Tsjoektsjenzieë

Van Wikipedia

Dit artikel is gesjreve (of begós) in 't Venloos. Laes hie wie v'r mit de versjillende saorte Limburgs ómgaon.


De Tsjoektsjenzieë

De Tsjoektsjenzieë (Russisch: Чукотское море, Tsjoekotskoje more; Ingels: Chukchi Sea) is 'n randzieë in de Naordelike Ieszieë, tösse Tsjoekotka en Alaska. Door de zieë löp de datumgrens en daorum leit ten weste van de zieë de Oeës-Siberische Zieë en 't oeëste daovan de Beaufortzieë. Via de Beringstraot steit zeej in verbinding mit de Beringzieë en de Groeëten Oceaan. Zeej is mer veer maonde per jaor bevaarbaar en vreej óndeep. De watere zien hieël voodselriek, waodoor 't heej vuuël walrusse, zieëhund en walvisse guf. De wiechtigste haveplaats is 't Russische dörp Oeële.

In 1778 voor James Cook door de Beringstraot en Tsjoektsjenzieë, mer ten naorde van Alaska kós hae neet mier vaerder, umdet zieë-ies zienen vaarwaeg blokkeerde. Hae voor daorop vaerder in naordwestelike richting nao Siberië. In de 19e ieëw volgde mier expedities en woort 't Wrangeleiland tösse de Oeës-Siberische Zieë en de Tsjoektsjenzieë óntdek.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Tsjoektsjenzieë&oldid=444760"