Vrigne-aux-Bois
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Vrigne-aux-Bois ies 'n sjtad en 'n gemeinte (Frans: commune) in 't departemint van de Ardenne (Ardennes), wat in de Franse regio Grand Est[1], Noordoas-Frankriek, liegk. Ouch 't dörpke Bosseval-et-Briancourt) vilt allewiel onger de gemeinte Vrigne aux Bois.
't Pläötske liegk in 't arrondissemint van de groater sjtad Sedan, in 't noordoaste van de Franse Ardenne, bie de Belzje grens mèt de Welsje provincies Henegouwe (Hainaut) en Luxembörg (Province de Luxembourg, dus neet 't land Luxembörg). Vreuger loog dit gebeed in de provincie van de Champagne. Nao de Franse Rivvelutie woort Sedan deil van 't departemint Ardennes. Traditioneel weurt in dees gemeinte dan ouch Champagnois gekald en neet Welsj, wie dat weurt gekald in 't groatse gedeilte van de échte, geografisch gedefinieerde, Ardenne.
De gemeinte haw in 2019 'n bevouking van 3.572 luuj op 'n oppervlaak van 22,57 veerkante kilometer en daomèt goof 't 158,3 luuj de veerkante kilometer. Vergeleke mèt 2015 haw zie 'n bevoukingsverangering van -0,74% de jaor.
Rifferenties
[bewirk | brón bewèrke]- ↑ Tot 1 jannewarie 2016 loog Ardennes in Champagne-Ardenne, veurdat de regio deil ging oetmake van de allewiel Grand Es.