Torhout

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

Torhout mèt aongrenzende (deil)gemeintes (zuug de hoofteks veur 'n verklaoring).

Torhout (Wes-Vlaams: Toeroet; Frans en Ingels (verawwerd): Thourout) is 'n stad in de Belzje provincie Wes-Vlaandere, arrondissemint Brugge, oongeveer centraol in de provincie. De stad is 45,23 km² groet en had op 1 januari 2010 19.885 inwoeners.

Geografie

Deilgemeintes

Torhout heet gein deilgemeintes, meh heet wel e paar kleinder dörper binne zien grenze.

I. Torhout
- II. Wijnendale
- V. Don Bosco

Aongrenzende (deil)gemeintes

a. Aartrijke (gemeinte Zedelgem)
b. Veldegem (gemeinte Zedelgem)
c. Ruddervoorde mèt de wiek Baliebrugge (gemeinte Oostkamp)
d. Lichtervelde (gemeinte Lichtervelde)
e. Gits (gemeinte Hooglede)
f. Kortemark (gemeinte Kortemark)
g. Ichtegem (gemeinte Ichtegem)

Historie

In januari 2010 woorte archeologische opgraovinge gedoon oet de Romeinsen tied. Torhout weurt roond 830 veur 't iers geneump in 't heilegeleve vaan Bavo, wat nog twie iewe ieder späölt. In de vreug middeliewe waor 't de hoofplaots vaan 'ne Frankische pagus, dee evels later oonder de pagus vaan Brugge zouw goon valle. 't Góng bij 't Brugs Vrije hure. Vaanaof d'n èlfden iew had de plaots 'n jaormerret. Tot echte stad oontwikkelde ziech de plaots evels neet. De stadsrechte kraog Torhout pas in 1825 vaan keuning Wöllem I.

Bezeensweerdeghede

't Aonziech vaan Torhout heet te lije gehad vaan d'n Twiede Wereldoorlog. Daobij raakde de twelfden-iewse, romaanse Sint-Pieters-Bandekèrk (foto) zwoer versjendeleerd; de kèrk woort nao d'n oorlog heropgebouwd. 'n Aander aajd gebouw is 't raodhoes oet 1713, in barokstijl.