Grammair

Van Wikipedia
Gank nao: navigatie, zeuke

Dit artikel is gesjreve in 't Mestreechs. 't Weurt gewaardeerd óm in dit artikel 't Mestreechs aan te hauwe of aan te gaeve welk anger dialek gebroek is.


Grammatica, grammaire of grammair (vaan 't Griekse γράμματον, "letter") is 't theoretisch oonderdeil vaan de taolkunde wat alles wat rechstreeks op de systematiek vaan 'n taol betrekking heet besjrief en besjtudeert.

'n Sjriftelek wirk wat dees systematiek vaan 'n taal besjrief weurt ouch waal 'n grammatica geneump. Behauve bie de sjtudie van "natuurlike taole" weure de terme grammair, syntaxis en semantiek ouch gebroek veur formeel taole en computertaole. Om de grammatica vaan 'n taol (natuurleke taol of computertaol) formeel te besjrieve zien metataole oontwikkeld.

De grammatica vèlt globaal in twie deile oetrein: de morfologie en de syntaxis. De morfologie heet betrekking op de vörmlièr vaan afzonderleke wäörd en op morfeme. De fonologie is eigelek 'n combinatie vaan de fonetiek en de grammatica, mer weurt meistal es 'n op zichzelf staonde discipline binne de taolkunde gezeen. De syntaxis heet alleriers betrekking op de opdeiling (ontleding) vaan zinne in zinsdeile, sjuus wie 't oonderwerp, direk en indirek objek en de bepaoling.

De ontleding vaan zinne weurt wijers oonderverdeild in taolkundige en redekundige ontleding. In de taolkundige ontleding weurt veural gekeke nao de woordsoort boe-tot individueel wäörd behure (sjuus wie verb of substantief). In de redekundige ontleding kiek me nao de funktie vaan ganse zinsdeile binne de zin.

Zuug ouch[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Grammair&oldid=352395"