hersjtèlle), verander nieks aan de pagina en völ in de samevatting in dats te get höbs truukgedrièjd. Duuj dan op "opsjlaon". HaafLimbo, Guaka en iech höbbe trouwes e sjpeciaal knuupke veur diet soort dinger, zoadat veer dat mèt eine klik kènne doon. Dat ies veural hendig es emes gauw achterein pagina's laeg ziet te hole bieveurbeeld. :Iech houp dat iech alles dudelik höb oetgelag. Groete :) cicero 30 mrt 2006 20:07 (CEST) :: Die ouwer versie van de interface in de navigatiekolom sjient ziech (inderdaad) aan te passe aan de versjillende pagina's. Iech höb sjuus de 2 versies, binne 'n paar seconde, bie versjillende pagina's gezeen. Bedank veur de oetlèk. Iech zou ouch gaere de besjiekking (en 't vertroewe) höbbe veur zoan speciaal knuupke um pagina's truuk te drièje! Iech kèn dan vlot insjpele bie cyberpesterieje en vandalisme. groetjes :) --Aelske 31 mrt 2006 11:40 (CEST) ::Wat dink geer devan? :)--Aelske 20 apr 2006 23:02 (CEST) :::Hoj Aelske, sorry, iech waor gans vergete hie-op te antwoorde. Es te zoa'n knuupke wils, en de ander meugelikhede van 'ne systeemwèrker (sysop), dan kèns te diech 't bèste daoveur kandidaat sjtèlle in de kaffee, zoadat de ander gebroekersj hun vertroewe in diech kènne oetsjpreke of eventueel bezjwoar kènne make. Op mien sjteun kèns te in eder geval rekene ;)
:::Es te allein zoa'n truukdrièjknuupke zouws wille dan kèn dan ouch mèt ein of ander javascripke, meh dat zou iech nog e bietteke moete oetzeuke.

Groetjes, cicero 20 apr 2006 23:19 (CES)

Wat vinge de ander mètwèrkersj van Li-wikipedia, es iech ouch af en toe es systeemwèrker functioneer?--Aelske 21 apr 2006 13:32 (CEST)

Prima. Iech kin uuch trouwes es einege vaan de Limburgse Wikipedia zoe tot systeemwèrker make. Steinbach (vreuger HaafLimbo) 21 apr 2006 22:49 (CEST)

Gaere ;-) (wie iech ouch al op mien euverlik höb gezag). cicero 24 apr 2006 20:44 (CEST)

Gebäörd. Went mer ins rösteg aon eur nui knöpkes :-). Steinbach (vreuger HaafLimbo) 24 apr 2006 21:17 (CEST)

Bedank huèr!!!. Meh noe 'n hièl sjtóm vraog :%( Woa zouwe die knuupkes ziette? :)) :#--Aelske 24 apr 2006 22:23 (CEST)

Bovenaan de tebkes sjteit noe bie eder pagina ouch "besjerm" en "wisse". In de recente veranderinge zuus te noe achter edere gebroeker "blokkeer", en es te vanoet de recente veranderinge op "vera" kliks zuus te 't truukdrièjknuupke. Mèt dat knuupke were trouwes alle bewèrkinge van de lètste gebroeker truukgedrièjd (dus neet allein de lètste wieziging door dae gebroeker). Zuug ouch nl:Wikipedia:Handleiding voor moderators veur 'n handleiding op de Nederlandse wikipedia. cicero 24 apr 2006 22:51 (CEST)

Ahaaaaaaaaa, inderdaad, merci ;)--Aelske 24 apr 2006 23:09 (CEST)

Gedich

Terra in kleur,

Mèt 'ne sjlaag, deeproee'wd woord ziee gebaore, Al gauw blauw woord doee häör aangezich. Häör greeun al wieet verlaore, Pap, wat höb v'r aangerich?!?

Uitnodiging

Beste Wikianen,

Geïnteresseerden zijn bij deze uitgenodigd voor de volgende vergadering van Wikimedia Nederland. Gegevens vind je hier. Aanmelding is noodzakelijk, in verband met het reserveren van een vergaderruimte.

Vriendelijke groet,

Galwaygirl 3 mei 2006 17:08 (CEST)

(Met verontschuldigingen voor het Nederlands ;-) )

gefeliciteeerd met 2000

Ik zie dat jullie Lisse als 2000ste markeren ( de hoofdpagina geeft iets anders aan...). gefeliciteerd met deze mijlpaal. groetjes --Zander 17 mei 2006 13:50 (CEST)

De huidpazjena löp idd wel ins achter bij de rv's, meh noe pareert 't weer: Lisse is nómmer 2000, Kartiels nómmer 2001, Sjilberg nómmer 1999. Dien felicitaties weure natuurlijk hartelik geaccepteerd :-) Steinbach (vreuger HaafLimbo) 17 mei 2006 13:59 (CEST)

Allee, ooch proficiat van mich. Ich mot tog es wa mier tijd vrijmoaken veur de Limburgse Wikipedia moa ich hem nog zoeveul werrek op den Vlaomse... Gruut, Sonuwe 17 mei 2006 14:58 (CEST)

Auch proficiat van mich. Ich kall dan nèèt zo goed Limburgs, moar ich probier het wel ;-) Dennis 17 mei 2006 15:38 (CEST)

ook gefeliciteerd namens mij. Op naar de 3000. Magalhães

Perficiat allemaol. Mèh noe nog weijer, op nao de viefdoezend. Hazehuh? 17 mei 2006 16:16 (CEST)

Dat zal op us aonkoume, neet? En op of v'r nog mier lui nao de Wikipedia touw weite te trèkke. Steinbach (vreuger HaafLimbo) 17 mei 2006 16:18 (CEST)

Gefeliciteerd! MartinD, van boven de grote rivieren.

En ook van mij! Danielm

Inschrijving leden voor VWN

(This message is in Dutch. If you want it to be in your language, plese be bold, and translate it into your language and place it under mine.)

Beste Wikianen,

Mensen die lid willen worden van Vereniging Wikimedia Nederland, kunnen zich nu als zodanig aanmelden. Op nl.wikimedia.org kunt u meer informatie vinden over de inschrijfprocedure en de te volgen stappen. Ik hoop dat wij vele leden mogen verwelkomen.

Met vriendelijke groet, Lodewijk Gelauff aka Effeietsanders 17 mei 2006 23:03 (CEST)

Limbo oet ut Noarde in de nupkes mit ut resultoat

Beste Luuj, Ut deit mich goat um hiej ouch mien biedrage aan te levere. Ut is neet altied eve mekkelik om in geweun Limburgs te schrieve. Ich goan ut toch probaere. Eigelik wird ut wael ns tied ded ut uns geboert. Goat veural zo doar!Groete van Mario oet Amersfoort

Discussie blokkaad

Nao aanleiing van discussie blokkaad op euverlèk van [[1]] Iech bin euvertuug van de gooj bedoelinge van alle systeemwèrkersj en iech kèn miech hièl good veursjtèlle, dat 't blood geit koke es wir 'n paar ónvolwasse (want dat zint 't ech) kinger bezig zin mèt cyberpeste en/of 't "leuk" interactief "sjpelke", dat Wikpedia hèt. Dat ies miech lèts ouch gebeurd en iech waor hieeeeeeeèl gieftig op die kinger!!! Fijn ies 't dan es me de besjiekking haet euver sancties t.o.v. dees pubersj, zoa-es bv. 'n blokkaad. Dan kries se effe rös en 't veurtbesjtoon van Wikipedia blief besjermp! (Trouwens die kinger zeen en veule neet de impact van hun handele, andersj dege ze 't neet!) Meh laote v'r waal respect höbbe veur de maotreigel, dae 'ne bepaalde systeemwèrker toepas. Ies me 't 'r neet mèt eins, of wilt me gewoon helpe of laote blieke dat de sanctie good ies, mèh te zjwaak of te sjterk, dan estebleef ièrsj mèt betrokke systeemwèrker euverlègke. Iech moet 'r neet aan dinke, dat 'ne collega-ónderwiezer miene maotreigel tegeneuver 'n kind op sjoal, dat ziech neet aan de reigelsj hèlt of dat van al oethaolt, zal negere, verandere of zjwoarder make! Gewoon persoonlik euverlègke dus, ies 't bèste. En daobie moete v'r zörge, dat gein sjeldweurd e.d. door oes gebruuk weure (ouch al verdeent emes of 'n situatie dat mesjiens). Dao moete v'r es wiki-gemeinsjap bove sjtoon. Dan kènne v'r in eder geval zègke, dat veer 't fatsoen in hoes höbbe. Sjeldweurd maoge waal encyclopedisch behandeld weure natuurlik.;)--Aelske 23 mei 2006 10:44 (CEST)

Iech snap neet tot d'r zoeväöl tied besteit aon e stelke mislökde Rössische experimente die door geistelik gehandicapde neo-nazi's zien opgetrókke. Dat soort dinger höbbe hei op Wikipedia gewoen niks te zeuke, punt! Daorum mote v'r ze laankdoreg blokkere. Iech rappeleer miech nog hiel good tot de Limburgse Wikipedia veureg jaor tot twie keer touw door 'ne vandaol woort getroffe dee ad random pazjena's leegmaakde, en iech höb dao bekaans e trauma aon euvergehawwe. Iech höb neet de minste sympathie veur dat geteisem en iech wèl ze daan ouch mèt alle mach die iech es systeemwèrker höb vaan Wikipedia vege. Es geer 't dao neet mèt eins ziet vertrèk iech wel vaan de Limburgse Wikipedia en gaon iech mienen tied get beter besteie. Steinbach (vreuger HaafLimbo) 23 mei 2006 12:03 (CEST)

Groatendeils eins mèt Aelske. Steinbach: die sjeldweurd kènne *ech* neet, ouch neet tegeneuver vandale. Estebleef, zörg dats te daobove sjteis. Wie kènt me diech andersj serieus numme es systeemwèrker, es te zelf eve hel sjöls es die luuj woateges te optraejs? Dat geval van veurig jaor ies werkelik gans get andersj es wat noe aan de hand waor, of wat de meiste van die puberkinnekes hie oetvrete. Laote veer andersj mer e blokkeerbeleid opsjtèlle es gemeinsjap, dan veurkómme veer diet soort discussies in 't vervolg. cicero 23 mei 2006 12:40 (CEST)

Nao bewèrkingsconflict. Natuurlik höbbe alle luuj, die Wikipedia verkièrd gebruke, hie nieks te zeuke. iech kèn ze ouch miesse wie tandpien. Ze maoge en moete dan ouch (sóms) geblokkeerd weure. Dao bin iech 't mèt eins. Meh mèt alle respect veur de handelwies van de systeemwèrker, dae 't ièrsj reageert. --Aelske 23 mei 2006 12:47 (CEST)

Perceis, ze höbbe hei niks te zeuke, en diech, Cicero, bis weer väöls te leef veur ze. Wikipedia is gein bezegheidstherapie veur geistelik gesteurde. Iech zal hei-oonder kort en krachteg in beeld bringe wie iech mein tot v'r vandaole hure aon te pakke:

• 
• 

Steinbach (vreuger HaafLimbo) 23 mei 2006 12:54 (CEST)

Wat 'ne ónzin. Höbs te eigelik waal geleze wat iech sjrief ? Gank dao dan ins op in in plaats van mèt die dóm pleetsje te kómme aanzètte en obbenuujts te sjelle. cicero 23 mei 2006 13:02 (CEST)

"De lièrs 't toch noats". O, da's leuk, iech höb 't dus pas gelierd es iech 't mèt diech eins bin? Steinbach (vreuger HaafLimbo) 23 mei 2006 13:04 (CEST)

Dat höb iech weggehaold en mèt 'n rae. 't Sjloog op 't ummer mer doorgoon mèt sjelle enzoa. Dats te 't neet mèt miech eins bies weit iech al lang, en ies dien good rech. Sjeldweurd zulle miech neet van dien meining euvertuge. cicero 23 mei 2006 13:08 (CEST)

Verdomme, boeveur weur iech hei zoe door uuch tegegewèrk? In plaots vaan tot veer doeltreffend en einsgezind tege vandaole optrejje val d'r miech aon! Iech bin zeker erger es die vandaolmoonsters (nein, iech slik gein letter devaan in!). Wètste, iech haw demèt op, iech höb nondezjouw aanderhaaf jaor vaan mie joonk leve aon dit stóm Wikipedia weggegoejd! 17 maond vaan de 269, dat is al bekaans 7%! Iech hej in deen tied zoeväöl ander dinger kinne doen!!! Steinbach (vreuger HaafLimbo) 23 mei 2006 13:15 (CEST)

Jaomer. Jaomer ouch dats te diet zuus es tegewèrke. Daag. cicero 23 mei 2006 13:18 (CEST)

Iech vraog miech aaf of iech dit gedeuns hiebove maog wisse? Woa zint v'r eigelik mèt bezig? V'r zint toch volwasse luuj en LEEEEEEEEEEEEEEES ESTEBLEEF WAT GESJREVE WEURT!!! En die foto's maoge van miech ouch truukgedrièjd weure, meh dat dörf iech neet (miè). VLOKE IES NEET GEWUNSJ. Iech höb sjpiet devan dat iech de discussie höb gesjtart hie in de kaffee :(--Aelske 23 mei 2006 13:50 (CEST)

Goot eur geng, iech zal uuch neet meer tegewèrke. "Beleid" is evels wel tot me alles liet stoon, aanders is me bezeg de discussies te vervalse (euverlègk is vaan de poster en vaan de poster allein!). Geer kint ieg de ganse rommel arsjivere. 't Ligk neet aon uuch, 't ligk aon de vandaole en niks anders.

Iech twiefel of iech m'ch heij in dit gezèlleg oonderunsje kin minge, mèh laot iech ´t toch mèh doen. Volges miech weurt 't allemaol e bitsje euvertrokke, veer zien heij in de Limburgse WP werkelik gezegend door 'n bijnao volledeg oontbreke vaan vandaole. Iech zit 't noe 'n paar weke met VF bij te hawwe, zoewel op de li es op de nl versie, en tegeneuver letterlik doezende gevalle vaan sjelde, kliedere, zandbakke en zoe weijer op de nl steit precies 1 kier dat iech eemes bin tegengekaome op de li dee 'ne reclamelink towvoegde. Iech deenk dat 'ne houp vaan de frustrasie vaan Steinbach oet de nl kump. Daorum zou iech eederein wèlle aonraode um es rösteg en deep aosem te hole, en veur Steinbach: gaank d'ch eve e pèlske pakke op e terras zoonder hotspot (noe sjeint de zon nog) en daan zuut de wereld d'r weer väöl beter oet, en zien veer alles weer e bitteke in perspectief.

Want vaan d'n andere kant is 't nogal oontnöchterend um zoe bitteke 't ganse mod gezelsjap vaan de li rözingend euver straot te zien rolle. Geer mot toch gein discours oonder mekaar kriege, daan hèlt 't snel op mèt WP in dees sjoen taol! Hazehuh? 24 mei 2006 11:49 (CEST)

Iech maag diech wel vertèlle tot v'r e jaor geleie tot twie kier touw iemes höbbe gehad dee veur de lol pazjena's leegmaakde. Stom touwvalleg zaote Cicero en iech bei kiere achter de computer Veer zien mèt hiel weineg gebrukers; es zoeget us nog ins gebaört dewijl v'r allemaol weg zien - en dat kump dèks genoog veur - daan is 't pas ech mèt de Limburgse Wikipedia gebäörd want 'ne vandaolbot heet de ganse database vaan 2000 pazjena's zoe leeggemaak. Dat is 't sjrikbeeld wat m'ch noe al e jaor veur ouge steit en wat m'ch nog dèks oet miene slaop hèlt. En nein, iech num miech gei pèlske, 't kortbijs terras ligk in de stad (iech zit op d'n Uithof) en iech höb 't geld neet. Steinbach (vreuger HaafLimbo) 24 mei 2006 12:29 (CEST)

Kiek, heij höbse noe get boe-ste toch ech geine sloap euver hoofs te verlere. Weure d'r gein backups gemaak vaan de database? en es dat neet kin, daan höbbe v'r toch sjus zoe snel es d'n vandaol 'n anti-vandaol botje gemaak, dee alle wijziging vaan zoe-iemes weer trökdreijt. Met 2000 pagina's is dat good te doen, en de informatie geit noets ech verlore. Hazehuh? 24 mei 2006 13:03 (CEST)

Good dat g'r 't noe euver back-ups en zoa höbt. Iech krieg noe al visioene bie 't idee dat al oos werk zoa mer weg gegoajd kènt weure!? Dao ies doch zeker get aan te doon, preuf iech oet de teks hiebove? Iech zou zègke, Steinbach en Haze bv, gebruuk eur expertise, van't wèrke op ander Wikipedia's, um te veurkómme, dat de informatie verlore geit. 'n anti-vandaalbotje (?) ies mesjiens 'n good idee. Alvas danke ;)--Aelske 24 mei 2006 13:51 (CEST)

Gebruuk vaan 't AGL

Leef lui, iech wouw die discussie al langer geleie veure meh noe moot 't toch mer ins devaan koume. Iech wèl 't eve mèt uuch höbbe euver 't gebruuk vaan 't AGL in dees encyclopedie.

AGL, wat is dat? 't Is 'ne staanderdtaol veur 't Limburgs, oontwikkeld door lui die dao heil in zien. Initiatiefnummer is Wim Kuipers oet Neel (gluif iech). Hun eige bedoeling waor tot op d'n door de Limburgers hun eige taol zouwe goon sjrieve, tot me dees staanderd op sjaol zouw liere etc.

Dat is d'r neet vaan gekoume (tot noe touw), want in dien eige dialek te sjrieve is altied gemekeleker. En de meiste lui wèlle hun eige dialek ouch hielemaol neet opgeve veur 'n algemein Limburgs (daorum hèt 't ouch "algemein gesjreve Limburgs" - hun eige bedoeling is dat in ierste instans naomelik ouch neet). Dat heet detouw geleid tot väöl Limburgers, veural oet de Veldeke (vereineging)-hook, allergisch zien veur 't AGL.

Bij de allerierste initiatiefnummer vaan de Limburgse Wikipedia laog dat anders. 'n Obscuur persoen oet Stein, die v'r daonao noets mie höbbe trökgezeen, sjreef tot heer hei 'n encyclopedie in 't AGL wouw opbouwe, meh v'r mósten 't nog eve mèt Steins doen tot heer 't AGL actief behiersde. Wel verklaorden 'r: "aof en touw eve kieke in d'n AGL-dictionair kin gei koed". D'n twiede serjeuze gebruker hei, Guaka, dach dao ouch zoe euver, meh heer sjreef Nuts mèt hei en dao 'n AGL-woord dedoorheen, ziech sjijns (nog) neet gans bewös vaan de enorm variatie die 't Limburgs kint. Daonao kaom iech, doe Cicero, en oetindelik zien v'r allemaol euvergegoon op 't sjrieve in us eige plat.

Toch zouw 't exclusief gebruuk vaan AGL veurdeile höbbe: gein probleme mie mèt in welk dialek is dit gesjreve en wie moot iemes dee anders praot dat aonvulle etc. De naodeile zien evels groeter. Entans, in de artikelnaomruumde. Meh op ander plaotse liek miech 't gebruuk vaan AGL hiel nötteg. Stèlt uuch beveurbild 'nen interface veur in 't Mestreechs, Venloos of Hessels. Daan zouwe de lui toch al gaw goon zeure tot dit neet de Limburgse meh de Mestreechse of Venloose Wikipedia zouw zien. Allemaol dialekte doorein is w.m.b. ouch gein optie. AGL is nog de meis neutraol meugelikheid. Alles op e rijke liek miech 't AGL heiveur good gesjik:

• De MediaWiki's, wie iech bove al zag, dus al die systeemberiechte. Die zien al gooddeils in 't AGL vertaold.
• De Pazjena's in de Wikipedia-naomruumde, dus oetlègk-pazjena's euver vaan alles en nog get. Die zien ouch al gedeiltelik vertaold.
• Sjablone. Die zien dèks nog neet vertaold en sommege presentere 'n ganse doorein vaan dialekte. Iech höb beveurbild zelf wel ins zoe'n dinger haaf aongepas aon ander dialekte, haaf Mestreechs gehawwe. Dat natevingerwèrk mós mer ins tot 'n ind koume.
• Categorienaome. Daoveur gèlt e bitteke 'tzelfde. Dao is noe beveurbild 'n Kategorie:Kloaster (euver de spèlling mèt c of k höb iech 't oonder nog wel), en dat is zoe typisch Valkebergs, tot dat suggereert tot de ganse categorie Valkebergs moot zien en blieve. Dialeksprekers die kloe(ë)ster, klooster of nog get anders zègke zouwe daan koelek die catgeorie aon hun artikel mage touwvoge; E Zitterds artikel (um mer e willekäöreg ander dialek te neume) mèt 'n Valkebergse catgeorienaom is vreem. Es 't 'n AGL-naom heet daan zit dao nog get consequents in. Ouch hei is dat weer de mins slechte oplossing.
• Artikelnaome. Eigelik perceis 'tzelfde. Stèl, iech sjrijf euver get wat neet typisch Mestreechs is meh iech geef 't artikel wel 'nen hiel Mestreechsen naom, beveurbild kaajdbleujegheid. Es dao noe iemes wat 'n ander plat praot get aon wèlt touwvoge is dat neet oonmeugelik mesjiens meh kump dat wel hiel vreemp euver: 'ne Mestreechse naom en daan beveurbild Venlosen teks euver "kaltbleudigheid". Es dee Venloneer noe 't gans artikel "vertaolt" daan kin 'r de titel nog verandere nao 't Venloos, meh dat liek miech neet de bedoeling. Nou höbbe ze op de Alemannische Wikipedia 'tzelfde probleem: hiel väöl hendeg versjèllende dialekte. Dao zien ze zelfs zoe wied gegoon tot alle artikele naome in 't Staanderdduits höbbe gekrege! Iech wèl hei dus neet zoe wied goon um alle artikele Nederlandse naom te geve; AGL liek miech daan 'n hiel gooj tösse-oplossing. Let wel op: veur plaotsgeboonde artikele wie euver woenplaotse hoof dat natuurlik neet heh; Stein moot neet Sjtein weure. In zoe geval heet naomelik wel ei dialek de veurkäör. Laot ouch altied zoeväöl meugelik variante in ander dialekte nao de titel redirecte, plus de Nederlandse naom, dat maak 't veur de lezers en gebrukers wel e stök hendeger.

Wat blijf daan nog euver um in dien eige dialek te sjrieve? Nou, d'n artikelteks zelf en al eur euverlègk. En dao zalle de meiste gebrukers ziech toch primair mèt bezeghawwe of neet? Allein veur de titel vaan 'n artikel en veur 'n nui catgeorie moot g'r daan eve in d'n dictionair kieke, en zoe neet, daan kóm iech 't wel corrigere ;-)

Veurbehaajd

Dao zien nog wel e paar discrepanties tösse de Veldeke-spelling en de AGL-spelling. De lèste gebruuk naomelik nogal modern, fonetische spellinge veur vreem wäörd, wie "kómpjoeter" en "kommunikasie". Veer zien in 't verleie al euvereingekómme tot v'r dat hei neet doen en gewoen 't Nederlands volge, dus computer en communicatie. "Kategorie" is ech e compromis-gedroch: AGL wèlt us kategerie laote sjrieve, nao Veldeke-principes moot dat categorie zien en toen höbbe v'r dat mer genómme. Achteraof bezeen de slechs meugelike oplossing. Iech wèl dat ouch zeker ins goon corrigere, meh dat is lesteg, dat moot via Wikimedia-Bugzilla en dat snap iech nog neet hielemaol.

Discussie

Iech höb heibove oetgeliend wie iech 't AGL-gebruuk hei veur ouge zeen: beperk, boe 't good oetkump. Noe wèl iech wel weite ofd'r 't mèt miech eins zeet. Steinbach (vreuger HaafLimbo) 24 mei 2006 16:07 (CEST)

't gebruuk vaan 'n standaard Limburgs op de meneer wies diech dat veursteis, kin iech m'ch good vinde, allein, wiezoe AGL? Volges miech is de Veldeke spelling 'n väöl beter alternatief:

• besteit al väöl langer
• heet 'n väöl breijer draagvlak door 't aontal leje
• heet 'ne officiele status bij de provincie Limburg
• is ouch vertegewuurdigt in Belsj

Of rakel iech noe 'n lang vergete discussie weer op? Hazehuh? 24 mei 2006 17:06 (CEST)

Nou, "de Veldeke-spelling" besteit dus neet! In 't blaad Veldeke, wat iech trouwes toes op de deurmaat krijg, gebruuk edereine zien eige dialek. Op hun site weurste beveurbild verwèlkómp in 't Venloos. AGL is de einege Limburgse standaardtaol die überhaup oets boete de eige krink gebruuk weurt, daorum liek m'ch dat 't beste alternatief.

Steinbach (vreuger HaafLimbo) 24 mei 2006 17:17 (CEST)

't Ies inderdaad bès waal lestig um 'n encyclopedie te sjrieve mèt hónderde versjillende variante van de Limburgse sjtreektaal. Èvvel die variante besjtoon noe einmaol en die weure gebruuk. Veural mondeling. 't AGL ies 'n geforceerde taal. Dao maoge v'r neet te väöl gebruuk van make. Tot noe toe gebeurt dat allein op wat hie bove sjteit opgeneump en dat ies 'n (noadzakelik?) koad. 't Ies namelik gein (levende) taal!

Iech bin zoawiezoa veur de Veldekesjpelling. (Iech functioneer al 33 jaor in 't Veldekebesjtuur, woavan 32 jaor same mèt de ontwerper van de Veldeke-sjpelling: Jan Notten). De Veldeke-sjpelling ies zoa ontworpe dat edere miensj in gans Limburg en daoboete eder dialek kèn leze! Eder dialek weurt gesjpeld volges 't zelfde principe! Emes oet bv. Remung moet op dees meneer bv. Kèrkraods kènne leze en emes oet Mestreech 'n teks in 't Gulpes. Veur 1983 waor dat gans andersj. Eder plaats, edere groep en zelfs luuj persoonlik hanteerde hun eige sjpellingsysteem, deils euvergenómme oet 't Duutsj (bv sch ipv sj) en oet 't Frans (bv groit ipv groat). Versjillende woordebeuk zint samegesjtèld in die ouw sjpellinge en die zint veur de boetesjtaonder neet te leze (veurbeeld: Groesjelder dictionair). Dat ies versjriekkelik jaomer. Daorum ies de veldekesjpelling d'r gekómme veur gans de provincie en de provincie haet ziech dao-aan geconformeerd. Dat moete veer dus ouch doon. Zoa hèls se einheid. Vanoet 't beleid van de sjtreektaal en de sjtreektaalfunctionaris ies me op versjillende sjoale begoes mèt lèsmethodes in de Veldeke-sjpelling. Wat dat betref voldoon v'r aan hun woordbeeld es veer die sjpelling gewoon (blieve) gebruke. Bovendien ies 't bès waal fijn es v'r Veldeke es invloodrieke organiatie achter oes höbbe sjtoon. (Veldeke ies tege 't gebruuk van 't AGL)
Iech sjtèl veur um de situatie (veurluipig) zoa te laote es wie ze noe ies. De name van de artikele gewoon in 't eige dialek, relaterend aan de inhoud en v'r make gewoon väöl redirecte!! (Wae wèt hie 'n plat woord veur?) Liènweurd (dat sjteit ouch in de V-sjpelling) moete (idd) zoa gesjreve es in 't Nederlands of in de taal woavan ze geliènd zin.--Aelske 24 mei 2006 20:30 (CEST)

Jeh hoho, meh iech had 't euver de meta-tekste, neet euver de encyclopedie zelf. Inderdaod mote de meiste Limburgers ziech oonderein kinne verstoon (al zal de gemiddelde Remundeneer de groetste meujte höbbe mèt Kèrkraojs!), dao geit 't neet um. Meh algemein tekste of naome vaan artikele, dat is 'n ander verhaol! Es me dao versjèllende dialekte doorein aonhèlt levert dat ooneuverkoumelike probleme op, wie in 't verleie al gebleke is, en wie iech heibove nog in mie betoog oetereingezat höb. Veer hantere noe feitelik al AGL in Veldeke-spelling trouwes (zuug köpke #Veurbehaajd). Meh in eur verhaol zoezjus, wat op ziech natuurlik terech is, goot geer neet in op die probleme. Dat is noe feitelik wat iech meinde te zègke wie iech stèlde tot väöl Limburgers allergisch zien veur (de idee vaan) 't AGL. Iech vin 't hei gewoen de beste, of mins slechte, oplossing, en wie iech al gezag höb, in de artikele en op euverlègkpazjena's goon v'r 't wmb neet gebruke, al waor dat oorsprunkelik wel de bedoeling. Steinbach (vreuger HaafLimbo) 25 mei 2006 00:20 (CEST)

En iech wèl nog ins zègke: 't is wel de bedoeling tot v'r lui oet alle deile vaan de Limburge hei heer haole, en tot ouch mier dialekte op ein paasj gebruuk mage weure. Es 'n artikel 'ne naom heet in e dialek wat neet 't dijnt is nudig dat neet oet tot bewèrke, wie iech al zjus mèt de "kaajdbleuje(te)gheid" aongoof. En es d'r daan twie dialekte nevenein stoon op ein paasj, of drei? Wie mooste 't artikel daan doupe? Kaajdbleujegheid/Kaldbleudigheid/Kódbleujiegheed? Steinbach (vreuger HaafLimbo) 25 mei 2006 00:24 (CEST)

Woarum zouwe de name van artikele es ze in 't AGL zint miè oetnuèdige tot bewèrke es de naam in 'n ander dialek es 't dient? De meiste luuj zulle AGL neet es zoadanig herkènne, en dus dènke dat 't 't ander dialek es dat van hun ies. En es d'r 2 of miè dialekte op 'n pagina sjtoont, dan ies de titel nog ummer in 'n ander dialek es de teks, ouch es se daen titel in 't AGL deis. Of mesjiens ies toevallig 't AGL-woord dan waal geliek aan ein van die dialekte. Iech wil op dat punt gaere veursjtèlle 't te doon wie v'r 't noe al dege. Redirects enzoa zulle toch moete blieve besjtoon (iech höb ech geine zin in eder artikel [[AGL-woord|Valkebergs woord]] te moete doon). cicero 25 mei 2006 12:22 (CEST)

Wee zeet diech tots diech dat moos, ederskier <nowikiValkebergs woord</nowiki>, es dao redirecte veur zien? Iech wèl allein mer zègke: Dinger wie Kaajdbleujegheid of Categorie:Kloaster zien mèt inhaajd in ander dialekte zoe króm es 'ne banaon, este AGL gebruuks kinste teminste nog nao 'n saort vaan staanderdtaol verwieze. Es v'r 't zoe blieve doen daan weurt 't op d'n door ech oonhawbaar!! 't Eineg reejlik alternatief is titels in 't Hollands aonmake, analoog aon de Alemannische Wikipedia. Of de zouws allein mer pazjena's in ei dialek mage touwstoon. Of allein mer categorieë in ei dialek! Steinbach (vreuger HaafLimbo) 25 mei 2006 12:31 (CEST)

Woarum zou 't AGL in dit verband 'n ander sjtatus höbbe es ein of ander dialek? 't AGL ies gein geaccepteerde sjtandaardtaal. Lèk miech 'ns oet woarum de situatie ónhoudbaar zou were? Wat miech betref zint categorie- en artikelname in 't AGL mèt de inhoud ouch zoa krómp wie 'n banaan. Iech zeen ouch neet in wie 't neet gebruke van 't AGL tot gevolg zou höbbe dats te allein mer pagina's in ein dialek zouws maoge toesjtoon. Wat betref categorieë, ja, dat ies waal e probleem, want dao kèns te ouch neet gemekkelik redirects van make. Dus mesjiens dan mer AGL, al levert dat dezelfde discrepanties op wies diech dat hiebove zaes euver versjillende dialekte. Nederlands dan mer, veur de categorieë? cicero 25 mei 2006 12:41 (CEST)

Es 't AGL vaan diech gein ander status maag höbbe es ein of ander dialek zeen iech ouch neet in boeveur daan de categorieë wel nao 't AGL zouwe mage. Meh de höbs wel gliek, mèt die categorieë (em sjablone) is dat helder nujeg es mèt de artikelnaome. Es d'r binne de paar oor gein bezwoer tege kump herneum iech ze allemaol.

Daan de artikelnaome nog ins. Gans in 't begin vaan de Wikipedia, wie iech noch naïef gluifde tot v'r wel gaw mie gebrukers oet alle deile vaan Limburg binne zouwe haole (boeveur lök dat gvd nds-nl: wel en us neet?), zaog iech in tot sommege vaan mien aongemaakde roej links wel hendeg Mestreechs gekläörd waore. Dus begós iech ipv vaan van te sjrieve, beveurbild bij voorste of bij Lieste va(a)n dit-en-dat (fyi: vaan veur van kump allein in Mestreech veur). Dat leverde miech wel 't probleem op: welke staanderd hèlste aon? Want 't is natuurlik neet zoe tot me boete Mestreech allemaol 'tzelfde Limburgs sprik (wat sommege Mestreechtenere wel dinke trouwes). iech heel miech neet aon 'n staanderd, iech deeg al mèt de nate vinger. 't Is zelfs in zoe wied gekoume tot iech drei alternatieve nevenein höb. Iech verwies nao de Nederlandse provincie boe Rotterdam en D'n Haog in ligke mèt Zuid-Holland, in de sjablone steit hei-en-dao Zuud-Hollandj (=AGL) en iech höb 't artikel zelf Zuud-Holland (aonpassing nao ander dialekte touw) geneump. Zelfde probleem had iech oets ins mèt Zwede/Zjwede/Zwaede/Zjwaede; iech wis ech neet wat iech op de landelies mós zètte, wat iech in 't sjabloon mós zètte en wie iech 't artikel mós neume. Wel tot iech bij 't sjrieve vaan 't artikel ummer Zwede mós gebruke umtot dat mie plat waor. Meh es dat oets nog ins weurt aongevöld door iemes vaan örges anders (en dat houp iech toch wel!!) zal in de nuien teks get anders koume te stoon es "Zwede". Iech houp tot d'r noe e bitteke 't probleem snap. Steinbach (vreuger HaafLimbo) 25 mei 2006 12:54 (CEST)

Iech sjnap 't probleem meh iech bèn 't neet eins mèt dien oplossing. Gank estebleef neet binne 'n paar oer vanalles herneume; volges miech ziette veer nog miedde in de discussie. cicero 25 mei 2006 13:00 (CEST)

Daan kóm ins mèt 'n alternatief! En jao, zelfs diech vins tot categorieë wel in 't AGL mage dus daan liek miech wel tot de mierderheid dao veur is of neet? Steinbach (vreuger HaafLimbo) 25 mei 2006 13:11 (CEST)

Iech höb neet gezag dat categorieë in 't AGL moete. En woarum moet alles zoa sjnel? D'r zint trouwes 4 luuj in dees discussie. Wat vinge die ander twiè en welke mièrderheid zuus diech? cicero 25 mei 2006 13:20 (CEST)

Hallo, geer moet neet meine, dat luuj allein mer mèt wikipedia bezig zin. Dao zint nog ander dinger op de waereld. 't Kèn bès veurkómme dat emes 'n paar daag neet langs kump. Iech waor bv vanmörge nao 'n communiemès enn iech houw vanmieddig ander planne.

Iech ving, dat höb iech bove al gezag, dat mèt respect veur de sjriever 'n artikel in zien eige dialek maog sjtoon. Dat haet'r verdeend! Es emes andersj 't artikel in zien dialek wilt: ies 'r te laat. Hou'r ièrder moete zin. Hae maog dan genoege numme mèt 'ne redirect. Wilt emes 'n artikel aanvölle, dan in 'ne apaarte alinea in zien/häör dialek en dat ouch es zoadanig aangeve. Dat ies ouch interessant veur degeen dae nuujsjièrig ies nao wat veur soorte dialekte eueral weure gebruuk. (Iech o.a.) Kiek ins nao de diverse bloomlezinge in de versjillende dialekte bie-ein, dao sjtoon ouch veurweurd in en toelichtinge in 't dialek van degeen dae 't gesjreve haet en noats in 't AGL. Dat moete veer oes neet laote aankalle, estebleef--Aelske 25 mei 2006 14:24 (CEST)

Nein, niemes maag artikele veur zien eige claime. Mesjiens tot dat op 'n klein Wikipedia wie de eus nog zouw kinne, meh kiek ins op groeter Wikipedia's. Die dinger weure noe eine kier door hiel väöl versjèllende lui aongevöld. Zoe geit dat noe eine kier. 't Is dus oonfair vaan uuch um te zègke "daan hej d'n ander dat mer ieder mote doen". Es d'r strak mie lui kouem zalle die oonvermijelik artikele goon aonvulle, en es v'r dat tegehawwe daan kump dat de encyclopedie te naodeile. Veur wee sjrieve veer eigelik artikele, veur uszelf of veur 't projek? Steinbach (vreuger HaafLimbo) 25 mei 2006 14:29 (CEST)

Loester, dat haet mèt claime nieks te make, allein mèt respect veur 't soort dialekgebruuk van de sjtarter. (Iech höb 't hie neet euver de zoageneumde sjtumpkes). En es emes bie 'ne nuje alinea zien eige dialek aangeuf, ies d'r toch nieks aan de hand? Toch? En gaere hièl väöl aanvöllinge in hièl váöl variante aan dialek. Dat mein iech. Veer moet trouwens neet te väöl nao ander encyclopedieë kieke. Laote veer oes zelf mer blieve, mèt oos eige specifiek probleem en wae wèt wat veer ónderein nog kènne oplosse en verzinne...!--Aelske 25 mei 2006 14:38 (CEST)

Staot g'r miech tow um 't eve same te vatte:

• Oet 't oersproonkelike veurstel vaan Steinbach blijf euver Mediawiki, naomruimte Wikipedia, sjablone en categorienaome in AGL.
• Artikelnaome en inhaajd vaan de artikel blieve zoe wie 't noe geit, met väöl redirects. De starter vaan 'n artikel heet 't gelök dat 'r de artikelnaom en ierste dialek maag bepaole, meh wel oonderhevig aon beslissinge die bij consensus genòme weure ('t ligk dus neet veur altied en ummer vas)

Dit is in eeder geval boe iech 't met eins been. 't ruijmt 't mieste vaan de probleme op, meh liet toch nog genög euver veur alle versjèlle. V'r kinne noe einmaol neet alles veur altied oplosse (laote de volgende ginneraties li wikipediërs meh 'n oplossing vinde veur de probleme de ze höbbe es ze ouch 200.000 artikel höbbe). Hazehuh? 26 mei 2006 12:18 (CEST)

Maog iech veural Steinbach veur zien werk; daoneve Cicero en Haze hartelik bedanke veur de meuite van 't leze (dat waor nogal get), de biedrages en de positief insjtèlling getuènd bie dees discussie;)--Aelske 26 mei 2006 13:06 (CEST) Iech sjtèl veur um 't woord redirect in 't 'Limburgs' um te zètte in doorsjikke --Aelske 26 mei 2006 13:26 (CEST)

• Ok, hei kin iech wel mèt leve daan... Daan moot nog eint en andert ver-AGL'd weure meh dat kump tzt nog wel. @Aelske: Jaomer genoog kin iech 'redirect' neet in get anders verandere; dat woord is integraol oonderdeil vaan de programmeertaol (e html-dialek) boe-in de wiki-sofwaer gesjreve is. Steinbach (vreuger HaafLimbo) 26 mei 2006 18:48 (CEST)

Categorieje

Ich höb een categorie gemaak: Heraldiek. Ich höb auch al bie de versjillende artikele die categorie d'rbie gezat. Ich zeen in de pagina vanne categorie de artikele waal staon, mer in `t artikel zelf steit de categoriek in `t roead. De links nao de "categorie-pagina" doon `t dus neet. Kiek mer `ns beveurbeeldj bie Waope van Mofert. Waem kan mich helpe?

Die kategorie mot nog aangemaak waere: gewoen op die roej link klikke, get invulle in de bewirkingsbox wie [[Kategorie:Alles]] en den Pazjena opsjloaon. BertK 21 jun 2006 12:54 (CEST)

Wiejer höb ich auch nag `t probleem det noe bienao alle artikele oet dees categorie ónger de lètter "W" staon (Waope van Mofert, Waope van dit, Waope van det, enz.). Haet emes dao `n oplossing veur? Pater 21 juni 2006 10:42 (C'EST la vie) :)

Kategorieë waere alfabetis volges de tittel ingevöld. Dèt kens-te verangere deur e nuj waord op te gaeve nao `n | wie [[Kategorie:Heraldiek|Mofert]] op Waope van Mofert. Den waere ze gesjik op dèt nuj waord.BertK 21 jun 2006 12:54 (CEST)

Vertaole vaan artikele oet beveurbeeld Nederlands

Hoi, iech bin redelijk nuij hei. Zien der aofsprake gemaak euver (letterlijke) vertaolinge van beveurbeeld Nederlandse artikele? Kin dat zoemér? Der zien nogal get gewinsde artikele, die wel in het Nederlands bestoon. Het zou vaan de gekke zien um alles zelf te goon bedinke... --Pahles 10 jul 2006 09:49 (CEST)

Hoi Pahles, Vertale vanoet de Nederlandse en ander Wikepedia's maog natuurlik, mèt vermelding daovan in de samevatting. 't Geuf (zoa wie zoa) natuurlik mièwaerd es ouch ander brónne geraadpleeg weure bie 't make van 'n artikel. Veur de lezer ies 't ouch interessant es (indien van toepassing) vanoet de Limburgse invalshook gekeke weurt. groete --Aelske 10 jul 2006 10:07 (CEST)

Hoi, het geit miech mier um een aontal 'standaard' artikele, zoe wie beveurbeeld de artikele euver de planete in us zonnestèlsel. Dao kump wienig Limburgse invalshook bei kieke netuurlik. Meh iech begriep dat 't gei probleem is, es iech 't mer eve debei zèt. --Pahles 10 jul 2006 10:25 (CEST)

Wikimedia Conferentie Nederland - inschrijving

Er zijn plannen om 2 september a.s. een conferentie voor Wikianen te organiseren. Daarom zijn er al even geleden oproepen gedaan voor bijdragen (in de vorm van lezingen, workshops, discussies enz.) Een aantal bouwstenen zijn inmiddels aangeleverd en sinds kort buigt een comité, bestaande uit de gebruikers Annemiek Kennisnet, effe iets anders, Kim Bruning, RonaldB en Tdevries, zich hierover en tracht de juiste cement te vinden om er een aantrekkelijk programma van te maken.

Het doel van de conferentie is tweeërlei:

• Kennis en ervaringsuitwisseling
• Een beeld te ontwikkelen over de toekomst van de wikimedia projecten.

Een eerste concept-programma, gebaseerd op voorstellen van Wikianen die iets willen presenteren, vindt je hier. Vermoedelijk kan Jimbo Wales een lezing geven als keynote. De paneldiscussie aan het einde van het programma zou een stukje van de vraag hoe het in de toekomst verder zal gaan moeten beantwoorden.

Voor de organisatie is het van het grootste belang dat we een redelijk inzicht krijgen in de belangstelling voor dit event. Daarom het verzoek je eventuele belangstelling hier kenbaar te maken. En als je bepaalde thema's aan de orde gesteld wilt zien, geef dat dan s.v.p. ook aan, zodat we daarmee ook een beter beeld krijgen van de behoefte.

Tenslotte nog wat praktische informatie: Het zal plaatsvinden in Utrecht, de kosten zullen ongeveer € 15,- bedragen (met een korting voor VWN leden) en na afloop zal bij voldoende belangstelling nog een buffet georganiseerd worden (kost wel wat extra).

Mede namens Annemiek, Kim, Ronald en Tjipke,

met vriendelijke groet, Lodewijk Gelauff aka Effeietsanders 20 jul 2006 21:31 (CEST)

Wiej kènsse foto's invoege?? in ein artikel

Gooje daag

Vandaag höb ich veur den easte kièr ens get gemaak veur wikipedia. Wea kent mich zegge wiej ich ein foto kèn invoege in tekst? Geaf mich entwoord via mail

m.kentgens@home.nl

Kiek op diene eige wikepedia-mail, dao sjteit 't oetgelag. groetjes--Aelske 31 jul 2006 09:28 (CEST)