Scrotum

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.


De mennelike geslechsorgane:
1. urienblaos, 2. sjaambein, 3. penis, 4. zwellief, 5. eikel, 6. veurhoed, 7. urienbuus, 8. diekken derm, 9. ènjderm, 10. zaodblaos, 11. zaodleier, 12. prostaat, 13. kleer van Cowper, 14. anus, 15. zaodleier, 16. biebal, 17. teelbal, 18. scrotum.

't Scrotum of de balzak (in de vouksmóndj ouch waal sumpelewaeg bujel of buul geneump) is bie mennelike bieëster 'nen hoedploeaj dae boete 't lief hèngk en worin zich de teelbel oftewaal testikele bevinje. 't Bevindj zich tösse de bein, tösse de penis en d'n anus.

De teelbel kónne op de juuste temperatuur waere gehaje (inkel graoje ónger de liefstemperatuur) doordet 't scrotum aafhenkelik van de ómgaevingstemperatuur kórterbie of juus wiejer eweg van 't lief kan waere gebrach.

Bie castratie wuèrtj d'n inhawd van 't scrotum gans eweggehaoldj, wodoor neet allein de perduksje van zaod, mer ouch de hormoanperduksje die normaal-gespraoke in de teelbel plaatsvindj, wuèrtj óngerbraoke.

In de seksualiteit speeltj de geveuligheid van 't scrotum 'n rol. 'n Veurzichtelike aanraking kan hièl väöl opwinjing veroarzake, mer 'n roew aanraking is juus pienlik.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Scrotum&oldid=391613"