Parksjtad Limburg

Van Wikipedia
(Doorverweze van Parkstad Limburg)
Naar navigatie springen Naar zoeken springen

Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.


Parksjtad Limburg ies e samewèrkingsverband van de Zuud-Limburgse gemeintes Heerle, Kèrkrao, Landgraaf, Brunsem, Voelender, Sumpelveld en Ónderbenk. Bies 1 mièrt 2003 huèrde ouch de gemeinte Nut bie de Parksjtad. De gemeinteraod van Nut koes ziech neet vinge in de zoagenaamde "Gemeinsjappelike reigeling", woa-in de samewèrking formeel ies vasgelag.

De Parksjtadgemeintes wèrke same op versjillende gebejer, bieveurbeeld infrastructuur, arbeidsmert, woningboew, bedriefsterreine, vitalisering van 't platteland en maatsjappelike opvank. Ouch houp me door same te wèrke miè invlood te kriege bie de Nederlandse regering en binne Europa.

De veurluiper van de Parksjtad Limburg waor 't Sjtreekgewes Oastelik Zuud-Limburg.

't Parksjtad Limburg Stadion, woa Roda JC zien thoeswedsjtriede sjpeelt, ies geneump nao de Parksjtad.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Parksjtad_Limburg&oldid=431076"