Munstergelaen

Dit artikel is gesjreve (of begós) in 't Munstergelaens. Laes hie wie v'r mit de versjillende saorte Limburgs ómgaon.

---

Munstergelaen (Nederlands: Munstergeleen) is 'n dörp in de gemeinte Zitterd-Gelaen in Nederlands Limburg. Tot 1982 waor 't 'n zelfsjtenjige gemeinte. In 2002 woonde d'r 5500 luuj. De naam kump van 't Latiense monasterium, dat kloaster beteikent. In de 12 eeuw zou hie 'n proosdie gesjtange höbbe, die heurde bie de abdij van Sint-Vaast in Atrecht. Auch de naam Abshaove zou mèt dees abdij te make höbbe gehad.

Naobersjappe

• De Wèndjraak (Windraak)
• Abshaove (Abshoven)

Bezeenswaerdig

• De baksjteine Pancratiuskèrk oet de jaore 30 van de 20e eeuw
• 't Gebaortehoes van Pater Karel, vakwerkboerderie
• 't Kloaster van Abshaove

Gebore

Gebaortehoes, kapel(vakwerksjuur) en beeld van Karel Houben

De heiligverklaorde pater Karel Houben (1821-1893) woort gebaore in 't zogeneumde Carolushaof (of Karelhoeve) mèt watermeule op 'ne ziebaek van de Gelaenbaek. 't Hoes is opgetrokke in vakwerk. Ziene pap waor meulenaer. 't Geboortehoes, mèt twee kapelle, is 'n baevaartsoord.

Evenemente

• Kèrmes in 't pinksterweekend in mei.
• Haver Ougste in een weekend in augustus
• Wienfeeste in een weekend begin september
• Boetezitting op de zaoterdig 2 waeke veur de vastelaovend.

Dörpsvereiniginge

• Vastelaovesvereiniging De Haverbüle

- Zustervereiniging Auwt jeugprinse en prinsesse

• Zaate Hermenie Bôntj & Blauw
• Voetbalvereiniging SVM
• Handbalvereiniging HV SVM
• Badmintonvereiniging BVM 81
• Jeu de Boules vereiniging
• Boksclub De Amateur
• Buurtvereiniging Haag
• Buurtvereiniging "Rond de Bronk"
• Buurt Euverstroat
• Scoutingvereiniging Scouting Munstergeleen
• Buurtvereiniging carolus