Muziek

Van Wikipedia
Gank nao: navigatie, zeuke

Dit artikel is gesjreve in 't Nuts. 't Weurt gewaardeerd óm in dit artikel 't Nuts aan te hauwe of aan te gaeve welk anger dialek gebroek is.


Muziek is e woerd woevan de geacceptierde definities variëre mit de tied, plaatsj en kultuur. 't Waert besjouwd as 'n kuns, of vorm van vermaak. Vaak waert 't gedefinieerd in contras mit rös of sjpraok. Sommige definities van muziek plaatsjen 't expliciet binne ein kultureel contekst doer muzik te definiëre as wat de luuj acceptiere as muzikaal.


De volgende sectie van dit artikel is gesjreve in 't Mestreechs.

'rs Zien simpelweg te väöl definities vaan muziek veur mèt e neutraal antwoord te koume. De definitie versjèlt per cultuur, per tied en zelfs per persoen. Conflicte euver de grenze vaan muziek vinde beveurbeeld plaots in de conteks vaan avant-gardemuziek, die veur oongesjaolde oere zoe vreemp kin klinke tot ze neet es muzikaal herkind weurt. Ouch in muziek vaan ander culture zien zoe conflicte meugelik, zuug heioonder.

Indeiling muziek[bewirk | brontekst bewerken]

'rs Zien väöl versjèllende indeilinge in gebroek. In essentie zien 'rs twei houfindeilinge: op basis vaan cultuur en op basis vaan bestumming. In 't ierste geval kriegt me 'n verdeiling in West-Europese muziek, Japanse muziek, Indiase muziek ezw., in 't tweide geval weurt muziek ingedeild in volksmuziek, amusemintsmuziek, kunsmuziek en touwgepaste muziek. Die soorte touwpassinge loupe door de versjèllende muziekculture heen: kunsmuziek kin dus klassiek, pop of nog get aanders zien. 't Kin zelfs zien tot ei werk in versjèllende umgevinge tot 'n aander soort touwpassing behuurt: e striekkwartet vaan Mozart in e concertzaal is kunsmuziek, 'tzelfde kwartet in e restaurant is amusemintsmuziek, es achtergroondmuziek in e tv-programma is 't touwgepaste muziek.

Gebroekeliker is 't evels te spreke vaan veer of vief genres, namelik klassieke muziek, popmuziek, jazz, wereldmuziek en soms ouch nog blues. Zoe'n indeiling is wel hendeg westers en deit te weineg rech aon de groete vesjeieheid in muziek vaan ander culture.

Intern linke[bewirk | brontekst bewerken]

Aafkomstig van Wikipedia, de Vriej Encyclopedie. "http://li.wikipedia.org/w/index.php?title=Muziek&oldid=337348"