Beernem

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Beernem in Wes-Vlaandere.

Beernem mèt deilgemeintes en aongrenzende (deil)gemeintes (zuug de hoofteks veur 'n verklaoring).

Neogotische Amanduskèrk in Beernem.

Beernem (Wes-Vlaams Beirnem) is 'n gemeinte in de Belzje provincie Wes-Vlaandere, in 't arrondissemint Brugge, tege de grens mèt Oos-Vlaandere aon. De gemeinte heet 'n oppervlak vaan 71,68 km² en had op 1 januari 2008 14.806 inwoeners. Sjötspetroen vaan de gemeinte is Sint-Amandus.

Geografie

Deilgemeintes

Beernem heet drei deilgemeintes. Binne de deilgemeinte Oedelem ligk daobij nog 'ne veerde kern. Beernem zelf heet 'n oppervlak vaan 27,91 km² en had in 2006 7.051 inwoeners.

• I. Beernem
• II. Oedelem
  • IV. Oostveld
• III. Sint-Joris

Aongrenzende (deil)gemeintes

a. Ruiselede (gemeinte Ruiselede) b. Wingene, kèrkdörp Wildenburg (gemeinte Wingene) c. Hertsberge (gemeinte Oostkamp) d. Oostkamp, kèrkdörp Moerbrugge (gemeinte Oostkamp) e. Assebroek (stad Brugge)

f. Sint-Kruis (stad Brugge) g. Sijsele (stad Damme) h. Maldegem (gemeinte Maldegem) i. Knesselare (gemeinte Knesselare) j. Aalter, kèrkdörp Maria-Aalter (gemeinte Aalter)

Ligking

Door Beernem struimp 't kenaal Gent-Brugge.

Functies

In Beernem steit de bekinde psychiatrische inriechting Sint-Amandus.

Historie

Beernem weurt al geneump in 'n akte vaan 847, es Bernehem. De naom liet ziech aofleie vaan 't Aajdgermaans birnu ('beer') en hamma ('oetham', in dit geval 'n landtóng in e moeras). Doezende jaore laank waor 't e geïsoleerd ermelek gebeed vaan moeras, hei en bos. Feodaol gezeen bestoont 't oet 'n lappedeke vaan hierlekhede, die allemaol oonder 't Vrije vaan Brugge vele. De bewoening laog veural noordelek vaan 't kenaal. Zuielek laog 't weus en oonvröchbaar Bulskampveld, wat ziech toen oetstrèkde vaan Torhout tot Bellem. Op 't ind vaan d'n achtienden iew woort dit oonvröchbaar veld oontgonne. De rös en de natuur dao trokke de aondach vaan rieke edele. Hun kestiele ligke dao noe nog good versjole. In 1977 kaome Oedelem en Sint-Joris es deilgemeintes bij Beernem.

Extern links

• Website vaan de gemeinte