Heuvelland Aktueel
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Heuvelland Aktueel ies ein van de regionaal (en graties) weekgezètter, die versjiene in Zuud Limburg.
Heuvelland Aktueel weurt bezörg bie de inweunersj van 't gans heuvelland, van Hölsberg - Valkeberg tot Vaols. De ander regionaal blaar zin: De Maaspost (in Mestreech en Meersje en umgeving); 't Zondagsnieuws (in 't heuvelland, Zitterd-Gelaen en Brunssum), De Trompetter (in 't heuvelland en Zitterd), de Maas en Mijn in Zitterd, de Maas- en Geleenbode in Gelaen en Baek, de Geulbode (in Meersje, Gäöl, Raotem, Bung, Moorveld, Ulesjtraote en Borghare en saer 2007 de Weekendgazet. De ièrsjte 4 were oetgegeve door de Nederlandse weekbladengroep (NWG).
Hun specialiteit (neve reclame) ies regionaal nuujs en beriechte. Heuvelland Aktueel kump oet saer 1990. In Valkeberg ies 't de opvolger van 't (ouch graties) weekblaad Het Land van Valkenburg, bie de luuj bekènd es t Gezètsje, dat tièntalle jaore versjpreid woort in de toen zoa heisjende gemeinte Valkeberg-Houtem.
Saer januari 2010, en nao bekans 20 jaor onder dae naam, geit Heuvelland Aktueel same mèt 't weekblaad De Trompetter, onder de nuje naam De Trompetter/Heuvelland Aktueel. Ze höbbe same wekeliks 60 edities.
Gemeinteberiechte
[bewirk | brón bewèrke]In Heuvelland Aktueel publicere de gemeintes Valkeberg aan de Geul, Gulpe-Wittem en Èèsjde-Mergraote hun officieel gemeinteberiechte.
Tot 2009 zint ouch de programmeringe van de Mèsvieringe in de kèrke van de regio d'r in nao te sjloon. Daoneve sjteit t'r 'ne cultuuragenda in.
't Maske
[bewirk | brón bewèrke]Heuveland Aktueel geuf, sjuus wie vreuger t Gezètsje, eder jaor 'n carnavalsgezèt oet in Valkeberg mèt de naam 't Maske. Dit blaad sjteit gans in 't Valkebergs (en in alle dialekte in de gemeinte). De mètdeilinge, artikele en beriechte zin carnavalistisch. 't Maske haet 'n eige redactie.
1Lokaal en Via Limburg
[bewirk | brón bewèrke]In juli 2015 verandert de graties oetgaaf van De Trompetter/Heuvelland Aktueel in 1Lokaal, 'n weekgezèt mèt 36 lokaal titels. Edere goonsdig of donderdig vèlt bie 526.000 hoeshouwes in Limburg 'n nuuj oetgaaf in de bös mèt plaatselik nuujs. Um de herkènbaarheid begint eder plaatselike editie mèt 't ciefer 1 gevolg door de plaatsnaam of de naam van de gemeinte. 1beek; 1beesel; 1bergen; 1brunssum; 1echt; 1eijsden; 1geleen; 1gennep; 1groesbeek; 1gulpen; 1heerlen; 1heumen; 1horst; 1kerkrade; 1landgraaf; 1leudal; 1maasgouw; 1maastricht; 1meerssen; 1mook; 1nederweert; 1nuth; 1onderbanken; 1helden; 1maasbree; 1meijel; 1roerdalen; 1roermond; 1schinnen; 1simpelveld; 1sittard; 1stein; 1tegelen; 1vaals; 1valkenburg; 1venlo; 1venray; 1voerendaal; 1weert
Saer 2017 haet de oetgaaf van dit magazine 'nen andere naam gekrege:Via Limburg, mèt 16 plaatselike titels. Vanaaf januari 2020 zal 't neet miè hoes aan hoes bezörg were, meh versjpreid via de supermerte en ander openbaar lokale.