Blinjenderm

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


't Maag-dermstèlsel bieje miens.
1. sjloekderm; 2. maag; 3. dunnen derm; 4. wormvörmig aanhengsel; 5. blinjen derm; 6. kartelderm; 7. endelderm; 8. anus.

De blinjenderm of (intestinum) caecum is 'ne blindj-ènjigendje zak vannen diekken derm dae zich bieje miens rechsónger inne boek bevindj. 't Litste deil vannen dunnen derm ('t ileum) ènjig namelik neet inne begin vannen diekken derm, meh mundj ziejelings oet in 't caecum, 'ne centimaeter of 10 van 't oetènj. Dit blindj distaal oetènj is de blinjenderm.

De primair fónksje vannen diekken derm is 't opnumme van water en zaltje oet 't vertaerdje aetes. De spiere inne wandj vannen diekken derm kónne d'n inhaad kneie veure vochopnaam te baetere.

De blinjenderm woreuver me 't inne vouksmóndj waal haet is aevel 'n anger orgaan, namelik 't wormvörmig aanhingsel (de appendix vermiformis).

Bie väöl dere, mit naam plantjenaeters, is de blinjenderm väöl sterker óntwikkeldj es bie luuj.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Blinjenderm&oldid=379075"