Islam

Van Wikipedia
(Doorverweze van Islaam)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Moslims

D'n islam is de twiede wereldreligie, nao 't christendom. De volgelinge vaan d'n Islam weure allewijl meistes moslims geneump. Vaan orizjien spreek me op 't Limbörgs evels vaan Mohammedaone, boebij me riffereert nao 't feit tot d'n Islam de lier is vaan de profeet Mohammed. Heer weurt beleje door zoen 1,2 miljard lui, veural in Noord-Afrika en zuielek Azië. Zjus wie 't christendom en 't joededom is 't 'ne monotheïstische godsdeens en eine vaan de drei Abrahamitische relizjies. De naom islam beteikent lètterlek oonderwerping, wat wijs op e fundamenteel principe tot de moslim, dee d'n islam praktiseert, ziech euvergief aon Allah, d'n Arabische naom veur God.

D'n islam is de lier vaan profeet Mohammed (570-632), in de zevende iew in de Koran, 't heileg book vaan d'n Islam, opgeteikend. De Koran woort door d'n ingel Gabriel aon Mohammed gedicteerd en door aander opgesjreve. Me meint ouch tot de profeet analfabeet waor.

't Gebedshoes veur moslims hèt "moskee".

't Gief twie hoofstrouminge: 't sjiisme en 't soennisme. Doaneve gief 't nog kleinder, wie 't soefisme en de Ahmadiyya.

Islam in Limbörg en Maos-Rien[bewirk | brón bewèrke]

In Limbörg ligk 't percentaasj mohammedaone op 4,95%. In Nederlands Limbörg gief 't e percentaasj vaan 6,0% en in Belsj Limbörg 3,9%. Merkweerdeg is 't aontal Törkse mohammedaone, dat behuurt tot mie es dreikwaart vaan de Belsj-Limburgse mohammedaone, dewijl in Nederlands Limbörg 't 'n klein mierderheid vaan Arabiere gief.

In de res vaan de Euregio Maos-Rien ligk 't percentaasj mohammedaone hoeger. In Noordrien-Wesfale is 7,5% vaan de bevolking mohammedaons, wijl in Luik 't aontal zelfs tege de 14,4% ligk.

In 2020 waor 2,1% vaan de Europese Unie (EU) Mohammedaon. Vaan oerspronk gief 't in Europa traditioneel dominante Islamitische regio's in wat allewijl Bosnië, Albanië, Kosovo, Törkije en Bölgarije. Allein dat lèste land is ouch 'ne lidstaot vaan de EU. Wijers goof 't tot niet zoe laank geleie ouch op aander plekke in Europa dominant Mohammedaonse gemeinsjappe mer die zien verdwene door beveurbeeld 'ne gedwonge volksverhuis (wie d'n Törks-Islamitische volksverhuis in Griekeland in de ierste haaf vaan d'n twintegsten iew) en genocide (wie in veurmaoleg Joegoslavische gebede in 't allewijl Servië en Kroatië in de negeteger jaore).


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Islam&oldid=448243"