Begoons
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Begoons is 'n taolvariant die binne 'ne zekere taolvörm gesproke weurt door de volksklasse. Vaanajds waor 't Begoons de taol vaan deve en reizende verkoupers, in 't bezunder vaan de erm Joede die zoe'n functies hadde. Daorum kint 't Begoons väöl wäörd oet 't Jiddisch. Väöl Nederlandse stadsdialekte zien door 't Begoons beïnvlood, ouch de Limburgse stadsdialekte, wie 't Remunjs en 't Mestreechs. Evels is 't Amsterdams 't bekinds gewore mèt zien Begoonse wäörd.
De Greunstraot bij Waobich steit bekind um 't gebruuk vaan 't Begoons. Me heet dao 'n vereiniging opgeriech die 't Begoons in stand wèlt hawwe, Bargoensjkloeb 't Keieskwieëste. In 2002 is 't dreitaoleg (Greunstraot Begoons - Waobichs - Nederlands) beukske Tieske en Niske versjene. Jo Vek heet 'n cd oetgebrach mèt leedsjes in 't Begoons vaan de Greunstraot.
Krièmerwelsj is 'ne andere naom veur begoons.
Mestreechs Bargoens
[bewirk | brón bewèrke]- Kwante bink: bèste kerel.
- Maze: höbbe, zien
- Maas heer gromme? Heet heer kinder?
- Heer maas twie knölkes: Heer heet twie jonges
- Heer maas grannig: heer is groet.
- Maas heer gromme? Heet heer kinder?
- lau: nein
- kèn: jao
- trafakke: wèrke
- flaks: breef, papier, paspoort
- Heer trafak aon de flakse: heer wèrk bij de gemeinte.
- Heer trafak aon de flakse: heer wèrk bij de gemeinte.
- De gröppige drèjt 'ne grannige mieljes: de börgemeister heet ‘nen dikke boek.
- ‘ne prang: ‘ne boer
- roos pojje: beer drinke
- in de siep e klingske pojje; in de kaffee e dröpke drinke
- Grannigmokum: Mestreech
- 't Mosj: Belsj
- 't Fonks: Duitsland
Verzameld en oetgegeve door H.J.E. Endepols.
De mieste Begoonse wäörd weure allewijl nog mer wieneg gebruuk.