Hoed

Van Wikipedia

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.


De miensjelike hoed van dónbie.

De hoed, huud of 't vel (Letien: cutis) vörmp de boetelste bekleijing van 't lief van miensen en dere.

Bieje miens wuuertj de hoed besjoewdj es 't grótste orgaan, ómdet de ganse hoed mieë waog es edert vanne anger intern organe. Daoboete bevatj de hoed, juus wie intern organe, versjillige gespecialiseerdje celle die samen 'n functie vervölle. 't Is daobaove 't ènsigste orgaan det zónger wiejer ingrepen of hölpmiddele van boetenaaf bekeke kan waere. Waornumming vanne hoed levertj sómtieds wichtige informatie op euver 't al dan neet good functionere van 't lief es gehieël.

De hoed is 'n óngerdeil van 't integumentair systeem.

De lieër vanne hoed neump me de hoedkónde of dermatologie.

Opboew[bewirk | brón bewèrke]

De hoed besteitj oet 'n aantaal versjillige läög die in drie globaal läög kónne waeren ingedeildj. Gans ane boetekantj ligk de hoearelaog. 't Kórts ane oppervlakdje ligk de epidermis, de opperhoed. Dao-ónger ligk de dermis, de laerhoed. De dermis enne epidermis waere same de cutis geneump. Óngere cutis ligk de subcutis, ouchwaal 't bindjweefsel.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Hoed&oldid=408338"