Stede Broec

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Stede Broec in Noord-Holland

Stede Broec (Westfries: Stee Broek) is 'n gemeinte en 'n historische stad in de Nederlandse provincie Noord-Holland, in Wesfriesland, mèt (1 juli 2006) 21.389 inwoeners en 'n oppervlak vaan 31,19 km² (daovaan 14,77 km² water). Strede Broec umvat de dörper Bovenkarspel, Grootebroek en Lutjebroek. De dörper in de gemeinte zien vaanaajds 't centrum vaan blómbolleteelt (in Bovenkarspel steit de bekinde Flora), meh allewijl deent Stede Broec veural es forensegemeinte.

Historie

Stede Broec waor oorsprunkelek de naom vaan 'n aontal dörper die same stadsrechte hadde (gein oongebrukelek fenomeen in Wesfriesland). Dao hoorte ouch dörper bij die boete de modern gemeinte Stede Broec ligke. Aonvenkelek waore dit allein Grootebroek en Bovenkarspel (stadsrechte in 1364), later kaome dao ouch Lutjebroek (1402), Hoogkarspel en (veur eve) Andijk bij. Dees stad bleef tot 1825 bestoon. Oetindelek woorte de gemeintes Grootebroek en Bovenkarspel in 1979 weer samegeveug oonder de naom Stede Broec.