Urienbuus

Van Wikipedia

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


De mennelike geslechsorgane:
1. urienblaos, 2. sjaambein, 3. penis, 4. zwellief, 5. eikel, 6. veurhoed, 7. urienbuus, 8. diekken derm, 9. ènjderm, 10. zaodblaos, 11. zaodleier, 12. prostaat, 13. kleer van Cowper, 14. anus, 15. zaodleier, 16. biebal, 17. teelbal, 18. scrotum.

De urienbuus of urethra is 'n lang cilindrische häöldje die de urienblaos verbindj mit de boetekantj van 't lief. In dees häöldje ligk 'n aorechtig vlees det 't weefsel besjurmp taenge de sjemische invleuje van de urien.

De urienbuus deentj zowaal bie manskaerele es bie vrólje veur de urien oet 't lief aaf te sjeie. Ómdet bie manskaerele ouch 't sperma dao doorhaer geit bie de ejaculatie neump me ze bie die ouch waal de urogenitaal buus.

Bie vrólje is de urienbuus 2,5 tót 4 cm lank en bevindj de móndj zich in de vulva tösse de clitoris en de vaginaal äöpening. De kórte lingdje van d'n urienleier zörg bie vrólje d'rveur det ze vatbaarder zint veur besmettinge van de urienblaos (cystitis) en d'n urienstreek. Zoa kump 'n blaosóntstaeking dökker veur bie vrólje es bie manskaerele. Bie manskaerele is de urienbuus óngevièr 20 cm lank en löp ze door de prostaat en geit ze ónger 't ungselste zwellief door en ènjig ze vervölges aan de veurkantj van d'n eikel van de penis.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Urienbuus&oldid=462388"