Oudenburg

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

X mèt deilgemeintes en aongrenzende (deil)gemeintes (zuug de hoofteks veur 'n verklaoring).

Oudenburg (Wes-Vlaoms: Oednburg) is e stedsje in de Belzje provincie Wes-Vlaandere, arrondissemint Oostende, mèt op 1 januari 2008 8.955 inwoeners en 'n oppervlak vaan 35,38 km².

Geografie

Deilgemeintes

Oudenburg besteit oet veer deilgemeintes. Daovaan is Oudenburg zelf mèt 14,73 km² en 4.627 inwoeners (2004) wiedoet de groetste.

I. Oudenburg
II. Ettelgem
III. Roksem
IV. Westkerke

Aongrenzende (deil)gemeintes

a. Klemskerke (gemeinte De Haan)
b. Stalhille (gemeinte Jabbeke)
c. Jabbeke (gemeinte Jabbeke)
d. Zerkegem (gemeinte Jabbeke)
e. Bekegem (gemeinte Ichtegem)
f. Eernegem (gemeente Ichtegem)

g. Moere (stad Gistel)
h. Gistel (stad Gistel)
i. Snaaskerke (stad Gistel)
j. Zandvoorde (stad Oostende)
k. Bredene (gemeinte Bredene)

Stadsgeziech

In Oudenburg zien neet väöl aw gebouwe bewaord gebleve. 't Stadsgeziech weurt beheers door de neogotische Slevrouwekèrk (zuug foto). Vaan de aw Pietersabdij zien de mieste gebouwe in de Fransen tied gesloop; deile zien evels aon de Merretstraot nog te zien. In de umgeving ligk 't natuurgebeed De Hoge Dijken.

Historie

De naom Oudenburg moot lètterlek weure genome: de stad is oontstande es Romeins castellum ('n aw börg dus), wat tösse 180 en 250 woort gebojd. Wie mier Vlaamse stei bleujde in Oudenburg in de middeliewe de lake-industrie; al in 1128 woort de nui Walgrach gegraove. Oondaanks zien strategische ligking en de verbindingsweeg mèt Brugge en Aardenburg raakden 't stedsje daonao achterop bij zien concurrente, tot slot ouch bij naober Oostende (wat in de gloriedaog vaan Oudenburg mer e klei vèssersgehuch waor). Vaanaof oongeveer 1084 stoont in Oudenburg 'n benedictijnenabdij; die woort in de Fransen tied geslote en in de Nederlandsen tied neet mie geëupend. In 1977 woorte de opgeheve gemeintes Ettelgem, Roksem en Westkerke aon Oudenburg touwgeveug.