Naar inhoud springen

Iraanse aaval óp Israël in 2024

Van Wikipedia

Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.


Projectiele boave de Al-Aqsamoskee i Jeruzalem

Óp d'r 13e april 2024 lanceerde Iran en diverse pro-Iraanse groeperinge in 't Midde-Oeëste 'ne gecoördineerde drone- en raketaaval óp militair doele in Israel. 't Geet um 'n reaksie óp e bombardement óp 't Iraans consulaat óp d'r 1e april 2024, woebei 16 luuj um 't leëve koame.[1] Wiedoet de mieëtste rakette woeëde óngersjep en kóste neet hun doele rake.

De vergeldingsaavalle woare de ieësjte direkte militair confrontatie tusje bei leng seër 't begin van 't proxy-conflik noa de Iraanse Revolutie va 1978.

Achtergrónk[bewirk | brón bewèrke]

Israel en Iran sjtónt al seër de Islamitisje Revolutie van 1978 óp gesjpanne voot mitee. 't Rezjiem in Teheran erkent d'r sjtaat Israel neet, meh waal Palestina en óngersjteunt al decennia versjillende terreurgroeperinge i g'n regio, woe-ónger Hamas i g'n Gazasjtrook en Hezbollah i Syrië en Libanon. Óp d'r ieësjte april 2024 veel Israel 't Iraanse consulaat aan i g'n Syrische hoofsjtad Damascus. Doabei koame 16 luuj óm 't laeve, woe-ónger 'ne hoeggeplaatsde militair van de Quds-bridgade, 'n sjpeciaal eenheed binne 't Iraans leger.[1] Me kint dus sjpreëke van 'n groeëte escalatie in 't conflik tusje bei leng.

Verloop[bewirk | brón bewèrke]

In d'r oavend van d'r 13e april lancere Iran en diverse pro-Iraanse groeperinge in 't Midde-Oeëste, woe-ónger de Houthi's i Jeme en Hezbollah i Libanon, diverse lóchaanvalle op Israël. Bei de aavalle woeëde zieëker mieë es 300 drones en rakette aafgeveurd.[2] De mieëtste doava woeëde oet de lóf gehoald durch Israel, de VS, 't VK, Frankriek en Jordanië.[2] Wiejer hant Saoedi-Arabië en de VAE inlichtinge durchgegeëve en doabei Israel indirek geholpe.[3]

Noasjleep[bewirk | brón bewèrke]

Volges Iran, Israel en de VS zint twieë lófmachbases geraak durch rakette. Volges Israel en de VS goof 't alling lichte sja aan bei bases.[4] E meëdje is ernstig verlets geraak.[5]

Óp d'r 19e april woeëde deep in Iran explosies gehoeëd, bei e lófverdedigingssysteem i g'n umgeëving van Isfahan. Doa gieëf 't nucleair facilitete, die meugelig weëde gebroek vuur 't controversiële Iraanse atoomprogram. Volges 't rezjiem in Teheran goof 't doabei ging sja of sjlachoffesj.[6] Volges de VS is doabei e raketlanceersysteem geraak. Satellietbeelde bevestige deë letste claim.[7]

Experts gónt óp basis van de aavalle doava oet dat Israel en Iran waal bereid zint uuever te goa óp militair acties, meh ginne groeëtere kreeg i g'n regio wille riskere.[2] Dat zouw ooch de reë zieë dat Arabisje leng Israel hant geholpe mit 't oet de lóf hoale va rakette en drones, ooch went ze 't optreëne van de Israelisje troepe i Gaza sjerp veroerdele.[3]

Kiek ooch[bewirk | brón bewèrke]

Referenties[bewirk | brón bewèrke]

  1. 1,0 1,1 SOHR - Woman and her son among 16 people killed in Israeli raid on building attached to Iranian embassy
  2. 2,0 2,1 2,2 BBC - Iran attack 'will be met with response', Israel's army chief says
  3. 3,0 3,1 NOS - Ondanks afkeer van Gaza-oorlog hielpen Arabische landen Israël bij raketaanval
  4. ABC News - Minor damage reported at 2 Israeli air bases
  5. Yahoo - Anger among Israeli Bedouins after girl wounded in Iranian attack
  6. Reuters - Drone attack caused no damage or casualties in Isfahan, says Iran foreign minister
  7. The New York Times - Israeli Weapon Damaged Iranian Air Defenses Without Being Detected, Officials Say