Jlabbach

Van Wikipedia
Gank nao: navigatie, zeuke
Dit artikel is gesjreve in 't Mestreechs. Ómdat 't plaatsgebónge is, maogs doe 't ómzètte nao 't Jlabbacher Platt, as te dit dialek sjpriks.

Ligking vaan de stad in Noordrien-Wesfale
Jlabbacher statie

Jlabbach, spreek oet Jelabbach, (Duuts: Mönchengladbach) is 'n krinkloes stad (stad die neet behuurt bis 'ne krink of Kreis, dus Kreisfrei is) in 't weste vaan Noordrien-Wesfale tege de Limbörgse grens, evels neet deil vaan 't door Mestreech bestäörde Euregio Maos-Rien. De Rienlandse plaots vilt oonder 't Regierungsbezirk Düsseldorf en ligk in de buurt vaan Krefeld en grens aon de kring Kreis Veeëse, Rhein-Kreis Neuss en Kreis Heinsberg. Jlabbach ligk op 'n hoegte vaan 70 meter. 't Revierke de Niers struimp hei doorheer. De stad heet 'n oppervlak vaan 170,45 km², en volgens de census vaan 2014 gief 't dao 255.430 inwoeners. Heimèt heet 't 'n bevolkingsdeechte vaan 1499 de veerkante kilometer. Sinds de nuie stadsraod vaan 2014 is de CDU de groetse polletieke partie mèt 29 zetels. Op de twiede en daarde plaots komme daan SPD (20) en Grüne (7). Allewel 't gein universiteit gief in de stad, bestaon d'r wel 'n paar faculteiten vaan de provinciaole hoegesjaol Hochschule Niederrhein. De stad besteit oet veer distrikte.

Brón[bewirk | brón bewèrke]

  • Duutstaolege Wikipedia
Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Jlabbach&oldid=415008"