Naar inhoud springen

Les Engagés

Van Wikipedia
(Doorverweze van Parti social chrétien)

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Les Engagés (letterlik: de Geëngageerde) ies 'n Franstalige politieke partie in Belsj, woa me op kin sjtumme in Wallonië en Brössel. De partie ies allewiel te kenmirke es centrumrechs en mild-conservatief. Traditioneel ies ze christendemocratisch, mer officieel identificeert ze ziech neet miè es zoadanig. Toch is zie deil van de Europese Voukspartie (EVP), de Europese politieke partie woa ouch onger anger de Vlaamse CD&V, de Nederlandse CU en CDA en de Duutsje CDU en CSU deil van oetmake. Van mei 2002 bies mièrt 2022 nom de partie häörzelf de Centre démocrate humaniste (de cdH, letterlik: Humanistisch-Democratisch Middel), woa-in 't modern humanisme centraal sjtong es ideologie. Véúr 2002 heesj zie de Parti social chrétien (PSC, letterlik: Christelik-Sociaal Partie). Dees partie haw 'n christendemocratisch signatuur.

Bies 2001 vörmde ze same mèt de Vlaamse Christendemocrate de Christelike Voukspartie. Daonao ginge de Vlaamse partiegenote door es Christen-Democratisch en Vlaams (CD&V). Saer dat moment zint de Waalse en Franco-Brösselse partiegenote ummer miè gaon aafdrieve van de Christendemocratie, wiel de Vlaamse centriste dao aan vas zin blieve hawwe. Mèt de partiehervörming en 't nuuj manifes in mièrt 2022, onger de partieveurzitter Maxime Prévot, zint Les Engagés nog miè es vanteveure gaon wegdrieve van de christendemocratische grondsjlaag en ies de partie ziechzelf zelfs in zekere mate progressief gaon neume, mèt name wat betröf ecologisme en 't milieu.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Les_Engagés&oldid=457326"