Olympische Winterspeule 2018

Van Wikipedia
Naar navigatie springen Naar zoeken springen

Dit artikel is begós in 't Mestreechs. Laes hie wie v'r mit de versjillende saorte Limburgs ómgaon.


Logo vaan de Winterspeule vaan 2018.

De Olympische Winterspeule vaan 2018 woorte vaan 9 tot en mèt 25 fibberwarie dat jaor gehawwe in de Zuid-Koreaanse gemeinte Pyeongchang, in 't bergechteg noorde vaan 't land. De stad kraog de Speule in 2011 touwbedeild en versloog in de stumming concurrente Annecy en München. 2.925 atlete naome deil in 102 eveneminte verdeild euver 15 disciplines in 7 sporte. Zuid-Korea organiseerde eine kier ieder de Olympische Zomerspeule (Seoul, 1988).

Verkezing[bewirk | brón bewèrke]

Tösse 31 juli en 15 oktober kóste geïntrèsseerde NOC's hun bod veur de Winterspeule vaan 2018 indene. Oetindelek tuinde 't betrèkkelek klein aontal vaan drei stei intrèsse. 't Duits comité veerdegde München aof, Fraankriek kaom mèt Annecy. Zoewel München es Annecy zouw gebruuk make vaan locaties die ieder bij de Winterspeule zien gebruuk (Garmisch-Partenkirchen veur München en Chamonix veur Annecy; hei woorte in respectievelek 1936 en 1924 de Speule gehawwe). Ouch 't bod vaan Pyeongchang rekende mèt väöl bestoonde locaties, zij 't tot in Zuid-Korea noets ieder Olympische Winterspeule zien gewees. De Koreaanse stad had twie kier ieder mètgedoon um de Winterspeule, veur 2010 en veur 2014.

Wijer waore in München de Olympische Zomerspeule al ins gewees (1972); waor 't bod geaccepteerd, daan zouw München de ierste stad zien die zoewel Zomer- en Winterspeule georganiseerd heet. Oetindelek góng die ier nao Peking, wat de Winterspeule vaan 2022 binnehaolde.

Alle drei de applicaties woorte es kandidaote geaccepteerd, al had de organisatie op 't bod veur Annecy gans get aon te merke. Daobij oondersteunde de bevolking vaan die stad de kandidatuur ouch neet vaan harte. Annecy waor daorum al gooddeils aofgesjreve wie op 't congrès vaan 6 juli 2011 gestump woort euver de Speule. Oetindelek waor de stumming in ein runde veerdeg: Pyeonchang kraog mèt 63 stumme 'n absolute mierderheid, dewijl München 25 stumme kraog en Annecy 7.

Accomodaties[bewirk | brón bewèrke]

Keertsje vaan de veer gebruukde locaties.

De Speule goon gebruuk make vaan diverse bestoonde stadions en baone (al daan neet oetgebouwd); daoneve weurt 'n aontal nuigebouwd. Zjus wie bij de Zomerspeule in Rio weure sommege accomodaties nao de Speule weer oontmanteld, um koste en ruimde te spaore. De accomodaties beperke ziech neet tot ein plaots, meh zien euver versjèllende plaotse verspreid. 't Mierendeil staot in 't Alpensia-sportpark of aon de kös in Gangneung; twie faciliteite valle daoboete.

't Alpensia-sportpark is betrèkkelek nui; me begós in de jaore negenteg op dees locatie te bouwe en pas in de jaore nul woort 't park gestiech. Väöl accomodaties woorte al gebouwd in d'n hoop hei oets de Speule te hawwe (zuug bove) en hadde daorum gein wezeleke aonpassinge nujeg.

Accomodatie Capaciteit Sporte Locatie Bouwstatus Opmerkinge
Alpensia-biatloncentrum ? biatlon Alpensia bestoond
Alpensia-langlaufcentrum ? langlaufe, Noordse combinatie Alpensia bestoond
Alpensia-Skispringcentrum 11.000 sjansspringe, Noordse combinatie, snowboarde Alpensia bestoond Hej oersprunkelek alle snie-disciplines mote hoesvèste.
Alpensia-slebrik 7.000 bobsleeë, rodele, skeleton Alpensia nuigebouwd
Bokwang Phoenix Park ? vrijestielskië, snowboarde Bongpyeong-myeon ?
Gangneung-curlingcentrum 3.500 curling Gangneung bestoond
Gangneung-iesarena 16.000 kunssjaatse, shorttrack Gangneung nuigebouwd
Gangneung-ieshockeycentrum 10.000 ieshockey (manslui) Gangneung nuigebouwd
Gangneung Oval 8.000 langebaonsjaatse Gangneung nuigebouwd
Jeongseon-alpinecentrum 6.000 Alpineskië (aofdaling, super-G, combinatie) Bukpyeong nuigebouwd
Kwandong-ieshockeycentrum 6.000 ieshockey (vrouwlui) Gangneung nuigebouwd Gebouwd op de campus vaan de Kathelieke Universiteit vaan Kwandong; nao de Speule ouch veur aander wintersporte te gebruke.
Olympisch stadion 50.000 ceremonies Alpensia tijelek
Yongpyong-alpinecentrum ? Alpineskië (slalom, reuzeslalom) Alpensia bestoond

Eveneminte[bewirk | brón bewèrke]

In juni 2015 woort beslote veer nui oonderdeile op te numme: de massastart bij 't langebaonsjaatse, 't gemingk dóbbel in 't curling, de big air bij 't snowboarde en 't Alpineskië veur landeteams. De parallelslalom woort aofgesjaf. De hei-oonder gebruukde indeiling in 7 sporte en 15 displines is deginnege die 't IOC gebruuk.

Biatlon[bewirk | brón bewèrke]

De biatloneveneminte vinde tösse 10 en 23 fibberwarie plaots. 't Gief neet minder es èlf oonderdeile. Straofrundes weure mèt "str." aongegeve.

7,5 km sprint vrouwlui

Dit woort op 10 fibberwarie gedoon.

Pos. Atleet Tied Str.
1. Laura Dahlmeier (GER) 21:06,2 0
2. Marte Olsbu (NOR) 21:30,4 1
3. Veronika Vítková (CZE) 21:32,0 1
10 km sprint manslui
Pos. Atleet Tied Str.
1. Arnd Pfeiffer (GER) 23:38,8 0
2. Michal Krčmář (CZE) 23:43,2 0
3. Dominik Windisch (ITA) 23:46,5 1
10 km achtervolging vrouwlui

Allebei de achtervolgingsoonderdeile waore op 12 fibberwarie.

Pos. Atleet Tied Str.
1. Laura Dahlmeier (GER) 30:35,3 1
2. Anastasia Kuzmina (SVK) 31:04,7 4
3. Anaïs Bescond (FRA) 31:04,9 1
12,5 km achtervolging manslui
Pos. Atleet Tied Str.
1. Martin Fourcade (FRA) 32:51,7 1
2. Sebastian Samuelsson (SWE) 33:03,7 1
3. Benedikt Doll (GER) 33:06,8 1
15 km individueel vrouwlui

Gedoon op 15 fibberwarie. Ouch hei waor de Duitse Laura Dahlmeier favoriet, meh door 'ne misser (wat op dit oonderdeil otomatisch ein menuut straoftied beteikent) mós ze de ierste plaots aon de jóng Zweedse Hanna Öberg laote.

Pos. Atleet Tied Str.
1. Hanna Öberg (SWE) 41:07,2 0
2. Anastasija Koezmina (SVK) 41:39,9 2
3. Laura Dahlmeier (GER) 41:48,4 1
20 km individueel manslui

Ouch op 15 fibberwarie gedoon. Oondaanks twie missers bij 't sjete pakde de Noor Johannes Thingnes Bø 't goud.

Pos. Atleet Tied Str.
1. Johannes Thingnes Bø (NOR) 48:03,8 2
2. Jakov Fak (SLO) 48:09,3 0
3. Dominik Landertinger (AUT) 48:18,0 0
12,5 km massastart vrouwlui

Op 17 fibberwarie gedoon. Hei stèlde Laura Dahlmeier, good veur twie keer goud en eine kier broons, zwoer te leur: ze woort zèstiende.

Pos. Atleet Tied Str.
1. Anastasija Koezmina (SVK) 35:23,0 1
2. Darja Domratsjeva (BLR) 35:41,8 1
3. Tiril Eckhoff (NOR) 35:50,7 2
15 km massastart manslui

18 fibberwarie. Indegde in 'ne bij de biatlon oongebrukeleke fotofinish.

Pos. Atleet Tied Str.
1. Martin Fourcade (FRA) 35:47,3 2
2. Simon Schempp (GER) 35:47,3 1
3. Emil Hegle Svendsen (NOR) 35:58,5 2
Estafèt manslui

Gehawwe op 23 fibberwarie.

Pos. Land Tied Str.
1. Zwede 1:15:16,5 7
2. Noorwege 1:16:12,0 13
3. Duitsland 1:17:23,6 13
Estafèt vrouwlui

Gehawwe op 22 fibberwarie. In 'ne wèdloup mèt väöl snie en wind, boe-in favoriete diverse sjote misde, waor 't veural de langlaufende snelheid vaan de Wit-Russin Darja Domratsjeva die d'n doorslaag gaof. Ouch Zwede daankde zien zèlvere medaje aon 'nen inhaolrace vaan zien slopluipster, de kampioen individueel Hanna Öberg.

Pos. Land Tied Str.
1. Wit-Rusland 1:12:03,4 9
2. Zwede 1:12:14,1 12
3. Fraankriek 1:12:24,0 14
Gemingde estafèt

Gehawwe op 20 fibberwarie.

Pos. Land Tied Str.
1. Fraankriek 1:08:34,3 4
2. Noorwege 1:08:55,2 12
3. Italië 1:09:01,2 7

Bobsleeë[bewirk | brón bewèrke]

D'n Olympische sport bobsleeë umvat zoewel 't eigelek bobsleeë es 't skeleton (meh neet rodele).

Bobslee (eigelek)[bewirk | brón bewèrke]

't Gief drei medaje-eveneminte, ederskier mèt d'n dag deveur series.

Manslui dobbel

De ierste twie runs waore op 18 fibberwarie, de lèste twie op de 19en. D'n indoetslaag waor oetzunderlek: 't Canadees en 't Duits team indegde tot op de doezendste geliek en móste de gouwe medaje deile. 't Zèlver woort neet oetgereik.

Pos. Atlete Land Tied
1. Justin Kripps
Alexander Kopacz
CAN 3:16,86
Francesco Friedrich
Thorsten Margis
GER
3. Oskars Melbārdis
Jānis Strenga
LAT 3:16,91
Vrouwlui dobbel

Veer runs, verdeild euver 20 en 21 fibberwarie.

Pos. Atlete Land Tied
1. Mariama Jamanka
Lisa Buckwitz
GER 3:22,45
2. Elana Meyers Taylor
Lauren Gibbs
USA 3:22,52
3. Kaillie Humphries
Phylicia George
CAN 3:22,89
Veermaansbob

Veer runs, verdeild euver 24 en 25 fibberwarie. De Duitse teams waore hei oppermechteg. N.B.: De teams zien verneump nao hunne piloot.

Pos. Team Land Tied
1. Team Friedrich (GER) 3:15,85
2. Team Walther (GER) 3:16,38
3. Team Won (KOR) 3:16,38

Skeleton[bewirk | brón bewèrke]

Dit weurt tösse 15 en 17 fibberwarie gedoon. Zoewel bij de manslui es bij de vrouwlui gief 't veer runs, die euver twie daog zien verspreid.

Manslui individueel

Runs op 15 en 16 fibberwarie.

Pos. Atleet Tied Str.
1. Yun Sung-bin (KOR) 3:20,55
2. Nikita Tregoebov (OAR) 3:22,18
3. Dominic Parson (GBR) 3:22,20
Vrouwlui individueel

Runs op 16 en 17 fibberwarie.

Pos. Atleet Tied Str.
1. Lizzy Yarnold (GBR) 3:27,28
2. Jacqueline Lölling (GER) 3:27,73
3. Laura Deas (GBR) 3:27,90

Curling[bewirk | brón bewèrke]

Door de touwveuging vaan 't gemingk dobbel valle hei noe drei kier medajes te pakke. De series beginne al op 8 fibberwarie (dus veur de officieel opening), de lèste finaal is pas op sletingsdaag (25 fibberwarie).

Manslui

Vaan 14 tot en mèt 24 fibberwarie. Verrassing waor de oetsjakeling vaan Canada, wat zelfs gein medaje haolde.

Pos. Land
1. Vereinegde Staote
2. Zwede
3. Zwitserland
Vrouwlui

Vaan 14 tot en mèt 25 fibberwarie. Ouch hei haolde Canada de finaal neet. Groetste verrassing waore de Zuid-Koreaanse vrouwlui. E paar jaor ieder waor curling nog zoe good wie oonbekind in 't land, meh noe wis 't team stunt op stunt te lègke. De sport woort heidoor oonder Koreaone enorm populair.

Pos. Land
1. Zwede
2. Zuid-Korea
3. Japan
Gemingk dobbel

Dit toernooi leep vaan 8 tot en mèt 13 fibberwarie. De Olympische atlete vaan Rusland haolde de broonze medaje, meh die woort ingetrokke wie curler Aleksandr Kroesjelnitski op dopaasj woort betrap.

Pos. Land
1. Canada
2. Zwitserland
3. Noorwege

Ieshockey[bewirk | brón bewèrke]

Hoofartikel: Ieshockey op de Olympische Winterspeule 2018

't Gief e maander- en e vrouwetoernooj. De poulewèdstrije beginne op 10 fibberwarie, de hierefinaal is op de 25e en is gemeind es sportief slotstök vaan de Speule.

Manslui

In tegestèlling tot veurgoonde Speule kraoge de speulers vaan de National Hockey League (NHL) gei vrij. Dit beteikende 'n zwoer vererming vaan 't Olympisch hieretoernooj en e groet veurdeil veur 't Russisch Olympisch team, wat noe es topfavoriet gol. De manslui begóste hun toernooi, boe-aon twelf len mètdege, op 14 fibberwarie. De finaal waor op de 25e. Nao 'ne slechte start won 't Russisch team inderdaad goud: in de finaal woort mer zjus gewonne vaan Duitsland, de groete sensatie vaan dit evenemint. Duitsland had oonderweeg oonder mie favoriete Zwede en Canada opzij gezat.

Pos. Land
1. Russisch Olympisch team
2. Duitsland
3. Canada
Vrouwlui

De vrouwlui späölde vaan 10 tot en mèt 22 fibberwarie. Ach teams doorlepe iers 'n poulefaas en daonao e knock-outsysteem. De Vereinegde Staote haolde veur 't iers in twinteg jaor 't goud.

Pos. Land
1. Vereinegde Staote
2. Canada
3. Finland

Rodele[bewirk | brón bewèrke]

't Rodele, boe veer medajes te verdiene zien, löp vaan 10 tot en mèt 15 fibberwarie.

Maanslui inkel

De wèdkaamp veur manslui inkel woort in veer runs gedoon, verdeild euver 10 en 11 fibberwarie. Topfavoriet waor de Pruus Felix Loch, deen inderdaod op weeg leek nao zie veerde Olympisch goud meh ziene lèste run vergoejde.

Pos. Atleet Tied
1. David Gleirscher (AUT) 3:10,702
2. Chris Mazdzer (USA) 3:10,728
3. Johannes Ludwig (GER) 3:10,932
Vrouwlui inkel

Bij de vrouwlui maakde de Duitse hun favorieterol wel woer. Ouch hei waore veer runs, noe verdeild euver 12 en 13 fibberwarie.

Pos. Atleet Tied
1. Natalie Geisenberger (GER) 3:05,232
2. Dajana Eitberger (GER) 3:05,599
3. Alex Gough (CAN) 3:05,644
Manslui dobbel

Hei woorte mer twie runs gesleed, allebei op 14 fibberwarie.

Pos. Atlete Land Tied
1. Tobias Wendl
Tobias Arlt
GER 1:31,697
2. Peter Panz
Georg Fischler
AUT 1:31,785
3. Toni Eggert
Sacha Benecken
GER 1:31,987
Teamestafèt

Gedoon op 15 fibbderwarie.

Pos. Land Tied
1. Duitsland 2:24,517
2. Canada 2:24,872
3. Oosteriek 2:24,988

Sjaatse[bewirk | brón bewèrke]

Langebaonsjaatse[bewirk | brón bewèrke]

Hei gief 't 14 oonderdeile: de 500 meter, de 1.000 meter, de 1.500 meter, de 5.000 (manslui) daan wel 3.000 (vrouwlui) meter, de 10.000 (manslui) daan wel 5.000 meter (vrouwlui), de ploogachtervolging en de massastart. 't Lèste oonderdeil is wie gezag nui op de Speule, al is 't in 1932 wel einmaoleg gedoon bij de Speule vaan Lake Placid. De oonderdeile weure tösse 10 en 24 fiberwarie aofgewerk, ummer op einen daag.

500 meter manslui

Dit woort gehawwe op 19 fibberwarie. De twie groete favoriete, de Russe Denis Joeskov en Pavel Koelizjnikov, woort koort veur de Speule d'n touwgaank oontzag. Zij waore neet op dopaasj betrap meh 't IOC twiefelde toch te väöl euver ze. Heidoor laog 't veld ruim ope. Oetindelek góng 't goud verrassend nao de Noor Håvard Holmefjord Lorentzen. De Nore zien op de sprintaofstan traditioneel neet sterk, en 't waor vaan 1948 geleie tot nog ins 'ne Noor goud had gepak op de Olympische 500. De Nederlandse atlete vele tege; dit kaom oonder aandere door 'ne val dee Jan Smeekens einen daag vaan teväöre had gemaak.

Pos. Atleet Tied
1. Håvard Holmefjord Lorentzen (NOR) 34,41 (OR)
2. Cha Min-kyu (KOR) 34,42
3. Gao Tingyu (CHI) 34,65
500 meter vrouwlui

Gedoon op 18 fibberwarie. Winnares waor de Japanse Nao Kodaira, die ouch de doezend meter had gewonne. 'n Aander favoriet waor de Zuid-Koreaanse Sang-hwa Lee, die es twiede indegde.

Pos. Atleet Tied
1. Nao Kodaira (JAP) 36,94 (OR)
2. Sang-hwa Lee (KOR) 37,33
3. Karolína Erbanová (CZE) 37,34
1000 meter manslui

Gedoon op 23 fibberwarie. Wie bij de 500 meter manslui laog 't veld hei ope, mèt e groet aontal favoriete. Bèste waor oetindelek de Nederlander Kjeld Nuis, dee ouch al de 1.500 meter had gewonne. Heer waor pas d'n ierste sjaatser dee allebei pak sinds Eric Haiden in 1980. De Noor Håvard Holmefjord Lorentzen, winner vaan de 500 meter, woort op korten aofstand twiede.

Pos. Atleet Tied
1. Kjeld Nuis (NED) 1:07,95
2. Håvard Holmefjord Lorentzen (NOR) 1:07,99
3. Kim Tae-yun (KOR) 1:08,22
1000 meter vrouwlui

De kilometer bij de vrouwlui veel op 14 fibberwarie. Aanders es op väöl aander oonderdeile waor d'n topfavoriet gein Nederlandse meh 'n Japanse. Nao Kodaira, die dat sezoen alle 1000 meters had gewonne, kaom evels mer tot de twiede plaots.

Pos. Atleet Tied
1. Jorien ter Mors (NED) 1:13,56 (OR)
2. Nao Kodaira (JAP) 1:13,82
3. Miko Tagaki (JAP) 1:13,98
1500 meter manslui

De kampioen vaan 2014, de Pool Zbigniew Bródka, en d'n topfavoriet Koen Verweij (dee in 2014 nog zèlver pakde) vele sterk tege. In hun plaots woort Kjeld Nuis, dee twie kier ieder de Speule had gemis, kampioen. Ouch Patrick Roest, dee de twiede plaots behaolde, veel in positieve zin op. Bèste Belsj waor Bart Swings, dee zèsde woort - heer waor geine specialis in de 1.500 meter en vaan häöm woort zeker gein groeter prestatie verwach.

Pos. Atleet Tied
1. Kjeld Nuis (NED) 1:44,01
2. Patrick Roest (NED) 1:44,86
3. Kim Min-seok (KOR) 1:44,93
1500 meter vrouwlui

Hei waore gans get favoriete. Wie ummer woorte de Nederlandse vrouwlui hoeg ingesjat; ouch de Japanse Miho Takagi en de Amerikaanse Heather Bergsma waore evels serjeus kanshöbsters. Titelhawwer Jorien ter Mors deeg neet mèt; ze concentreerde ziech in plaots daovaan op häör shorttracktoernooj. Oetindelek won de Nederlandse Ireen Wüst, die daomèt es ierste Nederlandsen Olympiër vief gouwe medajele haolde.

Pos. Atleet Tied
1. Ireen Wüst (NED) 1:54,35
2. Miho Takagi (JAP) 1:54,55
3. Marrit Leenstra (NED) 1:55,26
3000 meter vrouwlui

Dezen aofstand woort op d'n ierste reguliere wèdstrijddaag gesjaats (10 fibberwarie). Topfavoriet waor Ireen Wüst oet Nederland, die op de drei kilometer al drei veurgoonde Speule goud had gepak. Zij woort oonverwach door häöre landgenoet Carlijn Achtereekte verslage. Ouch de daarde plaots waor Nederlands.

Pos. Atleet Tied
1. Carlijn Achtereekte (NED) 3:59,21
2. Ireen Wüst (NED) 3:59,29
3. Antoinette de Jong (NED) 4:00,02
5000 meter manslui

Dit woort op 11 fibberwarie gedoon. Ouch op dezen aofstand waor 'ne Nederlandse veteraon topfavoriet: Sven Kramer. Häöm lökden 't wel dees rol woer te make. De veurnaomsten outsider, de Nederlandse Canadees Ted-Jan Bloemen, woort twiede, 'n fractie veur Sverre Lunde Pedersen, d'n ierste Noor mèt 'n Olymnpische sjaatsmedaje sinds 2002. De Belsj Bart Swings en de aander Nederlanders kaome neet draon te pas.

Pos. Atleet Tied
1. Sven Kramer (NED) 6:09,76
2. Ted-Jan Bloemen (CAN) 6:11,616
3. Sverre Lunde Pedersen (NOR) 6:11,618
5000 meter

De 5000 meter veur de vrouwlui waor op 16 fibberwarie. Favoriet waor wie sinds jaore de Tsjechische Martina Sáblíková, meh umtot die neet good in vörm waor heel me irnsteg rekening mèt outsiders. Winner woort de Nederlandse Esmee Visser, die mèt minimaol veurbereiinge de Speule had gehaold en nog noets tege de groete kanshöbbers had gesjaats. 'n Aander Nederlandse, Annouk van der Weijden, veel zjus neven 't podium. Ouch 'n Belzjin deeg mèt: Jelena Peeters woort tiende.

Pos. Atleet Tied
1. Esmee Visser (NED) 6:50,23
2. Martina Sáblíková (CZE) 6:51,85
3. Natalja Voronina (OAR) 6:53,98
10000 meter manslui

Op dit oonderdeil, wat op 15 fibberwarie woort gehawwe, waore de Nederlanders favoriet. 't Waor evels de belaankrieksten oetdager, de Nederlandse Canadees Ted-Jan Bloemen, dee goud haolde. D'n titelhawwer, Jorrit Bergsma, pakde zèlver. Sven Kramer, dee hiel gere zjus dezen aofstand hej wèlle winne, veel tege en leek oet vörm. Ouch de Belsj Bart Swings presteerde oonder zie bèste niveau.

Pos. Atleet Tied
1. Ted-Jan Bloemen (CAN) 12:39,77 (OR)
2. Jorrit Bergsman (NED) 12:41,98
3. Nicola Tumolero (ITA) 12:54,32
Massastart manslui

Gedoon op 24 fibberwarie, zoewel de haaf finales es de finaal. Bezunderheid waor de zèlvere medaje vaan Bart Swings, de ierste Belzje medaje op de Winterspeule sinds 1998.

Pos. Atleet Punte Tied
1. Lee Seung-hoon (KOR) 60 7:43,97
2. Bart Swings (BEL) 40 7:44,09
3. Koen Verweij (NED) 20 7:44,24
Massastart vrouwlui

Ouch gedoon op 24 fibberwarie, zoewel de haaf finales es de finaal.

Pos. Atleet Punte Tied
1. Nana Takagi (JAP) 60 8:32,87
2. Kim Bo-reum (KOR) 40 8:32,99
3. Irene Schouten (NED) 20 8:33,02
Plogeachtervolging manslui

Gedoon op 21 fibberwarie, mèt veurrundes op 18 fibberwarie.

Pos. Land Tied
1. Noorwege 3:37,32
2. Zuid-Korea 3:38,52
3. Nederland 3:38,40

N.B.: Umtot de medajes volges e knock-outsysteem weure verdeild, kin 't broonze team 'ne beteren tied höbbe es wat 't zèlvere of zelfs gouwe team in de finaal presteerde. Dat is 't geval bij Nederland, wat snelder waor es Zuid-Korea.

Plogeachtervolging vrouwlui

Gedoon op 21 fibberwarie, mèt veurrundes op de 19en.

Pos. Land Tied
1. Japan 2:53,89 (OR)
2. Nederland 2:55,48
3. Vereinegde Staote 2:59,27

Shorttrack[bewirk | brón bewèrke]

Bij deze sport, dee in Zuid-Korea hendeg populair is, gief 't ach oonderdeile, verspreid euver vief daog tösse 10 en 22 fibberwarie.

500 meter manslui

22 fibberwarie

Pos. Atleet Tied
1. Wu Dajing (CHI) 39,584 (WR)
2. Hwang Dae-heon (KOR) 39,854
3. Lim Hyo-jun (KOR) 39,919
500 meter vrouwlui

Gesjaats op 13 fibberwarie. Kampioen woort de Italiaanse Arianna Fontana. De Nederlandse Yara van Kerkhof had 'ne gelökkegen daag en pakde oetzunderlek 't zèlver. Ein vaan de groete favoriete, de Zuid-Koreaanse Choi Min-jeong, woort in de finaal gediskwalificeerd.

Pos. Atleet Tied
1. Arianna Fontana (ITA) 42,569
2. Yara van Kerkhof (NED) 43,256
3. Kim Boutin (CAN) 43,881
1000 meter manslui

Gedoon op 17 fibberwarie. Eine vaan de kanshöbbers, de Nederlander Sjinkie Knegt, woort in de kwartfinaal gediskwalificeerd.

Pos. Atleet Tied
1. Samuel Girard (CAN) 1:24,650
2. John-Henry Krueger (USA) 1:24,864
3. Seo Yi-ra (KOR) 1:31,619
1000 meter vrouwlui

Gesjaats op 22 fibberwarie. Gans oonverwach haolde de Nederlandse Suzanne Schulting hei goud. Dit waor pas 't ierste Olympisch shorttrackgoud veur Nederland, en de daarde gouwe Olympische medaje boete 't langebaonsjaatse.

Pos. Atleet Tied
1. Suzanne Schulting (NED) 1:29,778
2. Kim Boutin (CAN) 1:29,956
3. Arianna Fontana (ITA) 1:30,656
1500 meter manslui

10 fibberwarie

Pos. Atleet Tied
1. Lim Hyo-jun (KOR) 2:10,485
2. Sjinkie Knegt (NED) 2:10,555
3. Semjon Elistratov (OAR) 2:10,687
1500 meter vrouwlui

17 fibberwarie

Pos. Atleet Tied
1. Choi Min-jeong (KOR) 2:24,948
2. Li Jinyu (CHI) 2:25,703
3. Kim Boutin (CAN) 2:25,834
Estafèt manslui

De veurrundes waore op 13 fibberwarie. Verrassend góng Nederland hei, nao 'n diskwalificatie, neet door. De finaal op 22 fibberwarie waor nog väöl verrassender: de Hongaarse euverwinning lieverde dit land zien ierste Olympisch wintergoud op.

Pos. Land Tied
1. Hongarije 6:31,971 (OR)
2. China 6:32,035
3. Canada 6:32,282
Estafèt vrouwlui

De haaf finales waoren al op 10 fibberwarie, meh op d'n twintegste woorte de finales verrijd. 't Nederlands team waor oetgesjakeld veur de A-finaal, meh umtot dao twie teams woorte gediskwalificeerd en ze de B-finaal wonne, pakden 't toch nog broons. Dit gebäörde zelfs in 'ne wereldrecordtied. 'n Wijer bezunderheid waor tot Jorien ter Mors, ieder al winneres vaan de 1500 meter langebaonsjaatse, mèt dit broons noe medajes in twie versjèllende sporte op dezelfde Speule had gehaold.

Pos. Land Tied
A-finaal
1. Zuid-Korea 4:07,361
2. Italië 4:15,901
B-finaal
3. Nederland 4:03,471 (WR)

Kunssjaatse[bewirk | brón bewèrke]

Hei gief 't vief oonderdeile, iesdanse inbegrepe. De eveneminte, boebij me väöl pebliek verwach, loupe vaan 9 tot en mèt 23 fibberwarie, plus op de slotdag (de 25e) nog e demonstratiegala.

Manslui

Bestoont oet twie oonderdeile: de korte kür (gedoon op 16 fibberwarie) en de vrije kür (einen daag later). Op de korte kür waor de Japanner Yuzuru Hanyu wiedoet de sterkste. Bij de vrije kür maakde d'n Amerikaon Jackie Chan de miesten indrök, meh umtot heer 'ne mindere korte kür had gesjaats, waor 't toch Hanyu dee 't goud pakde.

Pos. Sjaatser Kort Vrij Totaol
1. Yuzuru Hanyu (JAP) 111,68 206,17 317,75
2. Shoma Uno (JAP) 104,17 202,73 306,90
3. Javier Hernández (ESP) 107,58 197,66 305,24
Vrouwlui

De korte kür waor op 21 fibberwarie, de vrije kür op 23 fibberwarie. Jevgenija Medvedeva oet Rusland verbeterde op de korte kür 't wereldpunterecord, meh häör landgenoet Alina Zagitova góng dao nog euverheen. Op de vrije kür haolde ze ex aequo de hoegste score, zoetot 't goud nao Zagitova góng.

Pos. Sjaatsster Kort Vrij Totaol
1. Alina Zagitova (OAR) 82,92 (WR) 156,65 239,57
2. Jevgenija Medvedeva (OAR) 81,61 (WR) 156,65 238,26
3. Kaetlyn Osmond (CAN) 78,87 152,15 231,02
Kunsrije veur paore

Op 14 fibberwarie sjaatsde de paore 'ne korte kür. Daomèt kós me ziech kwalificere veur de finaal op 15 fibberwarie, die oet 'ne vrije kür bestoont. Oetindelek woorte de scores vaan de twie küre bijein opgetèld; 't totaol gaof d'n doorslaag.

't Duits kóppel Aljona Savchenko en Bruno Massot won, veural daankzij 'nen oetzunderlek sterke vrije kür dee wereldwied woort bewoonderd en 'n Olympisch punterecord oplieverde.

Pos. Sjaatsers Land Kort Vrij Totaol
1. Aljona Savchenko
Bruno Massot
GER 76,59 159,31 235,90
2. Sui Wenjing
Han Cong
CHN 82,39 153,08 235,37
3. Meagan Duhamel
Eric Radford
CAN 76,82 153,33 230,15
Iesdanse

Gedoon op 19 (korten dans) 20 fibberwarie (vrijen dans). 't Winnend koppel, Virtue/Moir oet Canada, behaolde e wereldpunterecord in de korten dans en in d'n indstand. De winners vaan 't zèlver, Papadakis/Cizeron oet Fraankriek, pakde e wereldpunterecord in de vrijen dans.

Pos. Sjaatsers Land Kort Vrij Totaol
1. Tessa Virtue
Scott Moir
CAN 83,67 (WR) 122,40 206,07 (WR)
2. Gabriella Papadakis
Guillaume Cizeron
FRA 81,93 123,35 (WR) 205,28
3. Maia Shibutani
Alex Shibutani
USA 77,73 114,86 192,59
Landeteams

Bestoont oet zeve oonderdeile, verdeild euver drei daog: op 9 fibberwarie de korte kür veur manslui en paore, op 11 fibberwarie de korte kür in 't iesdanse en veur vrouwlui, op 12 fibberwarie de vrije kür veur manslui, vroului en iesdanspaore.

Pos. Land Punte
1. Canada 73
2. Russisch Olympisch team 66
3. Vereinegde Staote 62

Skië[bewirk | brón bewèrke]

Alpineskieë[bewirk | brón bewèrke]

Verdeild in aofdaling, slalom, reuzeslalom, super-G en medajes veur landeteams. Èlf oonderdeile tösse 11 en 24 fibberwarie.

Aofdaoling manslui

Dit oonderdeil hej op 11 fibberwarie mote plaotsvinde, meh woort oetgestèld tot 15 fibberwarie um te väöl wind. E bitteke oonverwach waor 't goud veur de Noorse veteraon Aksel Lund Svindal.

Pos. Atleet Tied
1. Aksel Lund Svindal (NOR) 1:40,25
2. Kjetil Jansrud (NOR) 1:40,37
3. Beat Feuz (SUI) 1:40,43
Aofdaoling vrouwlui

Gedoon op 21 fibberwarie. Nao häör slechte prestatie op de super-G waor Lindsey Vonn hei gein favoriet mie. Ze haolde toch nog broons.

Pos. Atleet Tied
1. Sofia Goggia (ITA) 1:39,22
2. Ragnhild Mowinkel (NOR) 1:39,31
3. Lindsey Vonn (USA) 1:39,69
Super-G manslui

Gehawwe op 16 fibberwarie. Dit oonderdeil hej op 15 fibberwarie mote plaotsvinde, meh umtot de gewoen aofdaoling al verplaots waor, mós dit e deegske doorsjuive.

Pos. Atleet Tied
1. Matthias Mayer (AUT) 1:24,44
2. Beat Feuz (SUI) 1:24,57
3. Kjetil Jansrud (NOR) 1:24,62
Super-G vrouwlui

Dit woort gedoon op 17 fibberwarie. De wins vaan de Tsjechische Ester Ledecká waor niks aanders es 'n sensatie: zij had ziech gaaroet neet veur 't skië geplaots meh waor veur 't snowboarde gekoume. De Amerikaanse favoriet Lindsey Vonn indegde mer op de zèsde plaots. Opvallend waor wijer de Liechtensteinse medaje veur Tina Weirather.

Pos. Atleet Tied
1. Ester Ledecká (CZE) 1:21,11
2. Anna Veith (AUT) 1:21,12
3. Tina Weirahter (LIE) 1:12,22
Slalom manslui

Gehawwe op 22 fibberwarie.

Pos. Atleet Tied
1. André Myhrer (SWE) 1:38,99
2. Ramon Zenhäusern (SUI) 1:39,33
3. Michael Matt (AUT) 1:39,66
Slalom vrouwlui

Hej oersprunkelek op 14 fibberwarie mote gebäöre, um d'n helle wind oetgestèld tot 16 fibberwarie.

Pos. Atleet Tied
1. Frida Hansdotter (SWE) 1:38,63
2. Wendy Holdener (SUI) 1:38,68
3. Katharina Gallhuber (AUT) 1:38,95
Reuzeslalom manslui

Gedoon op 18 fibberwarie. Marcel Hirscher oet Oosteriek pakde zien twiede gouwe medaje.

Pos. Atleet Tied
1. Marcel Hirscher (AUT) 2:18,52
2. Henrik Kristoffersen (NOR) 2:19,31
3. Alexis Pinturault (FRA) 2:19,35
Reuzeslalom vrouwlui

Gepland op 12 fibberwarie; oetgestèld tot de 15en um helle wind.

Pos. Atleet Tied
1. Mikaela Shiffrin (USA) 2:20,02
2. Ragnhild Mowinckel (NOR) 2:20,41
3. Federica Brignone (ITA) 2:20,48
Combinatie manslui

Gedoon op 13 fibberwarie. De beslissing woort gelieverd op de slalom; de specialiste in dat oonderdeil indegde op 't podium.

Pos. Atleet Tied
1. Marcel Hirscher (AUT) 2:06,52
2. Alexis Pinturault (FRA) 2:06,75
3. Victor Muffat-Jeandet (FRA) 2:07,54
Combinatie vrouwlui

Gedoon op 22 fibberwaie. Ouch hei waor Lindsey Vonn favoriet. Zij deeg ouch de snelste aofdaling, meh kós häöre slalom neet aofmake.

Pos. Atleet Tied
1. Michelle Gisin (SUI) 2:20,90
2. Mikaela Shiffrin (USA) 2:21,87
3. Wendy Holdener (SUI) 2:22,34
Gemingk ploge-evenemint

Gedoon op 24 fibberwarie, volgens e knock-outsysteem.

Pos. Land width=100px
1. Zwitserland
2. Oosteriek
3. Noorwege

Langlaufe[bewirk | brón bewèrke]

Twelf oonderdeile, die vaan 10 tot en mèt 25 fibberwarie weure gehawwe.

Sprint individueel manslui

Gehawwe op 13 fibberwarie. De Noord Klæbo maakde zien favorieterol woer.

Pos. Atleet Tied
1. Johannes Høsflot Klæbo (NOR) 3:05,75
2. Federico Pellegrino (ITA) 3:07,09
3. Alexander Bolsjoenov (OAR) 3:07,11
Sprint individueel vrouwlui

Gehawwe op 13 fibberwarie, op dezelfden daag wie bij de manslui dus.

Pos. Atleet Tied
1. Stina Nilsson (SWE) 3:03,84
2. Maiken Caspersen Falla (NOR) 3:06,87
3. Joelija Beroekova (OAR) 3:07,21
10 km vrije stijl vrouwlui

Gehawwe op 15 fibberwarie.

Pos. Atleet Tied
1. Ragnhild Haga (NOR) 25:00,5
2. Charlotte Kalla (SWE) 25:20,8
3. Marit Bjørgen (NOR)
Krista Pärmäkoski (FIN)
25:32,4
15 km vrije stijl manslui

Gehawwe op 16 fibberwarie.

Pos. Atleet Tied
1. Dario Cologna (SUI) 33:43,9
2. Simen Hegstad Krüger (NOR) 34:02,2
3. Denis Spitsov (OAR) 34:06,9
30 km massastart klassiek vrouwlui

25 fibberwaire, de aofsleting vaan 't langlauftoernooi.

Pos. Atleet Tied
1. Marit Bjørgen (NOR) 1:22:17,6
2. Krista Pärmäkoski (FIN) 1:24:07,1
3. Stina Nilsson (SWE) 1:24:16,5
50 km massastart klassiek manslui

24 fibberwarie.

Pos. Atleet Tied
1. Iivo Niskanen (FIN) 2:08:22,1
2. Aleksandr Bolsjoenov (OAR) 2:08:40,8
3. Andrej Larkov (OAR) 2:10:59,6
Skiatlon manslui

Gehawwe op 11 fibberwarie. Bij dit oonderdeil bestoont 't podium gans oet Nore.

Pos. Atleet Tied
1. Simen Hegstad Krüger (NOR) 1:16:20,0
2. Martin Johnsrud Sundby (NOR) 1:16:28,0
3. Hans Christer Holund (NOR) 1:16,29,9
Skiatlon vrouwlui

Gedoon op 10 fibberwarie.

Pos. Atleet Tied
1. Charlotte Kalla (SWE) 40:44,9
2. Marit Bjørgen (NOR) 40:52,7
3. Krista Pärmäkoski (FIN) 40:55,0
Estafèt manslui

De manslui skide op 18 fibberwarie euver 4×10 km.

Pos. Land Tied
1. Noorwege 1:33:04,9
2. Russisch Olympisch team 1:33:14,3
3. Fraankriek 1:33:41,8
Estafèt vrouwlui

Dit evenemint góng euver 4×5 km en woort op 17 fibberwarie gehawwe.

Pos. Land Tied
1. Noorwege 51:24,3
2. Zwede 51:26,3
3. Russisch Olympisch team 52:07,6
Plogesprint vrije stijl manslui

Gedoon op 21 fibberwarie.

Pos. Land Tied
1. Noorwege 15:56,26
2. Russisch Olympisch team 15:57,97
3. Fraankriek 15:58,28
Plogesprint vrije stijl vrouwlui

Ouch op 21 fibberwarie geskied.

Pos. Land Tied
1. Vereinegde Staote 15:56,47
2. Zwede 15:56,66
3. Noorwege 15:59,44

Sjansspringe[bewirk | brón bewèrke]

Veer eveneminte. De series veur 't ierste oonderdeil zien al op 8 fibberwarie, de lèste medajes weure op de 19e verdeild. Allein op de gewoene sjans doen ouch vrouwlui mèt.

Gewoene sjans manslui

De series waore al op 8 fibberwarie, de finaal woort op d'n 10en aofgewèrk.

Pos. Atleet Score
1. Andreas Wellinger (GER) 259,1
2. Johann André Forfang (NOR) 250,9
3. Robert Johansson (NOR) 249,7
Gewoene sjans vrouwlui

Gedoon op 12 fibberwarie.

Pos. Atleet Score
1. Maren Lundy (NOR) 264,6
2. Katharina Althaus (GER) 252,6
3. Sara Takanashi (JAP) 243,8
Reuzesjans manslui individueel

Dit evenemint waor op 17 fibberwarie.

Pos. Atleet Score
1. Kamil Stoch (POL) 285,7
2. Andreas Wellinger (GER) 282,3
3. Robert Johansson (NOR) 275,3
Reuzesjans manslui landeteams

Op 19 fibberwarie.

Pos. Land Score
1. Noorwege 1098,5
2. Duitsland 1075,7
3. Pole 1072,4

Noordse combinatie[bewirk | brón bewèrke]

Hei-in gief 't drei sets medajes, boe op 14, 20 en 22 fibberwarie um weurt geskied. E vrouwetoernooj gief 't neet.

Normale sjans/10 kilometer

Gepland op 14 fibberwarie en oondanks slech winterweer neet aofgelas. De beslissing veel op 't langlaufdeil: de winner vaan 't sjansspringe Franz-Josef Rehrl maakde dao niks klaor, dewijl de specialiste astrein op kop kaome.

Pos. Atleet Tied
1. Eric Frenzel (GER) 24:51,4
2. Akito Watabe (JAP) 24:56,2
3. Lukas Klapfer (AUT) 25:09,5
Reuzesjans/10 kilometer

Gedoon op 20 fibberwarie. Op dit oonderdeil waore de Pruse hier en meister: ze woorte ierste, twiede en daarde, op korten aofstand vaanein.

Pos. Atleet Tied
1. Johannes Rydzek (GER) 23:52,5
2. Fabien Rießle (GER) 23:52,9
3. Eric Frenzel (GER) 23:53,3
Reuzesjans/estafèt

Gedoon op 22 fibberwarie. Wie verwach pakde Duitsland weer goud, veural door e zier good langlaufdeil.

Pos. Land Tied
1. Duitsland 46:09,8
2. Noorwege 47:02,5
3. Oosteriek 47:17,6

Vrijestielskieë[bewirk | brón bewèrke]

Tien oonderdeile, vaan 9 tot en met 23 fibberwarie.

Aerials manslui

18 fibberwarie

Pos. Atleet Score
1. Oleksandr Abramenko (UKR) 128,51
2. Jia Zongyang (CHI) 128,05
3. Ilja Boerov (OAR) 122,17
Aerials vrouwlui

16 fibberwarie

Pos. Atleet Score
1. Hanna Hoeskova (BLR) 96,14
2. Zhang Xin (CHI) 95,52
3. Kong Fanyu (CHI) 70,14
Boekels manslui

12 fibberwarie

Pos. Atleet Score
1. Mikaël Kingsbury (CAN) 86,63
2. Matt Graham (AUS) 82,57
3. Daichi Hara (JAP) 82,19
Boekels vrouwlui

11 fibberwarie.

Pos. Atleet Score
1. Perrine Laffont (FRA) 78,65
2. Justine Dufour-Lapointe (CAN) 78,56
3. Joelija Galysjeva (KAZ) 77,40
Halfpipe manslui

Gedoon op 22 fibberwarie, mèt de kwalificatie op 20 fibberwarie. Dit oonderdeil lieverde 'n vrij zeldzaom broonze medaje veur Nui-Zieland op.

Pos. Atleet Score
1. David Wise (USA) 97,20
2. Alex Ferreira (USA) 96,40
3. Nico Porteous (NZL) 94,80
Halfpipe vrouwlui

20 fibberwarie.

Pos. Atleet Score
1. Cassie Sharpe (CAN) 95,80
2. Marie Martinod (FRA) 92,60
3. Brita Sigourney (USA) 91,60
Skicross manslui

21 fibberwarie

Pos. Atleet
1. Brady Leman (CAN)
2. Marc Bischofberger (SUI)
3. Sergej Ridzik (OAR)
Skircross vrouwlui

23 fibberwarie

Pos. Atleet
1. Kelsey Serwa (CAN)
2. Brittany Phelan (CAN)
3. Fanny Smith (SUI)
Slopestyle manslui

18 fibberwarie

Pos. Atleet Score
1. Øystein Bråten (NOR) 95,00
2. Nick Goepper (USA) 93,60
3. Alex Beaulieu-Marchand (FRA) 92,40
Slopestyle vrouwlui

17 fibberwarie

Pos. Atleet Score
1. Sarah Höfflin (SUI) 91,20
2. Mathilde Gremaud (SUI) 88,00
3. Isabel Atkin (GBR) 84,60

Snowboarde[bewirk | brón bewèrke]

Big air manslui

Op 24 fibberwarie gedoon.

Pos. Atleet Score
1. Sébastien Toutant (CAN) 174,25
2. Kyle Mack (USA) 168,75
3. Billy Morgan (GBR) 168,00
Big air vrouwlui

Gedoon op 22 fibberwarie. Zoi Sadowski-Synnott oet Nui-Zieland haolde op dit oonderdeil de ierste Olympische wintermedaje veur häör land sinds 1992. Wie later deen daag ouch vrijestijlskiër Nico Porteous broons haolde, woorte dit de succesvolste Winterspeule oets veur 't land.

Pos. Atleet Score
1. Anna Gasser (AUT) 185,00
2. Jamie Anderson (USA) 177,25
3. Zoi Sadowski-Synnott (NZL) 157,50
Halfpipe manslui

De kwalificatie waor op 13 fibberwarie, de finaal op de 14e. Wie in mie disciplines waor hei 'nen Amerikaon favoriet, en wel de veteraon Shaun White. White maakde zien rol ouch waor, al kaom de Japanner Ayumu Hirano wel nog kortbij.

Pos. Atleet Score
1. Shaun White (USA) 97,75
2. Ayumu Hirano (JAO) 95,25
3. Scotty James (AUS) 92,00
Halfpipe vrouwlui

Dit oonderdeil woort aofgewèrk op 12 en 13 fibberwarie. Topfavoriet Chloe Kim maakde häör rol gans woer; al vaanaof de kwalificatie waor dit oonderdeil neet mie spannend, en in häören daarde run haolde ze bekaans 'n perfekte score.

Pos. Atleet Score
1. Chloe Kim (USA) 98,25
2. Liu Jiayu (CHI) 89,75
3. Arielle Gold (USA) 85,75
Parallelle reuzeslalom manslui

Op 24 fibberwarie gehawwe.

Pos. Atleet
1. Nevin Galmarini (SUI)
2. Lee Sang-ho (KOR)
3. Žan Košir (SLO)
Parallelle reuzeslalom vrouwlui

Ouch op 24 fibberwarie.


Pos. Atleet
1. Ester Ledecká (CZE)
2. Selina Jörg (GER)
3. Ramona Theresia Hofmeister (GER)
Slopestyle manslui

11 fibberwarie.

Pos. Atleet Score
1. Redmond Gerard (USA) 83,71
2. Max Parrot (CAN) 80,10
3. Mark McNorris (CAN) 78,01
Slopestyle vrouwlui

12 fibberwarie.

Pos. Atleet Score
1. Jamie Anderson (USA) 83,00
2. Laurie Blouin (CAN) 76,33
3. Enni Rukajärvi (FIN) 75,38
Cross manslui

Op 15 fibberwarie gehawwe. 't Ierste oonderdeil zoonder Amerikaanse winner.

Pos. Atleet
1. Pierre Vaultier (FRA)
2. Jarryd Hughes (AUS)
3. Regino Hernández (SPA)
Cross vrouwlui

Gehawwe op 16 fibberwarie.

Pos. Atleet
1. Michela Moioli (ITA)
2. Julia Pereira de Sousa Mabileau (FRA)
3. Eva Samková (CZE)

Medajespiegel[bewirk | brón bewèrke]

Pos. Land Goud Zèlver Broons Totaol
1. Noorwege 14 14 11 39
2. Duitsland 14 10 7 31
3. Canada 11 8 10 29
4. Vereinegde Staote 9 8 6 23
5. Nederland 8 6 6 20
6. Zwede 7 6 1 14
7. Zuid-Korea 5 8 4 17
8. Zwitserland 5 6 4 15
9. Fraankriek 5 4 6 15
10. Oosteriek 5 3 6 14
11. Japan 4 5 4 13
12. Italië 3 2 5 10
13. Russisch Olympisch team 2 6 9 17
14. Tsjechië 2 2 3 7
15. Wit-Rusland 2 1 0 3
16. China 1 6 2 9
17. Slowakije 1 2 0 3
18. Finland 1 1 4 6
19. Vereineg Keuninkriek 1 0 4 5
20. Pole 1 0 1 2
21. Hongarije 1 0 0 1
Oekraïne 1 0 0 1
22. Australië 0 2 1 3
24. Slovenië 0 1 1 2
25. Belsj 0 1 0 1
26. Nui-Zieland 0 0 2 2
Spaanje 0 0 2 2
28. Kazachstan 0 0 1 1
Letland 0 0 1 1
Liechtenstein 0 0 1 1

[1]

Rifferenties[bewirk | brón bewèrke]

  1. CNN.com - Medajespiegel Olympische Winterspeule 2018