Sociolek

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


E sociolek is e taolsysteem of taolrezjister wat weurt gebruuk door en/of geassocieerd mèt 'n bepaolde sociaol klas. Taol is dèks e middel vaan 'n gróp um ziech vaan aandere te oondersjeie en zoe 'n eige identiteit te vörme. In versjèllende Limbörgse stei vint me sociolekte; zoe is 't Mestreechs te verdeile in 't Kort Mestreechs (boveklas en hoeger middeklas) en Laank Mestreechs (veural volksklas), die ziech in oetspraok, vocabulair en in kleine maot ouch in grammair vaanein oondersjeie.

In väöl stei vint me bij de liegste klasse 't Bargoens. Bargoense wäörd kinne (of kóste) in beveurbeeld 't Laank Mestreechs gemekelek optrejje, meh soms nump 't 'n gans eige positie in, zoewie in 't Grunsjtaots-Bargoens, e Limburgs-Nederlands sociolek gesproke in Waobich.

In de Randstad is 't dialek dèks zoonder mie al e sociolek: veural de volksklas en de lieger middeklas spreke nog Amsterdams, Rotterdams, Haags etc., dewijl de boveklas en hoeger middeklas de Standaardtaol gebruke. In de allerhoegste milieus, veural in en um Den Haag, gief 't ouch nog 'n aander sociolek veur de traditioneel elite: de geaffecteerde spraok.

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sociolek&oldid=343526"