Gezèt
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Gezèt ies 'n gedrukde publicatie die reigelmaotig versjient. In 'n gezèt sjtoont sjtökker euver 't nuujts, informatie en besjouwinge. De term gezèt weurt meistal gebruuk veur 'n gezèt die dageliks versjient ("daagblaad"), meh d'r besjtoont ouch nog ander gezètter, wie weekgezètter of gratis hoes-aan-hoesgezètter. 'n Gezèt weurt meistal geïllustreerd mèt foto's bie de nuujtsberiechte. Ouch sjtoont d'r dèks waerberiechte, beursjkoerse en amusement wie sjtrips, kruuswoordpuzzele en horoscope in. Daoneve vingk me in gezètter 'n groat aantal, boete de verantwoordelikheid van de redactie tot sjtand gekómme, advertenties.
De meiste gezètter versjiene dageliks, behalve op zóndeg. De zaoterdese editie van 'n gezèt ies meistal diekker en haet allerlei sjpeciaal bielages. Väöl dagelikse gezètter versjiene sjmörges, d'r besjtoont èvvel ouch aovendgezètter. Me kènt 'n abonnement numme op 'n gezèt of ze per los nummer koupe. De lètste jaore zint ouch de gratis gezètter in opkóms, die hoofzakelik versjpreid were ónder reizigers in 't openbaar verveur.
In Limburg
[bewirk | brón bewèrke]In de meiste leng versjiene nationaal gezètter, geriech op 't gans land, en regionaal gezètter, die ouch väöl nuujts oet de regio bringe. In Limburg versjiene Het Belang van Limburg (Belsj Limburg) en De Limburger, 't Limburgs Dagblad (allebei Nederlands Limburg) es regionaal gezètter. De Maas en Roerbode (Remung) en 't Dagblad voor Noord-Limburg (Venlo) zint opgegange in De Limburger.
Grensöversjrèjjende redactie Belsj en Nederlands Limburg
[bewirk | brón bewèrke]Saer 22 januari is d'r e team va veer journaliste gevormd die 't kader oeëöver gesjraeve wert in 'n provinciaal gezèt oetbreidt mèt 't kader van de ander provincie.
Weekgezètsjes in de regio
[bewirk | brón bewèrke]Graties regiogezètter (die versjiene in Zuud Limburg) zin de weekblaar: Heuvelland Aktueel, 't Zondagnieuws, De Maaspost, de Trompetter, de Geulbode, Maas en Mijn en Weekendgezet.
Opinieblaar
[bewirk | brón bewèrke]Me kènt gezètter ouch indeile nao levesbesjouwelike of maatsjappelike visie, zoa haet de Nederlandse gezèt Trouw vanouds 'ne calvinistische insjlaag en ies de Belzje De Morgen van socialistische signatuur.
Historie
[bewirk | brón bewèrke]Vanaaf 27 mei 2008 versjiene de Limburgse gezètter in tabloidformaat.
 |
Tot daen tied kan d'n inhaud van 't artikel veurnaam informatie misse of nog neet good in zie verbandj ligke. |