Ènjderm

Van Wikipedia
Gank nao: navigatie, zeuke

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


't Maag-dermstèlsel bieje miens.
1. sjloekderm; 2. maag; 3. dunnen derm; 4. wormvörmig aanhengsel; 5. blinjen derm; 6. kartelderm; 7. endelderm; 8. anus.

d'n Ènjderm of d'n endelderm (Letien: rectum) is bie zougdere 't litste deil van d'n diekken derm. Hie vergaortj zich de óntlasting (Letien: faeces) óm vervölges via de anus 't lief te verlaote. Bie bièster sprèk me ouch waal van de mèsderm (of masderm) of sjietderm.

d'n Ènjderm is bie luuj 15 à 20 cm lank en haet 'n S-vorm. In 't bäövelste derdje deil van d'n ènjderm ligk e deil det zich gemekkelik kan verwieje, de ampulla recti. De völling daovan wèk door pekelinge nao 't afferent ziènstèlsel de stoolgank (defecatie) op.

Doordet de veurwandj van d'n ènjderm kórt op de vagina bie vrólje en de prostaat bie manskaerele ligk en de ziène door de bei waere gedeildj kan rectaal stimulaasje of penetrering leie toet seksueel opwinjing (anaal seks).

Plaetje[bewirk | brón bewèrke]

De anatomie van de mennelike, miensjeliken ènjderm.
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Ènjderm&oldid=381550"