Krónkelderm

Van Wikipedia
(Doorverweze van Ileum)
Naar navigatie springen Naar zoeken springen

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


De ligking van 't ileum of de krónkelderm.

De krónkelderm of 't ileum (medisch: intestinum ileum) is 't litste deil van d'n dónnen derm.

Dezen derm wuèrtj veuraafgegange doren twellefvingerigen derm, 't duodenum, en de neuchteren derm, 't jejunum, en wuèrtj gevolg door d'n dieken derm. Oppen euvergank vanne krónkelderm en d'n dieken derm bevindj zich de blinjenderm, 't caecum.

Juus wie d'n twellefvingerigen derm is ouch de krónkelderm bedèk mit einläögig cilindrisch epitheel mit microvilli. 't Bevatj ouch sliembaekercelle.

Inne neuchteren derm en de krónkelder, vindj 't grótste deil van de vertaering en opnaam van voorbestandjsdeiler plaats. De passaasj van 't voor dore neuchteren derm en de krónkelderm doertj ein à twiè oer. 't Zoer, vleujbaar aetes wuèrtj in 'n alkalische substantie ómgezatte. Vriewaal alle voorstoffe waere hie aan de vleujstof ónttróch mit behölp van enzyme in 't dermsaap.

De krónkelderm hètj zoa ómdet de óngevièr 3 maeter langen derm gekrunkeldj in de boekholte ligk.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Krónkelderm&oldid=378419"