Sinterklaos

Van Wikipedia
Gank nao: navigatie, zeuke
Wikipedia:Sjterartikel

Dit artikel is gesjreve in 't Valkebergs. 't Weurt gewaardeerd óm in dit artikel 't Valkebergs aan te hauwe of aan te gaeve welk anger dialek gebroek is.


Sinterklaos wèk drie kinger weer tot leve, sjilderie van Gerard David, ca. 1500-1510
't Ièrsjte graaf van Sinterklaos in Myra

Sinterklaos of Nicolaas van Myra, weurt es ‘ne heilige besjouwd, dae in de 4e ièw biesjop zou zin gewaes van Myra in Lycië (noe Demre in Turkije). 'n Officieel heiligverklaoring van häöm ies nörges te vinge.

‘ne Andere heilige Nicolaas van Pinara kaom ouch hie vandaan. Hae sjtorf in 564 in Lycië.

Levesloup[bewirk | brontekst bewerken]

Nicolaas woort gebore rónd 280 in Patara in Lycië en sjtorf op 6 december 343. Begrave woort hae in de nao häöm geneumde kèrk in Myra. Ziene fièsdaag en namesdaag vèlt ouch op 6 december. Tiedes 'n pelgrimage nao Egypte en 't Heilig Land verbleef Nicolaas veer jaor in Beit Jala, in de buurt van Bethlehem. Rónd 't jaor 300 volgde zien beneuming tot biesjop van Myra.

Graaf van Sinterklaos, saer 1087 in Bari


Sinterklaosfiès[bewirk | brontekst bewerken]

Sinterklaos ies ouch de naam van 't volksfiès, dat plaats vingk op 5 en 6 december in Nederland, Belsj, Noord-Frankriek, Luxemburg in 't zuje en zuud-weste van Duutsjland, in Oasteriek, de Elzas, Lotharinge, Pole, Tsjechië en Zjwitserland.

Verièring[bewirk | brontekst bewerken]

De verièring van Nicolaas begoes in Myra en in Constantinopel in de 6e ièw. Saer de 9e ièw in Roame en Italië en vanaaf de 10e in Duutsjland, Ingeland en Frankriek. In 1087 weurt zien gebeinte euvergebrach nao Bari in Zuud-Italië (in daen tied behuèrend bie Sjpanje).

Sinterklaos weurt de petroanheilige van kinger, sjeepsluuj, gevangene, bekkersj, handelaere, appetièkersj en van Amsterdam en Rusland.
In Vlaandere weurt in 1241 'n sjtad nao häöm geneump Sint-Niklaas. In Valkeberg sjteit 'n kèrk oet de 13e ièw, mèt es petroanheilige Sinterklaos en Sinte Berb (Barbara). Ander Nicolaasparochies in Limburg zint: Venlo, Meijel, Heythuysen, Broekhuizen. De Sint-Nicolaaskèrk in Mestreech ies in 1837 gesjloop.

Legendes[bewirk | brontekst bewerken]

Dao ies sjpraoke van ’n Griekse legende euver de redding van drie ónsjöldig ter doad veroordeilde sjeepvaardersj en euver drie erm maedsjes, die van Sinterklaos sjtiekem geld krege, zoadat ze koeste trouwe. ’n Ander verhaol vertèlt dat Sinterklaos drie kinger wir tot leve haet gewek, naodat zie vanwege hóngersnoad vermaord waore. Sinterklaos weurt es de heilige van de onverhoup gooj gave gezeen.
Zien attribute: Gekleid es biesjop mèt sjtaaf, mieter en biesjopsrink; ’n koep mèt drie kinger d’r in; drie böl es symbool veur de broedssjat van de drie maedsjes of ’n sjeep of anker vanwege de redding van sjeepsvaardersj.
In sómmige legendes weurt euver Sjpanje gesjreve i.p.v. Zuud-Italië en de zjwarte (Moorse) knech Zjwarte Piet kump dao dan ouch bie ter sjpraoke.

Externe link[bewirk | brontekst bewerken]

Commons-logo.svg Commons: Saint Nicholas – Media gerelateerd aan dit óngerwerp
Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Sinterklaos&oldid=349780"