Sven Kramer

Van Wikipedia
Naar navigatie springen Naar zoeken springen

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Sven Kramer bij 'ne Wereldbekerwèdstrijd in 2007.

Sven Kramer (Heerenveen, 23 aprèl 1986) is 'ne Nederlandse sjaatser, gespecialiseerd in de lang aofstande (5.000 en 10.000 meter). Heer is de zoon vaan Yep Kramer, dee ouch sjaatser waor.

Carrièr[bewirk | brón bewèrke]

Kramer zouw zie debuut make bij 't Nationaal Kampiónsjap vaan 't seizón 2003/04, wat heer evels mós euversloon umtot heer twie daog teveure zienen inkel braok. Op 't Wereldkampioensjap veur juniore 2004 woort heer twiede achter de Canadees Justin Warsylewicz. In 't sezoen 2004/05 woort heer, nog junior, kampioen op 't seniore-NK. Door die prestaties moch heer, same mèt Ireen Wüst, 't volgend sezoen in de TVM-ploog goon sjaatse.

't Jaor denao verbeterde heer 't wereldrecord op de 5.000 meter. Op de Olympische Speule vaan 2006 in Turijn haolde heer op de 5.000 meter 'n zèlvere medalje, meh zien prestaties op de 1.500 en 10.000 meter vele (hendeg) tege. Op 't WK allround vaan 'tzelfde sezoen, boe heer de broonze medalje haolde, verbeterde heer nog 't wereldrecord op de 10.000 meter.

In de jaore dao-op wón heer haos alle tournoje boe 'r aon mètdeeg. In 2006/07 woort heer Nederlands aofstandskampioen op de 1.500, 5.000 en 10.000 meter en Nederlands, Europees en wereldkampioen allround (mèt op 't lèste tournooj obbenuits e record op 10.000 meter, en later in 't seizoen weer bij 'ne wedstrijd in Salt Lake City). Dat brach häöm de titels Nederlandse sportmaan vaan 't jaor en Sjaatser vaan 't jaor en de Oscar Mathisen-trofee. In 't sezoen dao-op woort heer mer eine kier op 'ne wereldbekerwedstrijd verslage door d'n Italiaon Enrico Fabris, wat heer es 'n boetegewoen nederlaog beleefde. In 2008/09 haolde heer zienen daarde wereldtitel; heer is nao Oscar Mathisen, Hjalmar Andersen, Ard Schenk en Eric Heiden pas de vijfde sjaatser dee dat gelök is. Ouch de titels op de 5.000 en 10.000 verdedegden 'r obbenuits mèt succes.

In 't jaor 2009/10 woort heer veur de veerde kier al Europees kampioen. De focus dit jaor ligk evels op de Olympische Speule in Vancouver. Op 13 februari 2010 haolde heer, in e nui Olympisch record (op 'n lieglandbaon!), 'n gouwe medalje op de 5.000 meter. Wie heer op 23 februari de 10.000 meter deeg, sjaatsde heer de winnenden tied, meh woort heer gediskwalificeerd um 'ne verkierde baonwissel.

Persoenleke records[bewirk | brón bewèrke]

Persoenlek leve en bij-sportactiviteit[bewirk | brón bewèrke]

Sinds december 2007 heet Kramer 'n relatie mèt hockeyspäölster Naomi van As. In de zomer deit heer aon fietserenne, wie väöl aander sjaatsers; Kramer deit dit evels ouch op topniveau. In 2004 woort heer twiede op 't NK fietserenne veur juniore, achter Robert Gesink.

Bron[bewirk | brón bewèrke]

Gebaseerd op, meh neet vertaold oet, 't corresponderend Nederlandstaoleg Wikipedia-artikel.

Externe link[bewirk | brón bewèrke]

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Sven_Kramer&oldid=354130"