Wormvörmig aanhengsel

Van Wikipedia

Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.


Blinjenderm, dunnen derm, diekken derm en 't wormvörmig aanhengsel.
't Maag-dermsjtèlsel bie de miens.
1. sjloekderm; 2. maag; 3. dunnen derm; 4. wormvörmig aanhengsel; 5. blinjen derm; 6. kartelderm; 7. endelderm; 8. anus.

't Wormvörmig aanhengsel of de appendix vermiformis is e dun rólróndj aanhengsel van einige tót sóms 15 centimaeter lingde. 't Is 'n aanhengsel van de derm det in 't verlingde van 't caecum, ofwaal d'n eigentlike blinjenderm, ligk. 't Bevat väöl lymfekleerweefsel en 'n rudimentair holte die nao de blinjederm haer aop is. 't Is gelaege in 't kwadrant rechsónger van 't abdomen, ouch waal de rechse fossa iliaca geneump.

Bie 'n blinjendermóntsjtaeking (appendicitis) is 't d'n appendix dae is óntsjtaoke en neet d'n eigentlike blinjenderm. Veur de miens mit zie modern dieet en laeveswies liek d'n appendix meer risico es nöt te versjaffe.

't Eweghaole van 't wormvörmig aanhengsel hèt 'n appendectomie.

Nöt[bewirk | brón bewèrke]

'n Waergaaf van de meugelike functie van 't wormvörmig aanhengsel.

't Wormvörmig aanhengsel sjpeelt meugelik 'n rol bie de insjtandjhajing van de dermflora. In 2007 opperde e vieftal óngerzeukers det 't wormvörmig aanhengsel meugelik de functie haet van 'ne veilige have veur bacterieje van de normaal dermflora, van wo-oet nao 'n episood van infectueus diarree de derm weer mit de eige flora kan waere gekoloniseerd zodet e sjneller hersjtèl kan optraeje.

Trivia[bewirk | brón bewèrke]

  • In de vouksmóndj weurt 't wormvörmig aanhengsel döks verward mit d'n blinjenderm.