Veurhoed

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


De mennelike geslechsorgane:
1. urienblaos, 2. sjaambein, 3. penis, 4. zwellief, 5. eikel, 6. veurhoed, 7. urienbuus, 8. diekken derm, 9. ènjderm, 10. zaodblaos, 11. zaodleier, 12. prostaat, 13. kleer van Cowper, 14. anus, 15. zaodleier, 16. biebal, 17. teelbal, 18. scrotum.

De veurhoed of preputium is in de miensjelike anatomie d'n dóbbellaogse vaoj van gled spierweefsel, aore, ziène, hoed en sliemvlees dae d'n eikel van de penis bedèk. 't Is redelik bewaegbaart en rèkbaart en deentj es e netuurlik smeermiddel.

De veurhoed kan gemeinelik waere trögkgetróch euver d'n eikel. De maot van bedèkking van d'n eikel in 'ne slappen of erekten toestandj hèngk aaf van de lingdje van de veurhoed. De veurhoed is mit de gebaorte vasgehecg aan d'n eikel en kan gemeinelik neet waere trögkgetróch bie kinjer.

Volges de Werreldgezóndjheidsorganisaasje is 't doel van de veurhoed ónzeker; 't kan zeen veur d'n eikel vöchtig te haoje, d'n óntwikkelendje penis te besjurme of seksueel plezeer te verhuège door de aanwaezigheid van ziènreceptore.

Bie de besniejenis (circumcisie) wuèrtj gemeinelik de veurhoed eweggehaoldj en blief d'n óntbloadjen eikel euver. Zónger de besjurming van de veurhoed kan d'n eikel get óngeveuliger waere.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Veurhoed&oldid=410727"