Genocide

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Sjedele in Choeng Ek, Cambodja, rappelere aon de massamaord door de Roeje Khmer.

Genocide of volkermaord is 't op groete sjaol plege vaan massamaord mèt es doel e gans volk, 'n etnische gróp, 'n religieus gemeinsjap of sociaol klas oet te reuje of entans sterk te vermindere. 't Woord is 'n combinatie vaan 't Aajdgrieks genos 'volk' en 't Latiens caedere 'doeje'. Diverse massamaorde oet de historie kinne es genocide weure aongemerk ('t oetmaorde vaan de Eburone door Julius Caesar, slachpartije op de Banda-eilen door Jan Pietersz. Coen). Pas in d'n Twiede Wereldoorlog is me evels vaan genocide goon spreke, in 't bezunder in verwiezing nao de Holocaust boebij oonder mie woort geprobeerd de joede en zigeunders gans te doen verdwijne. Sindsdeen zuut me genocide es ein vaan de zwoerste misdaode tege de minsheid. In de jaore 1990 en daonao höbbe ziech diverse gevalle voorgedoon, soms op lokaol niveau (op de Bosniërs in Srebrenica), soms op väöl groeter sjaol (op de Tutsi's in Rwanda).

Gevalle vaan genocide weure allewijl dèkser in internationaol tribbenaole behandeld. Dit heet evels allein succes es de regering boe de verantwoordeleke oonder valle mètwèrk.

  Dit artikel is e sjtumpke. De kans Wikipedia helpe door 't aan te völle