Vladimir Poetin

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Vladimir Putin (2017-07-08).jpg

Vladimir Vladimirovitsj Poetin (Владимир Владимирович Путин, Vladímir Vladímirovič Putin; 7 oktober 1952, Leningrad, Sovjet-Unie) is 'ne Rössische politicus en staotshouf en d'n allewijle prizzendent en opperbevelhöbber vaan de Russische Fidderatie. Heer waor veur twie termijne prizzendent vaan 7 mei 2000 bis 7 mei [[2008] en daonao woort heer veur 'nen daarde kier verkoze tot prizzendent op 7 mei 2012. Heer is veur de veerde kier verkoze tot prizzendent vaan Rösland op 18 miert 2018.

Vaan 1999 tot 2000 en vaan 2008 tot 2012 waor heer de minister-prizzendènt vaan Rösland (de zogenaomde Veurzitter vaan de Regering, Председатель Павительства of Predsedatel' Pravitel'stva). Heer waor actief es direktäör vaan de Fidderaole Veilegheidsdeens vaan de Russische Fidderatie (de FSB; d’n opvolger vaan de beröchte Sovjet KGB) vaan 1998 - 1999 en sikkertaris vaan de Russische Velegheidsraod in 1999.

Heer studeerde aof aon de Rechtefaculteit aon de Universiteit vaan Leningrad in de late zeventeger jaore. In 1977 begós heer te wèrke in de contraspioenaasj bij de KGB. Vaan 1985 - 1990 wèrkde heer in 't hoofdiktoraat vaan de KGB in Oos-Duitsland en in 't "Hoes veur Vrun vaan de Sovjet-Unie" in Dresden. Op 20 augustus 1991 verkraog heer de titel "emeritus-Kolonel" vaan de KGB.

Vaan 19911996 wèrkde heer es assistent-rector vaan de Universiteit vaan Leningrad in internationaal rillaties, es veurzitter vaan externe relaties in ’t Leningraads Stadshoes, adviseur vaan de börgemeister vaan Sint-Petersbörg en es vice-börgemeister vaan Sint-Petersbörg.

Zien ierste premiersjap, vaan 1999 bis 2000, naom Poetin euver vaan Sergej Stepašin en waor oonder d'n ierste prizzendent vaan de Rössische Fidderatie, Boris Jeltsin. Wie Jeltsin zien oontslaag aonkondegde es prizzendent, sjoof Jeltsin Poetin nao veure es prizzendentskandidaot. e Paar maond later woort Poetin d'n twiede prizzendent vaan de Russische Fidderatie. Wie Poetin prizzendent woort, naom Mihail Kas'ǎnov Poetins premiersjap euver. In 2008 woort Dmitri Medevedev d'n daarde prizzendent vaan de Russische Fidderatie, wijl Poetin weer 't premiersjap euvernom vaan - deze kier vaan Viktor Zubkov. In deen tied goof 't väöl vraoge euver dees machswisseling. De Russische groondwèt leet 't neet touw tot Poetin veur 'nen daarde kier kos weure verkoze tot prizzendent. Dit is 'n regel die väöl veurkump in rippeblieke (wie Fraankriek en de VS). Väöl critici zoge de machswisseling es 'n meneer veur Poetin um aon de mach te blieve, wijl internationale kritiek groetdeils te oontwieke door op force vaan de constitutionele regels te speule. Dees kritiek woort allein meh dominanter wie Poetin obbenuits prizzendent bleek te wille weure in 2012. Dit gebäörde daan ouch: de Russische groondwèt zeet jummers tot me allein prizzendent kin zien veur twie termijne achtermekaar (in Fraankriek en de VS is dat aanders; dao maag me prizzendent zien veur meh twie termijne in 't gaans leve). Medvedev en Poetin deje 'n lètterleke machswisseling; noe woort Medvedev premier en Poetin woort obbenuits prizzendent.

Poetin waor tiejes zie premiersjap lid vaan de partij Vereineg Rusland, die ouch de groetse partij vaan ’t land is gebleve en de mierderheid in de regiering heet behawwe sinds deen tied. Sinds heer weer prizzendent is vaan de Fidderatie is heer gei lid mie vaan de partij; dat laot de Rössische wèt neet touw. In de praktiek heet Poetin evels ing ben mèt de partij, häör kabbinèt en de veurzitter vaan ’t kabbinèt en de partij, de premier, Dmitri Medvedev.


Zuug ouch[bewirk | brón bewèrke]

Brón[bewirk | brón bewèrke]

  • Rössischtaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Vladimir_Poetin&oldid=426928"