Joséphine Baker
Dit artikel is gesjreve (of begós) in 't Norbiks. Laes hie wie v'r mit de versjillende saorte Limburgs ómgaon.
| Joséphine Baker | |
 | |
| Volledige naam | Joséphine Baker |
| Gebore | 3 juni 1906 |
 IMDb-profiel | |
Joséphine Baker (Saint Louis, Missouri, 3 juni 1906 - Paries, 12 april 1975) waor 'n Amerikaans-Franse zangeres, danseres en actrice.
D'r artiest
[bewirk | brón bewèrke]Baker begoes in de VS es daanseres en dat vak zat ze in Paries wieër. Naoderhaand gong ze in films sjpäöle en es zangeres makde ze ooch naam. Ze wis de Pariezenaere te interessere an d'r Jazz en broekde bie häör óptraejes d'r burleske sjtiel. In 1937 kreeg ze de Fraanse nationalitèèt.
D'r miensj
[bewirk | brón bewèrke]Ze how keender geadopteerd oet alle dele van de waelt. Häör keender waoërte daovör ooch wal de raegebaogkeender geneumd.
Väör häör verzètswaerk tiedens d'r Twiede Waeltkrèèg waoërt ze oondersjèjje in de orde van d'r Légion d'honneur.
In 1963 demonstreerde Baker mèt in d'r Marsj op Washington vör waerk en vriehèèd dae dör Martin Luther King waor georganiseerd.
Joséphine Baker haat versjèjje relaasjes gehat:
- Willie Wells 1919
- William Howard Baker 1921
- Giuseppe Pepito Abatino 1926, publiciteitsstunt
- Jean Lion 1937-1940
- Frans orkestleider Jo Bouillon 1947, (gescheiden 1957)
- Amerikaans artiest Robert Brady (1928-1986), getrouwd 1973 bies 1974
Georges Simenon, d'r bekaande Maigret-sjriever, waor 'ne vreund va Baker.
Garçonne
[bewirk | brón bewèrke]Baker is èng van de vrowwe die model sjtonge vör d'r Garçonne, 'ne modesjtiel van roond 't jaor 1920, dae an d'r art deco geleenkd is.
Museum
[bewirk | brón bewèrke]In Château des Milandes in Castelnaud-la-Chapelle in de Dordogne in Frankriek is 'n permanaente expositie van wassenbeelden, klèjjaasj, väörwerpe te zien över 't laeve va Joséphine Baker.
Statement
[bewirk | brón bewèrke]- « Puisque je personnifie la sauvage sur scène, j'essaie d'être aussi civilisée que possible dans la vie. »
(Ömdat 'ch op de scaen 'ne wille verpersoonlek probeer 'ch in 't laeve zoe geciviliseerd mäögelek te zieë.)
Späölfilms en rolle
[bewirk | brón bewèrke]- 1927 : Die Frauen von Folies Bergères va Joe Francis & Max Obal
- 1927 : La Revue des revues va Joe Francis
- 1927 : La Sirène des tropiques va Henri Etiévant en Mario Nalpas : Papitou
- 1928 : Le Pompier des Folies Bergère
- 1929 : La Folie du jour va Joe Francis
- 1934 : Zouzou va Marc Allégret : Zouzou
- 1935 : Princesse Tam Tam va Edmond T. Gréville : Aouïna
- 1940 : Moulin Rouge va Yves Mirande : Princesse Tam-Tam
- 1940-1945 : Fausse alerte va Jacques de Baroncelli : Zazou Clairon
- 1954 : An Jedem Finger Zehn va Erik Ode : 'n zangeres
- 1955 : Carosello del varietà va Aldo Bonaldi en Aldo Quinti