Joegoslavië

Van Wikipedia

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.


Ligking vaan Joegoslavië in Europa, veur en nao d'n Twiede Wereldoorlog.

Joegoslavië (Servo-Kroatisch, Sloveens en Macedonisch Jugoslavia, Југославија) waor 'ne staot in Zuid-Europa, op de westeleke Balkan, dee vaan 1918 tot 2003 heet bestande. Ze waor samegestèld oet zès etnisch verwante Zuid-Slavische volker, wat ouch in de naom trök te vinde is (Slavisch jug- 'zuid'). De staot waor voortgekoume oet 't aajd keuninkriek Servië en had es hoofstad Belgrado. Tot 1929 stoont 't land bekind es 't Keuninkriek vaan Serve, Kroate en Slovene. In d'n Twiede Wereldoorlog woort 't door de Asmachte bezat, communistische partizane grepe in 1943 de mach en maakde vaan Joegoslavië 'ne linkse staot, vaanaof 1946 'n volksrippubliek. Ideologische versjèlle zörgde evels al gaw veur 'ne breuk mèt de Sovjet-Unie en in d'n Kawwen Oorlog bleef 't land neutraol. Mèt de val vaan 't communisme ind jaore '80 staok in Joegoslavië 't nationalisme de kop op. Versjèllende deilrippublieke verzatte ziech tege de Servische dominantie en sjeide ziech aof in de Joegoslavische oorlog (achterein waore dit Slovenië, Macedonië, Kroatië en Bosnië-Herzegovina). Dit leide in 1991 en 1992 tot 't oetereinvalle vaan Joegoslavië zoewie tot oorlog in versjèllende ex-Joegoslavische rippublieke. Allein Montenegro sjeide ziech neet aof; veur de unie vaan Servië mèt dit land bleef me vaan Joegoslavië (informeel dèks Klein-Joegoslavië) spreke. In 2003 woort 't land officieel opgeheve en vervaange door de nui staot Servië-Montenegro. Dees losse unie veel in 2006 oeterein.


  Dit artikel is e sjtumpke. De kans Wikipedia helpe door 't aan te völle

Aafkomstig van Wikipedia, de Vriej Encyclopedie. "https://li.wikipedia.org/w/index.php?title=Joegoslavië&oldid=380570"