Klaerment op Berwien

Van Wikipedia
Naar navigatie springen Jump to search

Dit artikel is begós in 't Valkebergs. Laes hie wie v'r mit de versjillende saorte Limburgs ómgaon.


Hoes in Maaslandse renaissance sjtiel

Clermont-sur-Berwinne (Limburgs: Klaerment op Berwien) ies 'n dörp in de gemeinte Thimister-Clermont in 't noorde van de Belzje provincie Luuk, in 't arrondissement Verviers. 't Ies gelege aan de rivier de Berwien (Frans: Berwinne) in 't Land van Herf ónder Aubel.

Bezeenswaerdig[bewirk | brón bewèrke]

De 16e ièwse kèrk van Klaerment

De kèrk, die oet de 16e ièw sjtamp, liek op 'n huègde tösje de graver van 'n kèrkhof. 't Geboew tuènt 'n mengeling van sjtiele, ó.m. gotiek en Maaslandse renaissance. Ze ies gewiejd aan Jacobus de Mièrdere. De kèrk en 't dörp is 'n pleisterplaats of hospitia op de vaste routes die nao 't baevaartsoord Santiago de Compostella loupe.

Tegeneuver de kèrk bevingk ziech de róndbaogige ingangspoort mèt 'ne sjpietse tore en verdeping. Daoneve 't sjtadhoes. Aan de dörpssjtraot sjteit 'n helsjteine pómp. In Clermont liek 't kesjtièl van Crawhez (Plat: Kroment) oet de 17e ièw en de kesjtièlboerderie Aguesse. Wiejer sjteit 'r nog 'n Anna-kapel. De meiste hoezer in 't centrum zint geboewd in de Maaslandse Renaissance sjtiel. 't Dörp haet de kwalifikatie: Un des plus beaux villages de Wallonie.

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Klaerment_op_Berwien&oldid=426032"